കോട്ടയം: രണ്ട് വീട്ടിൽ പുലർച്ച മോഷണശ്രമം. നീലിമംഗലത്ത് വെള്ളിയാഴ്ച പുലർച്ച മൂന്നോടെയായിരുന്നു സംഭവം. ഒരുവീട്ടിൽ മോഷ്ടാവ് കയറിയെങ്കിലും വീട്ടുകാർ പുറത്തിറങ്ങിയതോടെ ഓടിമറഞ്ഞു. മറ്റൊരു വീടിന്റെ അലമാര പൊളിച്ച് മോഷണത്തിനും ശ്രമിച്ചു. പുലർച്ച റോഡരികിൽ നിന്ന മോഷ്ടാവിനെ ഗാന്ധിനഗർ എസ്.എച്ച്.ഒ കെ. ഷിജിയുടെ നേതൃത്വത്തിൽ പിടികൂടാൻ ശ്രമിച്ചെങ്കിലും ഓടിമറഞ്ഞു. ഇയാളുടേതെന്ന് സംശയിക്കുന്ന ബൈക്ക് പൊലീസ് കസ്റ്റഡിയിൽ എടുത്തിട്ടുണ്ട്. രാത്രിയിൽ പൊലീസ് പട്രോളിങ്ങിനിടെയാണ് റോഡരികിൽ സംശയാസ്പദ സാഹചര്യത്തിൽ നിൽക്കുന്ന യുവാവിനെ ഗാന്ധിനഗർ എസ്.എച്ച്.ഒ കെ. ഷിജി കണ്ടത്. രാത്രി പൊലീസ് സംഘം സ്ഥലത്ത് നിരീക്ഷണം നടത്തി. മോഷ്ടാക്കളെ കണ്ടെത്തുന്നതിന് നിരീക്ഷണം ശക്തമാക്കുമെന്ന് പൊലീസ് പറഞ്ഞു. സാമൂഹികവിരുദ്ധർ വീടിന് തീവെച്ചു മണിമല: ആലപ്ര വഞ്ചിയപ്പാറ മണിമല വീട്ടിൽ രാധാമണിയമ്മയുടെ വീടിന് സാമൂഹികവിരുദ്ധർ തീവെച്ചു. കഴിഞ്ഞദിവസം രാത്രി ഒമ്പതോടെയാണ് സംഭവം. രാധാമണിയമ്മ സമീപത്തെ ബന്ധുവീട്ടിലും മകൻ അനൂപ് അമ്മാവന്റെ വീട്ടിലും പോയ സമയത്താണ് സംഭവം. സമീപത്തെ വീട്ടിലെ പ്രാർഥനക്ക് എത്തിയ ആളാണ് വീടിന് മുന്നിൽ തീ കത്തുന്നത് കാണുന്നത്. സമീപവാസികൾ എത്തി വെള്ളം ഒഴിച്ച് തീ അണച്ചു. വർക്ക്ഷോപ്പിൽ ഉപയോഗിക്കുന്ന വേസ്റ്റ് തുണിയിൽ മണ്ണെണ്ണ ഒഴിച്ചാണ് കത്തിച്ചതെന്ന് കണ്ടെത്തി. മണിമല പൊലീസിൽ പരാതി നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.