ശാസ്താംകോട്ട റെയിൽവേ ട്രാക്കിനോട് ചേർന്ന കാട് വൃത്തിയാക്കി

ശാ​സ്താം​കോ​ട്ട: ശാ​സ്താം​കോ​ട്ട റെ​യി​ൽ​വേ സ്റ്റേ​ഷ​ന് സ​മീ​പം ട്രാ​ക്കി​നോ​ട് ചേ​ർ​ന്ന കാ​ട് വെ​ട്ടി​ത്തെ​ളി​ച്ചു. ‘മാ​ധ്യ​മം’ വാ​ർ​ത്ത​യെ തു​ട​ർ​ന്നാ​ണ് ന​ട​പ​ടി. കാ​ട് വെ​ട്ടി​ത്തെ​ളി​ക്കു​ക​യും പ്ലാ​റ്റ്ഫോം വൃ​ത്തി​യാ​ക്കു​ക​യും ചെ​യ്തു.

റെ​യി​ൽ സി​റ്റി വാ​ട്ട്സാ​പ്പ് ഗ്രൂ​പ്പ് ഭാ​ര​വ​ഹി​ക​ൾ വാ​ർ​ത്ത റെ​യി​ൽ​വേ അ​ധി​കൃ​ത​രു​ടെ​യും കൊ​ടി​കു​ന്നി​ൽ സൂ​രേ​ഷ് എം.​പി​യു​ടെ​യും ശ്ര​ദ്ധ​യി​ൽ​പ്പെ​ടു​ത്തി​യ​തി​നെ തു​ട​ർ​ന്നാ​ണ് അ​ടി​യ​ന്തി​ര ന​ട​പ​ടി ഉ​ണ്ടാ​യ​ത്.

ശാ​സ്താം​കോ​ട്ട റെ​യി​ൽ​വേ സ്റ്റേ​ഷ​ന്‍റെ കി​ഴ​ക്കു​ഭാ​ഗ​ത്ത് പ്ര​ദേ​ശ​വാ​സി​ക​ൾ ക​ട​ന്നു​പോ​കു​ന്ന ഭാ​ഗ​ത്ത് ട്രാ​ക്കി​നോ​ട് ചേ​ർ​ന്ന് കാ​ട് വെ​ട്ടി മാ​റ്റാ​ത്ത​ത് അ​പ​ക​ടം സൃ​ഷ്ടി​ച്ചി​രു​ന്നു. ഈ ​ഭാ​ഗ​ത്ത് ട്രാ​ക്കു​ക​ൾ വ​ള​ഞ്ഞാ​ണ് കി​ട​ക്കു​ന്ന​ത്. കാ​ട് കൂ​ടി ആ​യ​തോ​ടെ കൊ​ല്ലം ഭാ​ഗ​ത്ത് നി​ന്ന് വ​രു​ന്ന ട്രെ​യി​നു​ക​ൾ ട്രാ​ക്ക് മു​റി​ച്ച് ക​ട​ക്കു​ന്ന​വ​ർ​ക്ക് കാ​ണാ​ൻ ക​ഴി​യാ​താ​വു​ക​യും ട്രെ​യി​ൻ വ​രു​മ്പോ​ൾ അ​ടി​യി​ൽ​പ്പെ​ടു​ന്ന​തും പ​തി​വാ​യി​രു​ന്നു.

ര​ണ്ടാ​ഴ്ച മു​മ്പ് തൊ​ഴി​ലു​റ​പ്പ് തൊ​ഴി​ലാ​ളി ഇ​ത്ത​ര​ത്തി​ൽ ട്രെ​യി​നി​ടി​ച്ച് മ​രി​ച്ചു. സ​മാ​ന​മാ​യ നി​ര​വ​ധി സം​ഭ​വ​ങ്ങ​ൾ മു​മ്പും ഇ​വി​ടെ ന​ട​ന്നു.

മു​മ്പ് ട്രാ​ക്കി​നോ​ട് ചേ​ർ​ന്നു​ള്ള കാ​ടും പ​ട​ല​വും റെ​യി​ൽ​വേ ജീ​വ​ന​ക്കാ​രെ​ക്കൊ​ണ്ട് ത​ന്നെ അ​ധി​കൃ​ത​ർ വൃ​ത്തി​യാ​ക്കി​ച്ചി​രു​ന്നു. ഫ​ണ്ട് ഇ​ല്ലാ​ത്ത​ത് കാ​ര​ണം ക​ഴി​ഞ്ഞ ര​ണ്ട് വ​ർ​ഷ​ത്തി​ല​ധി​ക​മാ​യി കാ​ട് വെ​ട്ടി​ത്തെ​ളി​ക്കാ​റി​ല്ലാ​യി​രു​ന്നു.