ഒരിക്കൽ തെളിനീരൊഴുകിയിരുന്നിടം; ഇന്നൊഴുകുന്നത് പ്ലാസ്റ്റിക് കൂമ്പാരം; കോട്ടയത്തെ നദികളുടെ ദുരവസ്ഥ

കോ​ട്ട​യം: പ​ണ്ടൊ​ക്കെ കാ​ല​വ​ർ​ഷ​​ത്തി​ൽ കി​ഴ​ക്ക​ൻ വെ​ള്ളം ആ​ർ​ത്ത​ല​ച്ചെ​ത്തു​മ്പോ​ൾ മ​ര​ങ്ങ​ളും മ​ര​ക്കൊ​മ്പു​ക​ളും പാ​യ​ലു​മൊ​ക്കെ​യാ​യി​രു​ന്നു ഒ​ഴു​കി​യെ​ത്തി​യി​രു​ന്ന​ത്. പ​ക്ഷേ, കു​റേ കാ​ല​മാ​യി ആ ​കാ​ഴ്ച മ​റ​ഞ്ഞി​ട്ട്. പ​ക​രം, കു​ത്തി​യൊ​ലി​ച്ചെ​ത്തു​ന്ന​ത്​ പ്ലാ​സ്റ്റി​ക്​ മാ​ലി​ന്യ​ക്കൂ​മ്പാ​രം. ബോ​ട്ടി​ലു​ക​ളും ക​വ​റു​ക​ളും വീ​ട്ടു​പ​ക​ര​ണ​ങ്ങ​ളും ക​ളി​പ്പാ​ട്ട​ങ്ങ​ളു​ടെ ബാ​ക്കി​യും സാ​നി​റ്റ​റി നാ​പ്​​കി​നു​ക​ളും വ​രെ മ​ല​പോ​ലെ ഒ​ഴു​കി​യെ​ത്തു​ന്നു. പാ​ല​ത്തി​ന്‍റെ തൂ​ണു​ക​ളി​ലും മ​ര​ക്കൊ​മ്പു​ക​ളി​ലും ത​ട​ഞ്ഞ്​ പ്ലാ​സ്റ്റി​ക്​ മാ​ലി​ന്യ​ങ്ങ​ൾ കെ​ട്ടി​നി​ൽ​ക്കു​ന്ന​ത്​ ഭീ​ക​ര​മാ​യ കാ​ഴ്ച​യാ​ണ്.

മീ​ന​ച്ചി​ലാ​റും മ​ണി​മ​ല​യാ​റും അ​ട​ക്ക​മു​ള്ള ന​ദി​ക​ളി​ലൂ​ടെ ഓ​രോ മ​ഴ​ക്കാ​ല​ത്തും ഒ​ഴു​കി​യെ​ത്തു​ന്ന​ത്​ ട​ൺ ക​ണ​ക്കി​ന്​ മാ​ലി​ന്യ​ങ്ങ​ളാ​ണ്. ഇ​തി​ൽ 90 ശ​ത​മാ​ന​വും മ​ണ്ണി​ലും വെ​ള്ള​ത്തി​ലും അ​ലി​ഞ്ഞു​ചേ​രാ​ത്ത പ്ലാ​സ്റ്റി​ക്കു​ക​ൾ. ഇ​ട​വേ​ള ക​ഴി​ഞ്ഞ്​ വീ​ണ്ടും മ​ഴ പെ​യ്യു​മ്പോ​ൾ നേ​ര​ത്തെ ഒ​ഴു​കി​പ്പോ​യ അ​ത്ര ത​ന്നെ മാ​ലി​ന്യ​ങ്ങ​ൾ വീ​ണ്ടും ഒ​ഴു​കി​യെ​ത്തും. എ​ല്ലാം ചെ​ന്ന​ടി​യു​ന്ന​ത്​ വേ​മ്പ​നാ​ട്ട്​ കാ​യ​ലി​ൽ. പ്ലാ​സ്റ്റി​ക്​ മാ​ലി​ന്യ​ങ്ങ​ൾ അ​ട​ക്കം ചെ​ന്ന​ടി​ഞ്ഞ്​ ജ​ല​സം​ഭ​ര​ണ ശേ​ഷി നാ​ലി​ലൊ​ന്നാ​യി കു​റ​ഞ്ഞ വേ​മ്പ​നാ​ട്ട്​ കാ​യ​ലി​ലെ ചെ​ളി നീ​ക്കം ചെ​യ്യാ​ൻ 1850 കോ​ടി വേ​ണ്ടി​വ​രു​മെ​ന്നാ​ണ്​ വി​ദ​ഗ്​​ധ പ​ഠ​ന​സം​ഘ​ത്തി​ന്‍റെ ക​ണ്ടെ​ത്ത​ൽ.

എ​ല്ലാം ത​ള്ളാ​നൊ​രു പു​ഴ

വീ​ടി​ന​രി​കി​ലൂ​ടെ​യോ മാ​ർ​ക്ക​റ്റു​ക​ൾ​ക്ക്​ ഓ​രം ചേ​ർ​ന്നോ പു​ഴ ഒ​ഴു​കു​ന്നു​ണ്ടെ​ങ്കി​ൽ അ​ത്​ മാ​ലി​ന്യം ത​ള്ളാ​നു​ള്ള ‘ക​നാ​ൽ’ മാ​ത്ര​മാ​ണെ​ന്നാ​ണ്​ ആ​ളു​ക​ളു​ടെ വി​ചാ​രം. കി​ഴ​ക്ക​ൻ മ​ല​നി​ര​ക​ളി​ൽ നി​ന്ന്​ ഉ​ദ്​​ഭ​വി​ച്ച്​ ഓ​രോ ചെ​റു​പ​ട്ട​ണ​വും ക​ട​ന്നു വ​രു​മ്പോ​ൾ പു​ഴ മാ​ലി​ന്യ​ത്തൊ​ട്ടി​ലാ​യി മാ​റു​ന്നു. ഒ​ടു​വി​ൽ വേ​മ്പ​നാ​ട്ടു​കാ​യ​ലി​ൽ എ​ത്തു​മ്പോ​ൾ മ​ത്സ്യ​ങ്ങ​ളു​ടെ ആ​വാ​സ​വ്യ​വ​സ്ഥ ത​ന്നെ ത​ക​രാ​റി​ലാ​ക്കു​ന്ന​വി​ധം മാ​ലി​ന്യം കൂ​മ്പാ​ര​മാ​കു​ന്നു. ഇ​തി​നു പു​റ​മെ​യാ​ണ്​ വീ​ടു​ക​ളി​ൽ​നി​ന്നും മാ​ർ​ക്ക​റ്റു​ക​ളി​ൽ നി​ന്നും പു​ഴ​യി​ലേ​ക്ക്​ മ​ലി​ന​ജ​ലം തു​റ​ന്നു​വി​ടു​ന്ന​ത്. അ​റ​വു​ശാ​ല മാ​ലി​ന്യ​ങ്ങ​ളും ക​ക്കൂ​സ്​ മാ​ലി​ന്യ​ങ്ങ​ളും വ​രെ പു​ഴ​ക​ളി​ലേ​ക്ക്​ തു​റ​ന്നു​വി​ടു​ക​യാ​ണ്. മീ​ന​ച്ചി​ൽ, മ​ണി​മ​ല, പ​മ്പ തു​ട​ങ്ങി​യ ന​ദി​ക​ളി​ൽ ഇ ​കോ​ളി ബാ​ക്ടീ​രി​യ​യു​ടെ അ​ള​വ്​ അ​പ​ക​ട​ക​ര​മാ​യ നി​ല​യി​ലാ​ണെ​ന്ന് വി​ദ​ഗ്​​ധ​ർ പ​റ​യു​ന്നു.

ഹ​രി​ത​ക​ർ​മ സേ​ന​ക്കാ​ർ വീ​ടു​ക​ളി​ലെ​ത്തി പ്ലാ​സ്റ്റി​ക്​ മാ​ലി​ന്യ​ങ്ങ​ൾ ശേ​ഖ​രി​ച്ച്​ ത​രം​തി​രി​ച്ച്​ സം​സ്ക​ര​ണ​ശാ​ല​ക​ളി​ലേ​ക്ക്​ മാ​റ്റു​ന്ന​ത്​ പ​ല​യി​ട​ങ്ങ​ളി​ലും വി​ജ​യ​ക​ര​മാ​യി ന​ട​ന്നു​വ​രു​ന്നു​ണ്ട്. എ​ന്നാ​ൽ, ഇ​വ​ർ​ക്ക്​ ന​ൽ​കേ​ണ്ട തു​ച്ഛ സം​ഖ്യ ലാ​ഭി​ക്കാ​ൻ എ​ളു​പ്പ​വ​ഴി​യാ​യി മാ​ലി​ന്യ​ങ്ങ​ൾ പു​ഴ​യി​ലേ​ക്ക്​ ത​ള്ളു​ക​യാ​ണ്​ പ​ല​രും. ത​ദ്ദേ​ശ​സ്ഥാ​പ​ന​ങ്ങ​ൾ ക​ർ​ശ​ന ന​ട​പ​ടി സ്വീ​ക​രി​ച്ചാ​ൽ പു​ഴ​യി​ലേ​ക്ക്​ മാ​ലി​ന്യം ത​ള്ളു​ന്ന​ത്​ ത​ട​യാ​ൻ ക​ഴി​യും.