റോഷൻ റോയ് ജോമോൻ താജുദ്ദീൻ
പള്ളിക്കത്തോട്: പൊലീസുദ്യോഗസ്ഥരുടെ നേരേ കയ്യേറ്റശ്രമം നടത്തിയ മൂന്ന് യുവാക്കളെ അറസ്റ്റ് ചെയ്തു. കങ്ങഴ ഇടയിരിക്കപ്പുഴ പഴുക്കാവിള മുറിക്കാട്ട് വീട്ടിൽ റോഷൻ റോയ് (23), ആലപ്പുഴ കട്ടച്ചിറ താന്നിചുവട്ടിൽ വീട്ടിൽ ജോമോൻ ടി.എ (24), കങ്ങഴ പടനിലം പഴയപുരയ്ക്കൽ വീട്ടിൽ പി.എം താജുദ്ദീൻ (27) എന്നിവരെയാണ് പള്ളിക്കത്തോട് പൊലീസ് അറസ്റ്റ് ചെയ്തത്.
ഇവർസംഘം ചേർന്ന് മാരകായുധങ്ങളുമായി പുളിക്കൽകവലയിൽ ഭീകരാന്തരീക്ഷം സൃഷ്ടിച്ചതിനെ തുടർന്ന് പൊലീസ് സ്ഥലത്തെത്തുകയും തുടർന്ന് ഇവർ പൊലീസ് ഉദ്യോഗസ്ഥർക്ക് നേരേ കയ്യേറ്റശ്രമം നടത്തുകയായിരുന്നു. തുടർന്ന് കൂടുതൽ പൊലീസ് സ്ഥലത്തെത്തി ഇവരെ സാഹസികമായി പിടികൂടുകയായിരുന്നു.
പള്ളിക്കത്തോട് എസ്.എച്ച്.ഒ ഹരികൃഷ്ണൻ കെ.ബി, എ.എസ്.ഐ റെജി ജോൺ, സി.പി.ഒമാരായ പ്രദോഷ്, അൻസിം, ശ്രീജിത്ത് എന്നിവർ ചേർന്നാണ് ഇവരെ അറസ്റ്റ് ചെയ്തത്. കോടതിയിൽ ഹാജരാക്കിയ മൂവരെയും റിമാൻഡ് ചെയ്തു. മറ്റ് പ്രതികള്ക്കുവേണ്ടി തിരച്ചില് ശക്തമാക്കി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.