ടിപ്പർ ലോറിയിടിച്ച് മൂന്ന് ഓട്ടോയാത്രക്കാർക്ക് പരിക്ക്

നടുവണ്ണൂർ: സംസ്ഥാനപാതയിലെ നടുവണ്ണൂർ ജവാൻ ഷൈജു സ്മാരകത്തിനടുത്ത് ടിപ്പർ ലോറിയിടിച്ച് ഓട്ടോയിൽ സഞ്ചരിച്ച മൂന്നുപേർക്ക് പരിക്കേറ്റു. ഓട്ടോഡ്രൈവർ കരുവണ്ണൂരിലെ കാഞ്ഞൂര് ബാബു (52), കരുവണ്ണൂരിലെ ഭവനിൽ വാസുദേവൻ (76), ഭാര്യ ജാനു എന്നിവർക്കാണ് പരിക്കേറ്റത്. ഇവരെ സ്വകാര്യ ആശുപത്രിയിൽ പ്രവേശിപ്പിച്ചു. ചൊവ്വാഴ്ച ഉച്ചക്ക് ഒരു മണിക്കാണ് അപകടം. ഇടിയുടെ ആഘാതത്തിൽ ഓട്ടോയുടെ ഒരു വശം പാടെ തകർന്നു. നടുവണ്ണൂർ ഭാഗത്തേക്കു വരുകയായിരുന്നു ഓട്ടോ. എതിർദിശയിലാണ് ടിപ്പർ വന്നത്.