പ്രതി ഋഷി
ശാസ്താംകോട്ട: പള്ളിശ്ശേരിക്കലിൽ മാരക മയക്കുമരുന്നുകളുമായി യുവാവ് പിടിയിൽ. പള്ളിശ്ശേരിക്കൽ സത്യാലയത്തിൽ ഋഷിയാണ് (22) ശാസ്താംകോട്ട പൊലീസിന്റെ പിടിയിലായത്.പ്രതിയുടെ വീടിനുസമീപത്തുനിന്നാണ് കസ്റ്റഡിയിലെടുത്തത്. ഇയാളിൽനിന്ന് വിൽപനക്കായി സൂക്ഷിച്ചിരുന്ന 0.76 ഗ്രാം എം.ഡി.എം.എയും 4.3 ഗ്രാം കഞ്ചാവും കണ്ടെടുത്തു. ശാസ്താംകോട്ട പൊലീസിന് കിട്ടിയ രഹസ്യവിവരത്തിന്റെ അടിസ്ഥാനത്തിലായിരുന്നു പരിശോധന.
പ്രതിയെ കോടതി റിമാൻഡ് ചെയ്തു. കഴിഞ്ഞ മൂന്നുദിവസത്തിനിടെ ആറാമത്തെയാളാണ് ശാസ്താംകോട്ട മേഖലയിൽ മയക്കുമരുന്നുമായി പിടിയിലാകുന്നത്. കഴിഞ്ഞ രണ്ടുദിവസത്തിനുള്ളിൽ മൈനാഗപ്പള്ളി, പതാരം, കടപുഴ പ്രദേശങ്ങളിൽനിന്ന് യുവതി അടക്കം അഞ്ച് പ്രതികൾ പിടിയിലായിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.