എം.ജി യൂനിയൻ തെരഞ്ഞെടുപ്പ്​: എസ്‌.എഫ്‌.ഐക്ക്​ മേധാവിത്വം

കോട്ടയം: എം.ജി സർവകലാശാലക്ക്‌ കീഴിലുള്ള കോളജുകളിലെ യൂനിയൻ തെരഞ്ഞെടുപ്പിൽ എസ്‌.എഫ്‌.ഐക്ക്‌ വൻ വിജയം. ആകെ തെരഞ്ഞെടുപ്പ്‌ നടന്ന 125 കോളജുകളിൽ 116ലും വിജയിച്ചതായി എസ്‌.എഫ്‌.ഐ അവകാശപ്പെട്ടു. കോട്ടയം ജില്ലയിൽ തെരഞ്ഞെടുപ്പ്‌ നടന്ന 39 കോളജുകളിൽ 38 ഇടത്തും എസ്‌.എഫ്‌.ഐക്കാണ്​ ഭൂരിപക്ഷം. ഇടുക്കി ജില്ലയിൽ 27ൽ 24 ഇടത്തും പത്തനംതിട്ടയിൽ 18ൽ 17 ഇടത്തും എറണാകുളം ജില്ലയിൽ 41ൽ 37 ഇടത്തും വിജയിച്ചതായി എസ്‌.എഫ്‌.ഐ നേതാക്കൾ പറഞ്ഞു. കെ.എസ്‌.യുവിന്‌ മുൻതൂക്കമുള്ള പല കോളജുകളും പിടിച്ചെടുത്തതായും ഇവർ പറഞ്ഞു

വായനക്കാരുടെ അഭിപ്രായങ്ങള്‍ അവരുടേത്​ മാത്രമാണ്​, മാധ്യമത്തി​േൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്​പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്​. അത്തരം പ്രതികരണങ്ങൾ നിയമനടപടി നേരിടേണ്ടി വരും.