കല്ലറ പൊലീസ് സ്‌റ്റേഷൻ നിർമാണം പൂർത്തിയായി

ക​ല്ല​റ: ഒ​രു ഗ്രാ​മ​ത്തി​ന്റെ നീ​ണ്ട നാ​ള​ത്തെ കാ​ത്തി​രി​പ്പാ​ണ്​ ക​ല്ല​റ ഗ്രാ​മ പ​ഞ്ചാ​യ​ത്തി​ലെ പൊ​ലീ​സ്​ സ്റ്റേ​ഷ​ൻ നി​ർ​മാ​ണം പൂ​ർ​ത്തി​യാ​യ​തോ​ടെ സ​ഫ​ല​മാ​യ​ത്. കു​റ​വി​ല​ങ്ങാ​ട് - ചേ​ർ​ത്ത​ല മി​നി ഹൈ​വേ​ക്ക് അ​രി​കി​ൽ ച​ന്ത​പ്പ​റ​മ്പി​ൽ 3750 ച​തു​ര​ശ്ര അ​ടി​യി​ൽ മൂ​ന്നു​നി​ല​ക​ളി​ലാ​ണ്​ പു​തി​യ പൊ​ലീ​സ്​ സ്‌​റ്റേ​ഷ​ൻ. 30 സെ​ന്റ് സ്ഥ​ല​വും 2250 ച​തു​ര​ശ്ര അ​ടി​യു​ള്ള ര​ണ്ടു​നി​ല കെ​ട്ടി​ട​വും ക​ല്ല​റ ഗ്രാ​മ പ​ഞ്ചാ​യ​ത്ത് ആ​ഭ്യ​ന്ത​ര​വ​കു​പ്പി​ന് വി​ട്ടു​ന​ൽ​കി​യി​രു​ന്നു.

ര​മേ​ശ് ചെ​ന്നി​ത്ത​ല ആ​ഭ്യ​ന്ത​ര വ​കു​പ്പ് മ​ന്ത്രി​യാ​യി​രു​ന്ന​പ്പോ​ഴാ​ണ് ക​ല്ല​റ​യി​ൽ പു​തി​യ പൊ​ലീ​സ്​ സ്​​റ്റേ​ഷ​ൻ അ​നു​വ​ദി​ച്ച​ത്. ക​ല്ല​റ ഗ്രാ​മ പ​ഞ്ചാ​യ​ത്തി​ന്റെ 2019-’20 പ്ലാ​ൻ​ഫ​ണ്ടി​ൽ നി​ന്നു​ള്ള 33.66 ല​ക്ഷം വി​നി​യോ​ഗി​ച്ചാ​ണ് ര​ണ്ടു​നി​ല​കെ​ട്ടി​ടം നി​ർ​മി​ച്ച​ത്.

ഒ​രു നി​ല​യും പോ​ർ​ച്ച് അ​ട​ക്കം സൗ​ക​ര്യ​ങ്ങ​ളു​മാ​യി 1500 അ​ടി കൂ​ട്ടി​ച്ചേ​ർ​ത്ത് വി​പു​ല​മാ​യ സൗ​ക​ര്യ​ങ്ങ​ൾ കൂ​ടി പി​ന്നീ​ട് പൂ​ർ​ത്തി​ക​രി​ച്ചു. സ്​​റ്റേ​ഷ​ൻ ഹൗ​സ് ഓ​ഫി​സ​ർ, സ​ബ് ഇ​ൻ​സ്‌​പെ​ക്ട​ർ എ​ന്നി​വ​രു​ടെ മു​റി​ക​ൾ, ഓ​ഫി​സ് മു​റി​ക​ൾ, വി​ശ്ര​മ മു​റി, ലോ​ക്ക​പ്പ്, തൊ​ണ്ടി മു​ത​ൽ സൂ​ക്ഷി​ക്കു​ന്ന​തി​നു​ള​ള മു​റി, ശു​ചി​മു​റി​ക​ൾ എ​ന്നി​വ​യ​ട​ക്ക​മു​ള്ള ക്ര​മീ​ക​ര​ണ​ങ്ങ​ൾ സ​ജ്ജ​മാ​ക്കി. കെ​ട്ടി​ടം വി​പു​ലീ​ക​രി​ക്കു​ന്ന​തി​നും സ്‌​റ്റേ​ഷ​നി​ലെ സൗ​ക​ര്യ​ങ്ങ​ൾ ഒ​രു​ക്കു​ന്ന​തി​നും സി.​കെ. ആ​ശ എം.​എ​ൽ.​എ​യു​ടെ പ്രാ​ദേ​ശി​ക​വി​ക​സ​ന ഫ​ണ്ടി​ൽ നി​ന്ന് 36.50 ല​ക്ഷം രൂ​പ​യാ​ണ് അ​നു​വ​ദി​ച്ച​ത്. വൈ​ക്കം, ക​ടു​ത്തു​രു​ത്തി പൊ​ലീ​സ് സ്റ്റേ​ഷ​നു​ക​ളു​ടെ പ​രി​ധി​യി​ലു​ള്ള പ്ര​ദേ​ശ​ങ്ങ​ൾ ഉ​ൾ​പ്പെ​ടു​ത്തി​യാ​ണ് പു​തി​യ സ്‌​റ്റേ​ഷ​ൻ നി​ല​വി​ൽ വ​രു​ന്ന​ത്. പേ​ര് ക​ല്ല​റ പൊ​ലീ​സ് സ്‌​റ്റേ​ഷ​ൻ എ​ന്നാ​ക്കു​ന്ന​തി​നും അ​തി​ർ​ത്തി നി​ർ​ണ​യ​ത്തി​നു​മാ​യി ഗ​സ​റ്റ് വി​ജ്ഞാ​പ​ന ന​ട​പ​ടി​ക​ളും പൂ​ർ​ത്തി​യാ​കേ​ണ്ട​തു​ണ്ട്.