അനന്തരം അവർ ഒന്നിച്ചു

ശാ​സ്താം​കോ​ട്ട: പ​ക്ഷി​മൃ​ഗാ​ദി​ക​ളും മ​നു​ഷ്യ​നും ത​മ്മി​ലു​ള്ള അ​ഭേ​ദ്യ​മാ​യ ഹൃ​ദ​യ ബ​ന്ധ​ത്തി​ന്‍റെ ക​ഥ​ക​ളി​ലൊ​ന്നു​കൂ​ടി കേ​ൾ​ക്കൂ. അ​തൊ​രു പു​ന​സ​മാ​ഗ​മ​ത്തി​ന്‍റെ മു​ഹൂ​ർ​ത്തം കൂ​ടി​യാ​ണി​ത്.

പ​താ​രം കു​മ​രം​ചി​റ ക്ഷേ​ത്ര​ത്തി​ന് സ​മീ​പം കു​മ്പ​ഴ​ത​യി​ൽ ഗ​വ. ക​രാ​റു​കാ​ര​നാ​യ കൃ​ഷ്ണ​കു​മാ​റി​ന്‍റെ വീ​ട്​ വ​ള​ർ​ത്തു​ത​ത്ത​യെ തി​രി​ച്ചു​കി​ട്ടി​യ ആ​ഹ്ലാ​ദ​ത്തി​ലാ​ണ്. ഉ​ദ്ദേ​ശം ഏ​ഴ്​ മാ​സം മു​മ്പ് ക​രു​നാ​ഗ​പ്പ​ള്ളി മ​ണ​പ്പ​ള്ളി​യി​ലെ ഒ​രു പെ​റ്റ് ഷോ​പ്പി​ൽ നി​ന്ന് 10-12 ദി​വ​സം മാ​ത്രം പ്രാ​യ​മു​ള്ള ത​ത്ത​യെ ഇ​വ​ർ വാ​ങ്ങു​ക​യാ​യി​രു​ന്നു. ചു​രു​ങ്ങി​യ കാ​ലം കൊ​ണ്ട് വി​ക്കി കു​ടും​ബ​ത്തി​ലെ ഒ​രം​ഗ​മാ​യി​മാ​റി.

ഹ്ര​സ്വ ദൂ​ര​യാ​ത്ര​ക​ളി​ൽ കൃ​ഷ്ണ​കു​മാ​റി​ന്‍റെ തോ​ളി​ലി​രു​ന്ന് സ്കൂ​ട്ട​റി​ൽ യാ​ത്ര ചെ​യ്യും. ദീ​ർ​ഘ​ദൂ​ര യാ​ത്ര​ക​ളി​ൽ കാ​റി​ലി​രു​ന്ന് കു​ടും​ബാം​ഗ​ങ്ങ​ളോ​ടൊ​പ്പം യാ​ത്ര ചെ​യ്യും. എ​ന്നാ​ൽ, ഈ ​മാ​സം ര​ണ്ടി​ന് വി​ക്കി വീ​ട്ടി​ൽ നി​ന്ന് പ​റ​ന്ന​ക​ന്നു. വീ​ട്ടി​ൽ ഉ​ണ്ടാ​യി​രു​ന്ന ഒ​രു ബ​ന്ധു വി​ക്കി​യെ കാ​ണെ ഒ​രു വ​ടി എ​ടു​ത്ത​തോ​ടെ ഭ​യ​ചി​കി​ത​യാ​യ വി​ക്കി പ​റ​ന്ന​ക​ലു​ക​യാ​യി​രു​ന്നു.

ഇ​തോ​ടെ കു​ട്ടി​ക​ൾ അ​ട​ക്കം വീ​ട്ടി​ലെ എ​ല്ലാ​വ​രും ഏ​റെ ദു​ഖ​ത്തി​ലാ​യി. കൃ​ഷ്ണ​കു​മാ​റും കു​ടും​ബ​വും സ​മീ​പ​പ്ര​ദേ​ശ​ങ്ങ​ളി​ൽ അ​രി​ച്ചു പെ​റു​ക്കി​യെ​ങ്കി​ലും ക​ണ്ടു​കി​ട്ടി​യി​ല്ല. ഇ​തോ​ടെ കൃ​ഷ്ണ​കു​മാ​ർ സ​മൂ​ഹ​മാ​ധ്യ​മ​ങ്ങ​ളി​ലൂ​ടെ അ​ഭ്യ​ർ​ത്ഥ​ന ന​ട​ത്തി. വ്യാ​പ​ക​മാ​യി ഇ​ത് പ്ര​ച​രി​ക്ക​പ്പെ​ട്ട​തോ​ടെ ഒ​രു ദി​വ​സം പ​ത്ത​നം​തി​ട്ട​യി​ൽ നി​ന്ന് ഒ​രു യു​വാ​വ് വി​ളി​ക്കു​ക​യും അ​വ​രു​ടെ വീ​ട്ടി​ൽ ഒ​രു ത​ത്ത വ​ന്നു ക​യ​റി എ​ന്ന വി​വ​രം അ​റി​യി​ച്ചു. അ​ന്വേ​ഷി​ച്ച്​ അ​വി​ടെ എ​ത്തി​യ കൃ​ഷ്ണ​കു​മാ​റി​നെ ക​ണ്ട​തോ​ടെ ചി​റ​കി​ട്ട​ടി​ച്ചും ഉ​ച്ച​ത്തി​ൽ ശ​ബ്ദ​മു​ണ്ടാ​ക്കി​യും സ്നേ​ഹം പ്ര​ക​ടി​പ്പി​ച്ചും വി​ക്കി കൃ​ഷ്ണ​കു​മാ​റി​ന്‍റെ തോ​ളി​ൽ വ​ന്നി​രു​ന്നു.

പി​ന്നീ​ട് ഈ ​വീ​ട്ടു​കാ​രു​ടെ സ​മ്മ​ത​ത്തോ​ടെ കൃ​ഷ്ണ​കു​മാ​ർ വി​ക്കി​യെ വീ​ട്ടി​ലേ​ക്ക് മ​ട​ക്കി കൊ​ണ്ടു​വ​ന്നു. ത​ത്ത കൃ​ഷ്ണ​കു​മാ​റി​ന്‍റെ തോ​ളി​ലി​രു​ന്ന്, സ്കൂ​ട്ട​റി​ലി​രു​ന്ന്​ യാ​ത്ര തു​ട​രു​ക​യാ​ണി​പ്പോ​ൾ.