പൊൻകുന്നം: പാലാ-പൊൻകുന്നം റൂട്ടിൽ കെ.എസ്.ആർ.ടി.സി രാത്രി സർവിസ് ആരംഭിക്കണമെന്ന് ആവശ്യം. തിരുവനന്തപുരം, പത്തനംതിട്ട, എരുമേലി എന്നിവിടങ്ങളിൽനിന്ന് മലബാർ മേഖലയിലേക്കുള്ള രാത്രി സർവിസുകളെല്ലാം കാഞ്ഞിരപ്പള്ളിയിലെത്തി ഈരാറ്റുപേട്ടയിലൂടെ പാലായിലെത്തിയാണ് പോകുന്നത്.
പൊൻകുന്നം മുതൽ പാലാ വരെയുള്ള ഭാഗത്തെ യാത്രക്കാർക്ക് പാലാ ഡിപ്പോയിൽ എത്തിയെങ്കിൽ മാത്രമേ മലബാർ സർവിസുകളിൽ യാത്ര ചെയ്യാനാവൂ. പൊൻകുന്നത്തുനിന്ന് അവസാന ബസ് രാത്രി 8.45നാണ്. അർധരാത്രിയും പുലർച്ചയുമുള്ള വടക്കൻ ബസുകളിൽ യാത്ര ചെയ്യേണ്ടവർ ഓട്ടോയിൽ സഞ്ചരിച്ച് പാലായിലെത്തണം. ഏതാനും ബസുകൾ കാഞ്ഞിരപ്പള്ളി, പൊൻകുന്നം, പാലാവഴി സർവിസ് നടത്തിയാൽ വടക്കൻ ജില്ലകളിലേക്കുള്ള യാത്രക്കാർക്ക് പ്രയോജനപ്പെടും. തിങ്കളാഴ്ച പൊൻകുന്നത്ത് എത്തുന്ന ഗതാഗതമന്ത്രി ആന്‍റണി രാജുവിന് ഇതുസംബന്ധിച്ച് നിവേദനം നൽകാനൊരുങ്ങുകയാണ് നാട്ടുകാർ.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.