ഭ​ര​ണി​ക്കാ​വ് ടൗ​ണി​ൽ മോ​ഷ​ണം പ​തി​വാ​യി

ശാ​സ്താം​കോ​ട്ട: ഭ​ര​ണി​ക്കാ​വ് ടൗ​ണി​ൽ വ്യാ​പാ​ര സ്ഥാ​പ​ന​ങ്ങ​ൾ കേ​ന്ദ്രീ​ക​രി​ച്ച് മോ​ഷ​ണ​വും മോ​ഷ​ണ​ശ്ര​മ​വും പ​തി​വാ​കു​ന്നു. അ​ർ​ധ​രാ​ത്രി ക​ട​ക​ളു​ടെ പൂ​ട്ട് ത​ക​ർ​ത്താ​ണ് മോ​ഷ​ണം ന​ട​ത്തു​ന്ന​ത്. ച​ക്കു​വ​ള്ളി റോ​ഡി​ലെ ഹോ​ട്ട​ലി​ന്റെ പൂ​ട്ട് ത​ക​ർ​ത്ത് പ​തി​നാ​യി​രം രൂ​പ​യും പ​റ്റ്ബു​ക്കും ക​വ​ർ​ന്നു.

സാ​യാ ഡി​സൈ​ൻ​സ് എ​ന്ന വ​സ്ത്ര​വ്യാ​പാ​ര​ശാ​ല​യി​ൽ പൂ​ട്ട് കു​ത്തി​ത്തു​റ​ന്ന് മോ​ഷ​ണ​ശ്ര​മം ന​ട​ന്നു. ക​ട​യു​ടെ ഗ്ലാ​സ് എ​റി​ഞ്ഞു​ത​ക​ർ​ക്കു​ക​യും ചെ​യ്തു. ക​ട​യി​ൽ വെ​ച്ചി​രു​ന്ന ബൈ​ക്ക് എ​ടു​ക്കാ​ൻ രാ​വി​ലെ ഉ​ട​മ എ​ത്തി​യ​പ്പോ​ഴാ​ണ് മോ​ഷ​ണ​വി​വ​രം അ​റി​ഞ്ഞ​ത്. ഷ​ട്ട​റി​ന്റെ താ​ഴ് ത​ക​ർ​ത്ത് വ​ലി​ച്ചെ​റി​ഞ്ഞ നി​ല​യി​ലാ​യി​രു​ന്നു. 50000 രൂ​പ​യു​ടെ ന​ഷ്ടം ക​ണ​ക്കാ​ക്കു​ന്നു.

ച​ക്കു​വ​ള്ളി റോ​ഡി​ൽ ത​ന്നെ മ​റ്റൊ​രു സ്ഥാ​പ​ന​ത്തി​ന്റെ പൂ​ട്ട് ത​ക​ർ​ത്ത് മോ​ഷ​ണം ന​ട​ത്താ​നും ശ്ര​മ​മു​ണ്ടാ​യി. ഭ​ര​ണി​ക്കാ​വ് ടൗ​ണി​ന് തൊ​ട്ട​ടു​ത്തു​ള്ള പ​ന​പ്പെ​ട്ടി ആ​ശ്ര​മം ദേ​വീ​ക്ഷേ​ത്ര​ത്തി​ൽ മോ​ഷ​ണ​ശ്ര​മം ന​ട​ന്ന​തും ഏ​താ​നും ദി​വ​സം മു​മ്പാ​ണ്.

കാ​ണി​ക്ക​വ​ഞ്ചി കു​ത്തി​പ്പൊ​ളി​ച്ച് പ​ണം ക​വ​രാ​ൻ ശ്ര​മി​ച്ച മോ​ഷ്ടാ​വി​ന്റെ ചി​ത്രം നി​രീ​ക്ഷ​ണ കാ​മ​റ​യി​ൽ നി​ന്ന്​ ല​ഭി​ച്ചി​ട്ടും ക​ണ്ടെ​ത്താ​ൻ ശാ​സ്താം​കോ​ട്ട പൊ​ലീ​സി​നു ക​ഴി​ഞ്ഞി​ട്ടി​ല്ല. കു​ന്ന​ത്തൂ​ർ താ​ലൂ​ക്കി​ലെ പ്ര​ധാ​ന ടൗ​ണാ​യ ഭ​ര​ണി​ക്കാ​വി​ലെ തു​ട​ർ​ച്ച​യാ​യ മോ​ഷ​ണ​ത്തി​നു​കാ​ര​ണം പൊ​ലീ​സി​ന്റെ നി​ഷ്‌​ക്രി​യ​ത്വ​മാ​ണെ​ന്ന് നാ​ട്ടു​കാ​ർ പ​റ​യു​ന്നു.