വസ്തു റീസർവേ; കുന്നത്തൂർ താലൂക്ക് ഓഫിസിന് മുന്നിൽ ഒറ്റയാൾ സമരം

ശാ​സ്താം​കോ​ട്ട: 2008ൽ ​വി​ല​യാ​ധാ​രം വാ​ങ്ങി ക​ര​മൊ​ടു​ക്കി​വ​രു​ന്ന വ​സ്തു റീ​സ​ർ​വേ ചെ​യ്ത് ന​ൽ​കു​ന്നി​ല്ലെ​ന്ന ആ​ക്ഷേ​പ​വു​മാ​യി കു​ന്ന​ത്തൂ​ർ താ​ലൂ​ക്ക് ഓ​ഫി​സി​ന് മു​ന്നി​ൽ വ​യോ​ധി​ക​ന്‍റെ ഒ​റ്റ​യാ​ൾ സ​മ​രം.

ശൂ​ര​നാ​ട് തെ​ക്ക് കി​ട​ങ്ങ​യം ന​ടു​വി​ൽ കാ​ട്ടു​ത​റ​യി​ൽ സു​ലൈ​മാ​ൻ കു​ഞ്ഞ് (63) ആ​ണ് വ്യാ​ഴാ​ഴ്ച രാ​വി​ലെ​മു​ത​ൽ താ​ലൂ​ക്ക് ഓ​ഫി​സി​ന് മു​ന്നി​ൽ സ​ത്യ​ഗ്ര​ഹ സ​മ​രം ആ​രം​ഭി​ച്ച​ത്. പ​ത്ത് വ​ർ​ഷ​ത്തി​ല​ധി​ക​മാ​യി വ​സ്തു റീ​സ​ർ​വേ ചെ​യ്ത് കി​ട്ടു​ന്ന​തി​നു​വേ​ണ്ടി സ​ർ​ക്കാ​ർ ഓ​ഫി​സു​ക​ളി​ൽ ക​യ​റി​യി​റ​ങ്ങു​ന്ന​താ​യി ഇ​ദ്ദേ​ഹം പ​റ​യു​ന്നു.

വി​ല്ലേ​ജ് ഓ​ഫി​സ​ർ മു​ത​ൽ മു​ഖ്യ​മ​ന്ത്രി​ക്കു​വ​രെ പ​രാ​തി ന​ൽ​കി​യി​ട്ടും ന​ട​പ​ടി ഉ​ണ്ടാ​യി​ട്ടി​ല്ലെ​ന്ന് അ​ദ്ദേ​ഹം പ​റ​ഞ്ഞു. ഈ ​സാ​ഹ​ച​ര്യ​ത്തി​ലാ​ണ് താ​ലൂ​ക്ക് ഓ​ഫി​സി​ന് മു​ന്നി​ൽ സ​മ​രം ചെ​യ്യേ​ണ്ടി വ​ന്ന​ത്. കെ.​ഐ.​പി ക​നാ​ലി​നോ​ട് ചേ​ർ​ന്നാ​ണ് ഇ​ദ്ദേ​ഹ​ത്തി​ന്‍റെ വ​സ്തു. ഇ​വി​ടെ ഉ​ണ്ടാ​യി​രു​ന്ന അ​തി​ർ​ത്തി ക​ല്ല് ചി​ല​ർ ഇ​ള​ക്കി മാ​റ്റി​യ​താ​ണ് ത​നി​ക്ക് റീ​സ​ർ​വേ ചെ​യ്ത് കി​ട്ടു​ന്ന​തി​ന് ത​ട​സ്സ​മെ​ന്നും ക​ല്ല് ഇ​ള​ക്കി മാ​റ്റി​യ​വ​ർ​ക്കെ​തി​രെ ന​ട​പ​ടി സ്വീ​ക​രി​ക്കു​ന്നി​ല്ലെ​ന്നും അ​ദ്ദേ​ഹം പ​റ​യു​ന്നു. സ​മ​രം ഇ​നി​യും തു​ട​രും.

അ​ഞ്ച് പ്രാ​വ​ശ്യം താ​ലൂ​ക്ക് സ​ർ​വേ​യ​ർ വ​സ്തു അ​ള​ന്ന് തി​ട്ട​പ്പെ​ടു​ത്തി ന​ൽ​കി. ബോ​ധ്യ​മാ​കാ​ത്ത​തി​നാ​ൽ ജി​ല്ല സ​ർ​വേ​യ​റെ​ത്തി വ​സ്തു അ​ള​ന്ന് തി​ട്ട​പ്പെ​ടു​ത്തി​യെ​ന്നും എ​ന്നി​ട്ടും സു​ലൈ​മാ​ൻ കു​ഞ്ഞി​ന് ബോ​ധ്യ​മാ​കു​ന്നി​ല്ലെ​ന്നും ഈ ​കാ​ര്യ​ത്തി​ൽ ചെ​യ്യാ​ൻ സാ​ധ്യ​മാ​യ​ത് എ​ല്ലാം ചെ​യ്തി​ട്ടു​ണ്ടെ​ന്നും കു​ന്ന​ത്തൂ​ർ ത​ഹ​സി​ൽ​ദാ​ർ പ​റ​ഞ്ഞു.