പ്രായം മറന്ന് ഹൃദ്യസ്​നേഹാദരങ്ങൾ ഏറ്റുവാങ്ങി അവർ ഒത്തുചേർന്നു

കോ​ട്ട​യം: പ്രാ​യ​മോ യാ​ത്ര​യോ സ​മ​യ​മോ അ​വ​ർ​ക്കൊ​രു പ്ര​ശ്ന​മാ​യി​ല്ല... പു​തു​ത​ല​മു​റ​യു​ടെ സ്​​നേ​ഹാ​ദ​രം​ ഏ​റ്റു​വാ​ങ്ങാ​ൻ വി​ശ്ര​മ​ജീ​വി​തം ന​യി​ക്കു​ന്ന അ​വ​രെ​ല്ലാ​വ​രും പ്രാ​യം മ​റ​ന്ന്​ എ​ത്തി. വ​ജ്ര​ജൂ​ബി​ലി ആ​ഘോ​ഷ​ങ്ങ​ളു​ടെ ഭാ​ഗ​മാ​യി ബ​സേ​ലി​യ​സ് കോ​ള​ജി​ൽ ന​ട​ന്ന ത​ല​മു​റ സം​ഗ​മ​മാ​യ ‘ഹൃ​ദ്യം’ പ​രി​പാ​ടി​യി​ലാ​ണ്​ കോ​ള​ജി​ന്‍റെ ആ​രം​ഭ​കാ​ലം മു​ത​ൽ സേ​വ​നം അ​നു​ഷ്ഠി​ച്ച് വി​ര​മി​ച്ച അ​ധ്യാ​പ​ക​രും അ​ന​ധ്യാ​പ​ക​രും എ​ത്തി​ച്ചേ​ർ​ന്ന​ത്. പു​തു​ത​ല​മു​റ​യി​ലെ അ​ധ്യാ​പ​ക​രു​ടെ​യും അ​ന​ധ്യാ​പ​ക​രു​ടെ​യും ആ​ദ​ര​വും സ്നേ​ഹ​വും അ​വ​ർ ഏ​റ്റു​വാ​ങ്ങി.

ഒ​ന്നി​ച്ച് ഭ​ക്ഷ​ണം ക​ഴി​ച്ച്, പാ​ട്ടു​പാ​ടി, സൗ​ഹൃ​ദ​ങ്ങ​ൾ പ​ങ്കു​വെ​ച്ചാ​ണ്​ അ​വ​ർ മ​ട​ങ്ങി​യ​ത്. ദി​വ​സം മു​ഴു​വ​ൻ നി​റ​ഞ്ഞു​നി​ന്ന സം​ഗ​മ​ത്തി​നാ​ണ് ശ​നി​യാ​ഴ്ച ബ​സേ​ലി​യ​സ് കോ​ള​ജ് സാ​ക്ഷ്യം വ​ഹി​ച്ച​ത്. 1964ൽ ​സ്ഥാ​പി​ത​മാ​യ കോ​ള​ജി​ന്റെ ഇ​ന്നോ​ളം പ്ര​വ​ർ​ത്തി​ച്ചു വി​ര​മി​ച്ച​വ​രും ഇ​പ്പോ​ൾ പ്ര​വ​ർ​ത്തി​ക്കു​ന്ന​വ​രു​മാ​യ എ​ല്ലാ അ​ധ്യാ​പ​ക, അ​ന​ധ്യാ​പ​ക​രു​ടെ​യും സം​ഗ​മ​മാ​യി​രു​ന്നു ‘ഹൃ​ദ്യം’.

പ്രാ​യ​ത്തി​ന്റെ അ​വ​ശ​ത​ക​ൾ എ​ല്ലാം മ​റ​ന്ന്​ ത​ങ്ങ​ളു​ടെ ജീ​വി​ത​ത്തി​ന്റെ ഭൂ​രി​പ​ക്ഷ കാ​ല​വും പ്ര​വ​ർ​ത്തി​ച്ച ക​ലാ​ല​യ​ത്തി​ലേ​ക്ക് തി​രി​കെ എ​ത്തി​യ​ത് നൂ​റ്​ അ​ധ്യാ​പ​ക​രും 50 അ​ന​ധ്യാ​പ​ക​രു​മാ​ണ്.

ബ​സേ​ലി​യ​സ് കോ​ള​ജി​നെ ഉ​ന്ന​ത വി​ദ്യാ​ഭ്യാ​സ രം​ഗ​ത്തെ മി​ക​ച്ച ക​ലാ​ല​യ​മാ​ക്കു​ന്ന​തി​ൽ ഇ​വ​രു​ടെ​യെ​ല്ലാം പ​ങ്ക് വ​ള​രെ വ​ലു​താ​യി​രു​ന്നു. വി​ര​മി​ച്ച അ​ധ്യാ​പ​ക​രി​ലെ ഏ​റ്റ​വും ത​ല​മു​തി​ർ​ന്ന അ​ധ്യാ​പ​ക​രെ ആ​ദ​രി​ച്ചു. വി​ര​മി​ച്ച​വ​രും ഇ​പ്പോ​ൾ പ്ര​വ​ർ​ത്തി​ക്കു​ന്ന​വ​രു​ടേ​തു​മാ​യ അ​ധ്യാ​പ​ക, അ​ന​ധ്യാ​പ​ക​രു​ടെ ക​ലാ​പ​രി​പാ​ടി​ക​ളും അ​ര​ങ്ങേ​റി.

പ്രി​ൻ​സി​പ്പ​ൽ പ്ര​ഫ. ഡോ. ​ബി​ജു തോ​മ​സ്, ജ​ന​റ​ൽ ക​ൺ​വീ​ന​ർ പ്ര​ഫ. ഡോ. ​പി. ജ്യോ​തി​മോ​ൾ, ക​ൺ​വീ​ന​ർ പ്ര​ഫ. എ​ൽ​സ സി. ​മ​രി​യ സെ​ബാ​സ്റ്റ​ൻ, ജോ​യ​ന്‍റ്​ ക​ൺ​വീ​ന​ർ സ​ണ്ണി വ​ർ​ഗീ​സ് ഈ​വ​ന്‍റ്​ കോ​ഓ​ഡി​നേ​റ്റ​ർ ഡോ. ​ജോ​ജി എം. ​ഫി​ലി​പ്, മു​ൻ പ്രി​ൻ​സി​പ്പ​ൽ​മാ​രാ​യ ഡോ. ​കെ.​പി. ജോ​യി, പ്ര​ഫ. ജേ​ക്ക​ബ് കു​ര്യ​ൻ ഓ​ണാ​ട്ട്, പ്ര​ഫ. ജേ​ക്ക​ബ് മാ​ത്യു, ഡോ. ​ജാ​ൻ​സി തോ​മ​സ്, പാ​മ്പാ​ടി കെ.​ജി കോ​ള​ജ് മു​ൻ പ്രി​ൻ​സി​പ്പ​ൽ​മാ​രാ​യ പ്ര​ഫ. ടൈ​റ്റ​സ് വ​ർ​ക്കി, ഫാ. ​പ്ര​ഫ. കെ.​വി. പൗ​ലോ​സ്, എം.​ഒ.​സി കോ​ള​ജു​ക​ളു​ടെ സെ​ക്ര​ട്ട​റി ഡോ. ​എം.​ഇ. കു​ര്യാ​ക്കോ​സ്, പ്ര​ഫ. മാ​ലൂ​ർ മു​ര​ളീ​ധ​ര​ൻ, പൂ​ർ​വ വി​ദ്യാ​ർ​ഥി സം​ഘ​ട​ന പ്ര​തി​നി​ധി നൈ​നാ​ൻ കോ​ശി എ​ന്നി​വ​ർ സം​സാ​രി​ച്ചു.