ശാസ്താംകോട്ട പഞ്ചായത്തിൽ മഴക്കാല പൂർവശുചീകരണം പാളിയെന്ന്

ശാ​സ്താം​കോ​ട്ട: മ​ഴ​ക്കാ​ല പൂ​ർ​വ​ശു​ചീ​ക​ര​ണ പ്ര​വ​ർ​ത്ത​നം ശാ​സ്താം​കോ​ട്ട ഗ്രാ​മ​പ​ഞ്ചാ​യ​ത്തി​ൽ കാ​ര്യ​ക്ഷ​മ​മാ​യി ന​ട​ന്നി​ല്ലെ​ന്ന് പ​രാ​തി. ഗ്രാ​മ​പ​ഞ്ചാ​യ​ത്ത് ഓ​ഫി​സി​ന് വി​ളി​പ്പാ​ട​ക​ലെ മു​മ്പ് കെ.​എ​സ്.​ആ​ർ.​ടി.​സി ഡി​പ്പോ​യും ഇ​പ്പോ​ൾ ച​ന്ത​യും പ്ര​വ​ർ​ത്തി​ക്കു​ന്ന സ്ഥ​ല​ത്ത് അ​ട​ക്കം പ​ഞ്ചാ​യ​ത്തി​ന്റെ വി​വി​ധ ഭാ​ഗ​ങ്ങ​ളി​ൽ മാ​ലി​ന്യം കു​ന്നു​കൂ​ടി കി​ട​ക്കു​ക​യാ​ണ്. സാം​ക്ര​മി​ക രോ​ഗ​ങ്ങ​ൾ പ​ട​ർ​ന്ന് പി​ടി​ക്കാ​ൻ സാ​ധ്യ​ത വ​രു​ത്തു​ന്ന ച​ന്ത​യി​ൽ നി​ന്നു​ള്ള മാ​ലി​ന്യ​ങ്ങ​ളാ​ണ് ഇ​വി​ടെ കു​ന്നു​കൂ​ടി കി​ട​ക്കു​ന്ന​ത്.

ശാ​സ്താം​കോ​ട്ട ഗ​വ. താ​ലൂ​ക്ക് ആ​ശു​പ​ത്രി​യി​ൽ കെ​ട്ടി​ടം പ​ണി ന​ട​ക്കു​ന്ന​തി​നാ​ൽ ആ​ശു​പ​ത്രി​യു​ടെ ഫി​സി​യോ തെ​റാ​പ്പി സെ​ന്റ​ർ പ്ര​വ​ർ​ത്തി​ക്കു​ന്ന​ത് ഇ​വി​ടെ​യാ​ണ്. ഇ​തി​ന്റെ മു​ൻ വ​ശം ഉ​ൾ​പ്പെ​ടെ​യു​ള്ള സ്ഥ​ല​ത്താ​ണ് മാ​ലി​ന്യ​ങ്ങ​ൾ കു​ന്നു​കൂ​ടി കി​ട​ക്കു​ന്ന​ത്. ദി​നം​പ്ര​തി നൂ​റ് ക​ണ​ക്കി​ന് ആ​ളു​ക​ൾ എ​ത്തു​ന്ന സ്ഥ​ല​മാ​ണി​ത്.

പ​ഞ്ചാ​യ​ത്ത് അ​ധി​കാ​രി​ക​ളോ​ടും പ​ഞ്ചാ​യ​ത്തി​ലെ മ​ഴ​ക്കാ​ല പൂ​ർ​വ ശു​ചീ​ക​ര​ണ പ്ര​വ​ർ​ത്ത​ന​ങ്ങ​ളു​ടെ അ​വ​ലോ​ക​ന യോ​ഗ​ത്തി​ലും ജ​ന​പ്ര​തി​നി​ധി​ക​ൾ അ​ട​ക്ക​മു​ള്ള​വ​ർ മാ​ലി​ന്യം നീ​ക്കം ചെ​യ്യ​ണ​മെ​ന്ന് നി​ര​വ​ധി ത​വ​ണ ആ​വ​ശ്യ​പ്പെ​ട്ട​ങ്കി​ലും ന​ട​പ​ടി മാ​ത്രം ഉ​ണ്ടാ​യി​ല്ല​ന്ന് ബ്ലോ​ക്ക് പ​ഞ്ചാ​യ​ത്ത് അം​ഗം തു​ണ്ടി​ൽ നൗ​ഷാ​ദ് പ​റ​യു​ന്നു.

ഓടയിൽനിന്നുള്ള മാലിന്യം റോഡിനു സമീപം തള്ളി

ശാ​സ്താം​കോ​ട്ട: ഓ​ട​യി​ൽ​നി​ന്ന് കോ​രി​യെ​ടു​ത്ത മ​ണ്ണും മാ​ലി​ന്യ​വും ശാ​സ്താം​കോ​ട്ട ത​ടാ​ക​ത്തി​ലേ​ക്ക് ഇ​റ​ങ്ങു​ന്ന റോ​ഡി​ന് സ​മീ​പം ത​ള്ളി. പ്ലാ​സ്റ്റി​ക്കു​ക​ളും, കു​പ്പി​ച്ചി​ല്ലു​ക​ളും, മ​ഴ​യി​ൽ കു​തി​ർ​ന്ന മ​ണ്ണും ക​ഴി​ഞ്ഞ​ദി​വ​സ​വും ഈ ​റോ​ഡി​ൽ ത​ള്ളി​യി​രു​ന്നു. ശ​നി​യാ​ഴ്ച​യും റോ​ഡി​ൽ മാ​ലി​ന്യം ത​ള്ളു​ന്ന​ത് അ​റി​ഞ്ഞ് ‘ന​മ്മു​ടെ കാ​യ​ൽ’ കൂ​ട്ടാ​യ്മ പ്ര​വ​ർ​ത്ത​ക​ർ സ്ഥ​ല​ത്തെ​ത്തി.

മാ​ലി​ന്യം പെ​ട്ടി​ഓ​ട്ടോ​യി​ൽ നി​ന്ന് ഇ​റ​ക്കി​യ തൊ​ഴി​ലാ​ളി​ക​ളോ​ട് അ​ന്വേ​ഷി​ച്ച​പ്പോ​ഴാ​ണ് മ​ഴ​ക്കാ​ല​പൂ​ർ​വ ശു​ചീ​ക​ര​ണ​ത്തി​ന്റെ ഭാ​ഗ​മാ​യി ഓ​ട​ക​ളി​ൽ നി​ന്നും എ​ടു​ക്കു​ന്ന മാ​ലി​ന്യ​ങ്ങ​ളാ​ണ് നി​ക്ഷേ​പി​ച്ച​തെ​ന്ന് അ​റി​ഞ്ഞ​ത്. തു​ട​ർ​ന്ന് പി.​ഡ​ബ്ലു.​ഡി നി​ര​ത്ത് വി​ഭാ​ഗം ഉ​ദ്യോ​ഗ​സ്ഥ​രു​മാ​യി ബ​ന്ധ​പ്പെ​ടു​ക​യും റോ​ഡി​ൽ ത​ള്ളി​യ മാ​ലി​ന്യം മാ​റ്റ​ണ​മെ​ന്ന് ആ​വ​ശ്യ​പ്പെ​ടു​ക​യും ചെ​യ്തു.

മ​ഴ സ​മ​യ​ത്ത് ഈ ​മാ​ലി​ന്യ​ങ്ങ​ൾ ഒ​ഴു​കി നേ​രി​ട്ട് ത​ടാ​ക​ത്തി​ൽ പ​തി​ക്കും. തു​ട​ർ​ന്ന് അ​വി​ടെ നി​ക്ഷേ​പി​ച്ച മ​ണ്ണും മ​റ്റു മാ​ലി​ന്യ​ങ്ങ​ളും കൊ​ണ്ടു​വ​ന്ന് ഇ​ട്ട വാ​ഹ​ന​ത്തി​ൽ ത​ന്നെ തി​രി​കെ ക​യ​റ്റി അ​യ​ച്ചു. ‘ന​മ്മു​ടെ കാ​യ​ൽ’ കൂ​ട്ടാ​യ്മ ക​ൺ​വീ​ന​ർ എ​സ്. ദി​ലീ​പ് കു​മാ​ർ, സ​ന്തോ​ഷ്, ര​തീ​ഷ് കൃ​ഷ്ണ​ൻ എ​ന്നി​വ​രു​ടെ നേ​തൃ​ത്വ​ത്തി​ലാ​ണ് മാ​ലി​ന്യം നീ​ക്കം ചെ​യ്യി​ച്ച​ത്.