മേപ്പയൂർ: പകർച്ചവ്യാധി പ്രതിരോധ പ്രവർത്തനങ്ങളുടെ ഭാഗമായി മേപ്പയൂർ ടൗണിൽ ശുചിത്വ ഹർത്താൽ ആചരിച്ചു. ടൗണിലെ എല്ലാ കച്ചവടക്കാരും മൂന്നു മണിക്കൂർ കടകളടച്ച് അവരവരുടെ സ്ഥാപനങ്ങളും പരിസരവും ശുചീകരിച്ചു. ടൗണിലെ മോട്ടോർ തൊഴിലാളികൾ ബസ് സ്റ്റാൻഡ്, ടാക്സി സ്റ്റാൻഡ് പരിസരം തുടങ്ങിയവ ശുചീകരിച്ചു. പഞ്ചായത്ത് അംഗങ്ങളും ഹരിതകർമസേന അംഗങ്ങളും പ്രവർത്തനങ്ങളിൽ പങ്കാളികളായി. മേപ്പയൂർ ഗ്രാമപഞ്ചായത്ത് ആവിഷ്കരിച്ച 'ഒരുക്കം 22' പദ്ധതിയുടെ ഭാഗമായി നേരത്തെ പഞ്ചായത്തിലെ എല്ലാ വീടുകളും പരിസരങ്ങളും വീട്ടുകാർതന്നെ ശുചീകരിച്ചിരുന്നു. പഞ്ചായത്തിലെ 17 വാർഡുകളിലും അയൽസഭ അടിസ്ഥാനത്തിൽ പൊതുസ്ഥലങ്ങൾ വാർഡ് വികസന സമിതിയുടെ നേതൃത്വത്തിൽ ശുചീകരണ പ്രവർത്തനം നടത്തി. വാർഡുകളിലെ പ്രവർത്തനങ്ങൾക്ക് ജനപ്രതിനിധികളും വാർഡ് വികസന സമിതി കൺവീനർ, അയൽസഭ ഭാരവാഹികളും നേതൃത്വം കൊടുത്തു. ടൗണിലെ ശുചീകരണ പരിപാടി ഗ്രാമപഞ്ചായത്ത് പ്രസിഡന്റ് കെ.ടി. രാജൻ ഉദ്ഘാടനം ചെയ്തു. വികസന സ്റ്റാൻഡിങ് കമ്മിറ്റി ചെയർമാൻ വി. സുനിൽ അധ്യക്ഷത വഹിച്ചു. കമ്മന ഷംസുദ്ദീൻ, നാരായണൻ എസ്ക്വയർ, സി.എം. സത്യൻ, കെ.കെ. റീജ, ജെ.എച്ച്.ഐ പ്രജീഷ്, വി.ഇ.ഒമാരായ രതീഷ്, വിപിൻ, ആസൂത്രണ സമിതി വൈസ് ചെയർമാൻ എൻ.കെ. സത്യൻ എന്നിവർ സംസാരിച്ചു. ടൗൺ വാർഡ് മെംബർ റാബിയ എടത്തിക്കണ്ടി നന്ദി പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.