കോ​ട്ട​യം നഗരത്തിൽ സുരക്ഷ അനുമതി 55 കെട്ടിടങ്ങൾക്ക്​ മാത്രം

കോ​ട്ട​യം: ന​ഗ​ര​ത്തി​ൽ കെ​ട്ടി​ട സു​ര​ക്ഷാ​സം​വി​ധാ​ന മാ​ന​ദ​ണ്ഡ​ങ്ങ​ൾ പാ​ലി​ക്കു​ന്ന​ത്​ 55ഓ​ളം കെ​ട്ടി​ട​ങ്ങ​ൾ മാ​ത്രം. വ​ർ​ഷാ​വ​ർ​ഷം അ​ഗ്നി​ര​ക്ഷാ​സേ​ന​യു​ടെ എ​ൻ.​ഒ.​സി പു​തു​ക്കു​ന്ന കെ​ട്ടി​ട​ങ്ങ​ൾ ന​ഗ​ര​ത്തി​ലെ ആ​കെ കെ​ട്ടി​ട​ങ്ങ​ളു​ടെ നാ​ലി​ലൊ​ന്ന്​ മാ​ത്ര​മാ​ണെ​ന്ന​ത്​ ആ​ശ​ങ്ക ഉ​യ​ർ​ത്തു​ന്നു. കെ​ട്ടി​ട​ത്തി​ന്​ മ​തി​യാ​യ സു​ര​ക്ഷ​യി​ല്ലാ​ത്ത​തി​നാ​ൽ അ​ഗ്നി​ര​ക്ഷാ​സേ​ന വ​കു​പ്പ്​ നോ​ട്ടീ​സ​യ​ച്ച കെ​ട്ടി​ട​ങ്ങ​ൾ ന​ഗ​ര​ത്തി​ൽ നി​ര​വ​ധി​യാ​ണ്.

അ​യ​ച്ച നോ​ട്ടീ​സു​ക​ൾ​ക്ക്​ മ​റു​പ​ടി ന​ൽ​കാ​തെ അ​ന​ധി​കൃ​ത​മാ​യി പ്ര​വ​ർ​ത്തി​ക്കു​ന്ന കെ​ട്ടി​ട​ങ്ങ​ൾ സു​ര​ക്ഷാ​ഭീ​ഷ​ണി ഉ​യ​ർ​ത്തി​യാ​ണ്​ നി​ല​നി​ൽ​ക്കു​ന്ന​ത്​. ന​ഗ​ര​ത്തി​ലെ ഫ്ലാ​റ്റു​ക​ൾ, മാ​ളു​ക​ൾ, വി​വി​ധ ബ​ഹു​നി​ല കെ​ട്ടി​ട​ങ്ങ​ൾ തു​ട​ങ്ങി​യ​വ​യി​ൽ ലി​ഫ്റ്റു​ക​ളു​ടെ സു​ര​ക്ഷ, അ​ഗ്നി​ബാ​ധ​യെ ചെ​റു​ക്കാ​നു​ള്ള ക്ര​മീ​ക​ര​ണ​ങ്ങ​ൾ, കെ​ട്ടി​ട​ത്തി​ന്‍റെ വി​ശ​ദ ബ്ലൂ​പ്രി​ന്‍റ്​ എ​ന്നി​വ ക​ർ​ശ​ന​മാ​യി പാ​ലി​ച്ചാ​ൽ മാ​ത്ര​മേ എ​ൻ.​ഒ.​സി ല​ഭി​ക്കൂ എ​ന്നി​രി​ക്കേ നി​യ​മ​ങ്ങ​ളെ​ല്ലാം കാ​റ്റി​ൽ​പ​റ​ത്തി​യാ​ണ്​ മ​റ്റ്​ കെ​ട്ടി​ട​ങ്ങ​ൾ പ​ടു​ത്തു​യ​ർ​ത്തി​യി​രി​ക്കു​ന്ന​ത്.

മെ​ഡി​ക്ക​ൽ സ​ർ​വി​സ്​ കോ​ർ​പ​റേ​ഷ​ന്‍റെ കീ​ഴി​ലു​ള്ള കെ​ട്ടി​ട​ങ്ങ​ൾ പ​രി​ശോ​ധി​ച്ച​തി​ൽ മെ​ഡി​ക്ക​ൽ കോ​ള​ജി​ന്​ സ​മീ​പ​മു​ള്ള കെ​ട്ടി​ട​ത്തി​ന്​ പ​രി​ശോ​ധ​ന​ക്ക്​ ശേ​ഷം എ​ൻ.​ഒ.​സി അ​നു​മ​തി ന​ൽ​കി​യ​താ​യി ജി​ല്ല ഫ​യ​ർ സ്റ്റേ​ഷ​ൻ ഓ​ഫി​സ​ർ അ​റി​യി​ച്ചു.

ക​ഴി​ഞ്ഞ ഫെ​ബ്രു​വ​രി​യി​ൽ​ മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ നി​ർ​മാ​ണ​ത്തി​ലി​രു​ന്ന കെ​ട്ടി​ട​ത്തി​ൽ വ​ൻ തീ​പി​ടി​ത്ത​മു​ണ്ടാ​യി​രു​ന്നു. കാ​ൻ​സ​ർ വാ​ർ​ഡി​നു പി​ന്നി​ലെ എ​ട്ടു​നി​ല കെ​ട്ടി​ട​ത്തി​ലാ​ണ് അ​ഗ്നി​ബാ​ധ ഉ​ണ്ടാ​യ​ത്.ഇ​തേ തു​ട​ർ​ന്ന്​ സു​ര​ക്ഷാ​സ​മി​തി സം​ഘം ന​ട​ത്തി​യ പ​രി​ശോ​ധ​ന​യി​ൽ കെ​ട്ടി​ട നി​ർ​മാ​ണ​ത്തി​ൽ അ​പാ​ക​ത ക​ണ്ടെ​ത്തി​യി​രു​ന്നു.

ഫ​യ​ർ എ​ക്സി​റ്റ്​ ഇ​ല്ലാ​തെ മി​നി സി​വി​ൽ സ്റ്റേ​ഷ​ൻ കെ​ട്ടി​ടം

കോ​ട്ട​യം: സു​ര​ക്ഷാ​സം​വി​ധാ​ന​ങ്ങ​ളി​ല്ലാ​തെ ന​ഗ​ര​മ​ധ്യ​ത്തി​ലെ മി​നി സി​വി​ൽ സ്റ്റേ​ഷ​ൻ കെ​ട്ടി​ടം. അ​ഞ്ഞൂ​റോ​ളം ജീ​വ​ന​ക്കാ​ർ ജോ​ലി​ചെ​യ്യു​ന്ന കെ​ട്ടി​ട​ത്തി​ൽ അ​ഗ്നി​ര​ക്ഷ സം​വി​ധാ​ന​ങ്ങ​ൾ പ്ര​വ​ർ​ത്ത​ന​ക്ഷ​മ​മ​ല്ല. ആ​റു​നി​ല​യു​ള്ള കെ​ട്ടി​ട​ത്തി​ൽ ഒ​ര​പ​ക​ടം സം​ഭ​വി​ച്ചാ​ൽ വ​ൻ ദു​ര​ന്ത​ത്തി​ലേ​ക്കു വ​ഴി​വെ​ക്കും.

താ​ലൂ​ക്ക്​ ഓ​ഫി​സ്, ജി​ല്ല സാ​മൂ​ഹി​ക​ക്ഷേ​മ ഓ​ഫി​സ്, ലോ​ട്ട​റി ഓ​ഫി​സ്​ തു​ട​ങ്ങി 16 ഓ​ഫി​സാ​ണ്​​ തി​രു​ന​ക്ക​ര​യി​ലെ ഈ ​കെ​ട്ടി​ട​ത്തി​ലു​ള്ള​ത്. നൂ​റു​ക​ണ​ക്കി​ന്​ ജ​ന​ങ്ങ​ൾ ദി​നം​പ്ര​തി എ​ത്തു​ന്ന ഈ ​കെ​ട്ടി​ട​ത്തി​ലേ​ക്ക്​ ആ​കെ​യു​ള്ള​ത്​ ഒ​റ്റ പ്ര​വേ​ശ​ന ക​വാ​ടം മാ​ത്ര​മാ​ണ്. ഒ​റ്റ കോ​ണി​പ്പ​ടി​യും.

ഇ​തു​വ​ഴി മാ​ത്ര​മേ ആ​ളു​ക​ൾ​ക്ക്​ ക​യ​റാ​നും ഇ​റ​ങ്ങാ​നു​മാ​വൂ. ഒ​രു ലി​ഫ്​​റ്റ്​ ഉ​ണ്ടെ​ങ്കി​ലും അ​പ​ക​ട​സ​മ​യ​ത്ത് ഇ​ത്​ പ്ര​യോ​ജ​നം ചെ​യ്യി​ല്ല. പൊ​തു​ജ​ന​ങ്ങ​ളു​മാ​യി ബ​ന്ധ​പ്പെ​ടു​ന്ന​താ​യ​തി​നാ​ൽ സാ​ധാ​ര​ണ സി​വി​ൽ സ്റ്റേ​ഷ​നു​ക​ൾ​ക്ക്​ ഒ​ന്നി​ല​ധി​കം ക​വാ​ട​ങ്ങ​ളു​ണ്ടാ​വാ​റു​ണ്ട്. ക​യ​റു​ന്നി​ട​ത്തു​ത​ന്നെ ക​ട​ലാ​സ്​​പെ​ട്ടി​ക​ളി​ൽ ഓ​ഫി​സ്​ സാ​മ​ഗ്രി​ക​ൾ കൂ​ട്ടി​വെ​ച്ചി​രി​ക്കു​ക​യാ​ണ്. ഗ്രൗ​ണ്ട്​ ഫ്ലോ​റി​നു താ​ഴെ​യാ​ണ്​ സ്റ്റേ​ഷ​ന​റി ഓ​ഫി​സും ലീ​ഗ​ൽ മെ​ട്രോ​ള​ജി ഓ​ഫി​സും. സി​വി​ൽ സ്റ്റേ​ഷ​ൻ ​കെ​ട്ടി​ട​ത്തി​ലേ​ക്കു ക​യ​റു​ന്നി​ട​ത്താ​ണ്​​ സ​ർ​ക്കാ​ർ വാ​ഹ​ന​ങ്ങ​ൾ പാ​ർ​ക്ക്​ ചെ​യ്യു​ന്ന​ത്. മു​റ്റ​ത്തും വ​ള​പ്പി​ലും ത​ല​ങ്ങും വി​ല​ങ്ങു​മാ​യാ​ണ്​​ പാ​ർ​ക്കി​ങ്.

ഒ​ന്നി​ലേ​റെ പ്ര​വേ​ശ​ന​ക​വാ​ട​മി​ല്ലാ​ത്ത​ത്​ സം​ബ​ന്ധി​ച്ചു നേ​ര​ത്തേ​ത​ന്നെ പ​രാ​തി ഉ​യ​ർ​ന്നി​രു​ന്നു. ഒ​രു​വ​ർ​ഷം മു​മ്പ്​ അ​ഗ്നി​ര​ക്ഷാ​സേ​ന കെ​ട്ടി​ട​ത്തി​ൽ ഫ​യ​ർ​ഓ​ഡി​റ്റ്​ ന​ട​ത്തി റി​പ്പോ​ർ​ട്ട്​ ന​ൽ​കി​യി​രു​ന്നു. അ​ഗ്നി​ര​ക്ഷാ​സം​വി​ധാ​ന​ങ്ങ​ൾ പ്ര​വ​ർ​ത്ത​ന ക്ഷ​മ​മാ​ക്ക​ണ​മെ​ന്നും ഫ​യ​ർ എ​ക്സി​റ്റ്​ ഒ​രു​ക്ക​ണ​മെ​ന്നും നി​ർ​ദേ​ശം ന​ൽ​കി​യെ​ങ്കി​ലും ഒ​ന്നും ന​ട​പ്പാ​യി​ട്ടി​ല്ല.

ക​ല​ക്ട​റേ​റ്റി​ൽ എ​മ​ർ​ജ​ൻ​സി ഫ​യ​ർ എ​ക്സി​റ്റ് സം​വി​ധാ​ന​മാ​യി

കോ​ട്ട​യം: സു​ര​ക്ഷാ​സം​വി​ധാ​ന​ങ്ങ​ളു​ടെ ഭാ​ഗ​മാ​യി ക​ല​ക്ട​റേ​റ്റി​ൽ എ​മ​ർ​ജ​ൻ​സി ഫ​യ​ർ എ​ക്സി​റ്റ് സം​വി​ധാ​ന​മൊ​രു​ക്കി. ഐ.​എ​സ്.​ഒ സ​ർ​ട്ടി​ഫി​ക്കേ​ഷ​ന്റെ ഭാ​ഗ​മാ​യി ന​ട​ത്തി​യ ഫ​യ​ർ ഓ​ഡി​റ്റി​ന്റെ അ​ടി​സ്ഥാ​ന​ത്തി​ലാ​ണ് എ​മ​ർ​ജ​ൻ​സി ഫ​യ​ർ എ​ക്സി​റ്റ് പ​ണി​ത​ത്.

ഫെ​ഡ​റ​ൽ ബാ​ങ്ക് സി.​എ​സ്.​ആ​ർ ഫ​ണ്ടി​ൽ​നി​ന്ന്​ അ​ഞ്ചു​ല​ക്ഷം രൂ​പ ചെ​ല​വ​ഴി​ച്ചാ​ണ് വി​പ​ഞ്ചി​ക കോ​ൺ​ഫ​റ​ൻ​സ് ഹാ​ളി​ന​ടു​ത്ത് ഫ​യ​ർ എ​ക്സി​റ്റ് നി​ർ​മി​ച്ച​ത്. ജി​ല്ല നി​ർ​മി​തി കേ​ന്ദ്ര​ത്തി​നാ​യി​രു​ന്നു നി​ർ​മാ​ണ​ച്ചു​മ​ത​ല. ഉ​ദ്ഘാ​ട​നം ജി​ല്ല പ​ഞ്ചാ​യ​ത്ത് പ്ര​സി​ഡ​ന്റ് കെ.​വി. ബി​ന്ദു​വി​ന്റെ സാ​ന്നി​ധ്യ​ത്തി​ൽ ക​ല​ക്ട​ർ ഡോ.​പി.​കെ. ജ​യ​ശ്രീ നി​ർ​വ​ഹി​ച്ചു.

എ.​ഡി.​എം റെ​ജി പി. ​ജോ​സ​ഫ്, ജി​ല്ല ഫി​നാ​ൻ​സ് ഓ​ഫി​സ​ർ എ​സ്.​ആ​ർ. അ​നി​ൽ​കു​മാ​ർ, ഹു​സൂ​ർ ശി​ര​സ്ത​ദാ​ർ എ​ൻ.​എ​സ്. സു​രേ​ഷ് കു​മാ​ർ, ഫെ​ഡ​റ​ൽ ബാ​ങ്ക് ഉ​ദ്യോ​ഗ​സ്ഥ​രാ​യ ബി​നോ​യ് അ​ഗ​സ്റ്റി​ൻ, പി.​എ​ൻ. അ​ശോ​ക് കു​മാ​ർ, മി​നി​മോ​ൾ ലി​സ് തോ​മ​സ്, ര​ക്ഷി​ത് പ്ര​ഭു, സ​ചി​ൻ ജേ​ക്ക​ബ് എ​ന്നി​വ​ർ പ​ങ്കെ​ടു​ത്തു.