എരുമേലി: മഹല്ല മുസ്ലിം ജമാഅത്തിന്റെ ആഭിമുഖ്യത്തിൽ ചരിത്രപ്രസിദ്ധമായ ചന്ദനക്കുട മഹോത്സവം തിങ്കളാഴ്ച വിവിധ പരിപാടികളോടെ നടത്തുമെന്ന് ഭാരവാഹികൾ വാർത്തസമ്മേളനത്തിൽ അറിയിച്ചു. തിങ്കളാഴ്ച വൈകീട്ട് അഞ്ചിന് അമ്പലപ്പുഴ പേട്ട സംഘവും മഹല്ല മുസ്ലിം ജമാഅത്ത് പ്രതിനിധികളുമായി ജമാഅത്ത് ഹാളിൽ സൗഹൃദ സംഗമം നടക്കും. സെബാസ്റ്റ്യൻ കുളത്തുങ്കൽ എം.എൽ.എ ഉദ്ഘാടനം ചെയ്യും. വൈകീട്ട് 6.30ന് പൊതുസമ്മേളനവും ചന്ദനക്കുട ഘോഷയാത്രയുടെ ഫ്ലാഗ് ഓഫും മന്ത്രി വി.എൻ. വാസവൻ നിർവഹിക്കും. ജമാഅത്ത് പ്രസിഡന്റ് പി.എ. ഇർഷാദ് അധ്യക്ഷതവഹിക്കും. 7.30 ഓടെ പള്ളിയങ്കണത്തിൽനിന്ന് ഒരു ആനയുടെ അകമ്പടിയോടെ ചന്ദനക്കുട ഘോഷയാത്ര ആരംഭിക്കും. തുടർന്ന് എരുമേലിയുടെ വിവിധ പ്രദേശങ്ങളിലൂടെ സഞ്ചരിച്ച് സ്വീകരണങ്ങൾ ഏറ്റുവാങ്ങും. ചരള, ചരളപള്ളി, പ്രൈവറ്റ് ബസ് സ്റ്റാൻഡ്, കൊച്ചമ്പലം, പേട്ടക്കവല, വലിയമ്പലം, ചെമ്പകത്തുങ്കൽ സ്റ്റേഡിയം, പൊലീസ് സ്റ്റേഷൻ, കെ.എസ്.ആർ.ടി.സി, ടി.ബി, മാർക്കറ്റ് ജങ്ഷൻ, സെന്റ് തോമസ് സ്കൂൾ, വിലങ്ങുപാറ എന്നിവിടങ്ങളിലൂടെ സഞ്ചരിച്ച് ചെവ്വാഴ്ച പുലർച്ച ഒരുമണിയോടെ പള്ളി അങ്കണത്തിലെത്തി കൊടി താഴ്ത്തുന്നതോടെ സമാപനമാവും. ചെണ്ടമേളം, ശിങ്കാരിമേളം, കൊട്ടക്കാവടി, മയിൽ, കഥകളി തുടങ്ങി വിവിധ കലാപരിപാടികൾ ചന്ദനക്കുടത്തിന് മികവേകും. ചൊവ്വാഴ്ച പകലാണ് അമ്പലപ്പുഴ സംഘത്തിന്റ പേട്ട. അമ്പലപ്പുഴ പേട്ടക്ക് വാവരിന്റ പ്രതിനിധിയായി ഈ വർഷം ടി.എച്ച്. ആസാദ് താഴത്തുവീട്ടിലിനെ ജമാഅത്ത് കമ്മിറ്റി തീരുമാനിച്ചു. ജമാഅത്ത് പ്രസിഡന്റ് പി.എ. ഇർഷാദ്, സെക്രട്ടറി സി.എ.എം. കരീം, ട്രഷറർ സി.യു. അബ്ദുൽ കരീം, വി.പി. അബ്ദുൽ കരീം വെട്ടിയാനിക്കൽ, നിസാർ പ്ലാമൂട്ടിൽ, അൻസാരി പാടിക്കൽ, എം.ഇ. ഫൈസൽ മാവുങ്കൽ പുരയിടം, ഷിഹാബ് പുതുപ്പറമ്പിൽ, അജ്മൽ അഷ്റഫ് വിലങ്ങുപാറ, നാസർ പനച്ചി, സലീം കണ്ണകര തുടങ്ങിയവർ വാർത്തസമ്മേളനത്തിൽ പങ്കെടുത്തു. ............................... ഡോ. ഫസൽ ഗഫൂറിന് സ്വീകരണം കോട്ടയം: എം.ഇ.എസ് ഗോൾഡൻ ജൂബിലി കോളജിൽ എം.ഇ.എസ് സംസ്ഥാന പ്രസിഡന്റ് ഡോ. ഫസൽ ഗഫൂറിന് സ്വീകരണം നൽകി. പുതിയ പി.ജി ബ്ലോക്കിന്റെയും കെട്ടിട സമുച്ചയങ്ങളുടെയും ശിലാസ്ഥാപനം ഡോ. ഫസൽ ഗഫൂർ നിർവഹിച്ചു. ജില്ല പ്രസിഡന്റ് എം.എം. ഹനീഫ് അധ്യക്ഷതവഹിച്ചു. കോളജ് മാനേജ്മെന്റ് കമ്മിറ്റി ചെയർമാൻ കെ.എ. നൂറുദീൻ മേത്തർ ഉപഹാരം നൽകി. സെക്രട്ടറി ടി.എസ്. റഷീർ, കോളജ് സെക്രട്ടറി അബ്ദുൽ കരീം, ഷരീഫ് കുട്ടി, മുസ്ലിം ലീഗ് ജില്ല പ്രസിഡന്റും കോളജ് കമ്മിറ്റി അംഗവുമായ അസീസ് ബഡായിൽ, എരുമേലി കോളജ് ചെയർമാൻ പി.എച്ച്. നജീബ്, ഹബീബുല്ല ഖാൻ തുടങ്ങിയവർ സംസാരിച്ചു. KTL SWEEKARANAM- എം.ഇ.എസ് ഗോൾഡൻ ജൂബിലി കോളജിൽ പുതിയ പി.ജി ബ്ലോക്കിന്റെയും കെട്ടിട സമുച്ചയങ്ങളുടെയും ശിലാസ്ഥാപനം ഡോ. ഫസൽ ഗഫൂർ നിർവഹിക്കുന്നു
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.