കല്ലടയാറ്റിൽ ചാടിയ വീട്ടമ്മയെ രക്ഷിക്കാൻ അഗ്നിരക്ഷാസേനയും ജില്ല സ്കൂബാ ടീമും തിരച്ചിൽ നടത്തുന്നു
ശാസ്താംകോട്ട: കല്ലടയാറ്റിൽ ചാടിയ വീട്ടമ്മയെ മണിക്കൂറുകൾക്കുശേഷം രക്ഷപ്പെടുത്തി. പടിഞ്ഞാറെ കല്ലട പെരുവേലിക്കര സ്വദേശിനിയെയാണ് ശാസ്താംകോട്ട അഗ്നിരക്ഷാസേനയും ജില്ല സ്കൂബാ ടീം മണിക്കൂറുകൾ നീണ്ട തിരച്ചിലിനൊടുവിൽ രക്ഷപ്പെടുത്തിയത്.
തിരുവാറ്റാ ക്ഷേത്രത്തിനുസമീപം വെളുപ്പിനാണ് ഇവർ ആറ്റിൽ ചാടിയത്. വൈകീട്ട് നാലോടെ ആറ്റിന്റെ അരികിലുള്ള ഭാഗത്ത് അബോധാവസ്ഥയിൽ കണ്ടെത്തി.
ശാസ്താംകോട്ട സ്റ്റേഷൻ ഓഫിസർ പി.എസ്. സാബുലാൽ, സീനിയർ ഫയർ ഓഫിസർ ബാബു അനീഫ, ജില്ല സ്കൂബ ടീം അംഗങ്ങളായ രതീഷ്, ജൂബിൻ, വിജേഷ്, ഹരിരാജ്, സുരേഷ്, ജിതിൻ, ശരത്, അജിത്ത്, ശാസ്താംകോട്ട ഫയർഫോഴ്സ് ജീവനക്കാരനായ ഹരിലാൽ, ഹരിപ്രസാദ്, അഭിലാഷ്, സിയാദ്, ജോസഫ്, ബാബു, ഉണ്ണികൃഷ്ണൻ, ഷിജു ജോർജ് എന്നിവരാണ് രക്ഷാപ്രവർത്തനം നടത്തിയത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.