ശാസ്താംകോട്ട റെയില്‍വേ സ്റ്റേഷനുമുന്നില്‍ വെള്ളക്കെട്ട്; യാത്രക്കാർ ദുരിതത്തിൽ

ശാ​സ്താം​കോ​ട്ട: നൂ​റ് ക​ണ​ക്കി​ന് യാ​ത്ര​ക്കാ​ർ ദി​നം​പ്ര​തി വ​ന്നു​പോ​കു​ന്ന ശാ​സ്താം​കോ​ട്ട റെ​യി​ല്‍വേ സ്റ്റേ​ഷ​നു​മു​ന്നി​ല്‍ വെ​ള്ള​ക്കെ​ട്ട്. പു​ന​ര്‍നി​ര്‍മാ​ണം ന​ട​ന്ന പ​ഴ​യ സ്റ്റേ​ഷ​ന്‍ കെ​ട്ടി​ട​ത്തി​നു മു​ന്നി​ലാ​ണ് മ​ഴ​യി​ൽ ഒ​ഴു​കി​പ്പോ​കാ​തെ വെ​ള്ളം കെ​ട്ടി​ക്കി​ട​ക്കു​ന്ന​ത്. അ​ശാ​സ്ത്രീ​യ​മാ​യ നി​ർ​മാ​ണ​മാ​ണ് വെ​ള്ള​ക്കെ​ട്ടി​ന് കാ​ര​ണ​മെ​ന്നാ​ണ് പ​രാ​തി.

വെ​ള്ള​ക്കെ​ട്ട് മൂ​ലം യാ​ത്ര​ക്കാ​ർ​ക്ക് സ്റ്റേ​ഷ​നി​ലേ​ക്ക് ക​യ​റാ​നോ പു​റ​ത്തേ​ക്ക് ഇ​റ​ങ്ങാ​നോ ക​ഴി​യു​ന്നി​ല്ല. സ്റ്റേ​ഷ​ന് വേ​ണ്ടി സ​മീ​പ​ത്ത് ത​ന്നെ ഒ​രു​വ​ർ​ഷം മു​മ്പ് പു​തി​യ കെ​ട്ടി​ടം പ​ണി​ത് പ്ര​വ​ർ​ത്ത​നം അ​വി​ടേ​ക്ക് മാ​റ്റി​യി​രു​ന്നു. ഈ ​കെ​ട്ടി​ട​ത്തി​ലേ​ക്ക് റോ​ഡി​ൽ നി​ന്ന് പ്ര​വേ​ശ​ന​മാ​ർ​ഗ്ഗം ഉ​ണ്ടെ​ങ്കി​ലും ഇ​വി​ടു​ത്തെ ഗേ​റ്റി​ൽ കൂ​ടി യാ​ത്ര​ക്കാ​ർ​ക്ക് പ്ര​വേ​ശി​ക്കാ​ൻ ക​ഴി​യാ​ത്ത​വി​ധം പൂ​ട്ടി ഇ​ട്ടി​രി​ക്കു​ക​യാ​ണ്. എ​ന്നാ​ൽ, ജീ​വ​ന​ക്കാ​രും അ​വ​രു​ടെ വാ​ഹ​ന​ങ്ങ​ളും ഇ​ത് വ​ഴി ക​ട​ന്ന് പോ​യ​തി​ന് ശേ​ഷ​മാ​ണ് ഗേ​റ്റ് പൂ​ട്ടു​ന്ന​തെ​ന്ന ആ​ക്ഷേ​പ​വും ഉ​ണ്ട്.

ഈ ​പ്ര​വേ​ശ​ന​മാ​ർ​ഗം തു​റ​ക്കാ​ത്ത​തി​നാ​ൽ സ്റ്റേ​ഷ​നി​ൽ എ​ത്തു​ന്ന ഭി​ന്ന​ശേ​ഷി​ക്കാ​രും രോ​ഗി​ക​ളു​മാ​യ യാ​ത്ര​ക്കാ​ർ വ​ള​രെ ബു​ദ്ധി​മു​ട്ടു​ക​യാ​ണ്. നി​ത്യ​വും ആ​യി​ര​ങ്ങ​ള്‍ എ​ത്തു​ന്ന സ്റ്റേ​ഷ​നി​ലെ വെ​ള്ള​ക്കെ​ട്ട് പ​രി​ഹ​രി​ക്ക​ണ​മെ​ന്ന് ആ​വ​ശ്യ​പ്പെ​ട്ട് റെ​യി​ൽ​വേ സ്റ്റേ​ഷ​ൻ വി​ക​സ​ന​വു​മാ​യി ബ​ന്ധ​പ്പെ​ട്ട് രൂ​പ​ത്​​ക​രി​ച്ച വാ​ട്​​സ്​​ആ​പ് കൂ​ട്ടാ​യ്​​മ​യു​ടെ നേ​തൃ​ത്വ​ത്തി​ൽ അ​ധി​കൃ​ത​ർ​ക്ക് പ​രാ​തി ന​ൽ​കി.