നാട്ടിൻപുറങ്ങളിലെ ഇഷ്ടിക ഫാക്ടറികൾ വിസ്‌മൃതിയിലേക്ക്

ശാ​സ്താം​കോ​ട്ട: ഒ​രു കാ​ല​ത്ത് നാ​ട്ടി​ൻ​പു​റ​ങ്ങ​ളി​ൽ ത​ഴ​ച്ചു വ​ള​ർ​ന്ന ഇ​ഷ്ടി​ക വ്യ​വ​സാ​യം നാ​ടി​ന്റെ മാ​റ്റ​ത്തി​നൊ​പ്പം മ​ൺ​മ​റ​യു​ന്നു. പാ​ട​ശേ​ഖ​ര​ങ്ങ​ളും പു​ഴ​യോ​ര​ങ്ങ​ളും കേ​ന്ദ്രീ​ക​രി​ച്ച് പ്ര​വ​ർ​ത്തി​ച്ച ഇ​ഷ്ടി​ക ഫാ​ക്ട​റി​ക​ൾ വി​സ്‌​മൃ​തി​യി​ലാ​കാ​ൻ അ​ധി​കൃ​ത​രു​ടെ ഭാ​ഗ​ത്തു നി​ന്നു​ണ്ടാ​യ സ​മീ​പ​ന​ങ്ങ​ളും നി​യ​മ​ങ്ങ​ളു​മെ​ല്ലാം കാ​ര​ണ​മാ​യി.

ച​ളി​യു​ടെ ല​ഭ്യ​ത​ക്കു​റ​വും തൊ​ഴി​ലാ​ളി​ക​ളെ കി​ട്ടാ​നി​ല്ലാ​ത്ത​തും പ്ര​ധാ​ന ത​ട​സ​മാ​യി. കു​ന്ന​ത്തൂ​ർ താ​ലൂ​ക്കി​ലെ ഏ​ഴ് പ​ഞ്ചാ​യ​ത്തു​ക​ളി​ലാ​യി ഏ​ക​ദേ​ശം അ​ഞ്ഞു​റി​ല​ധി​കം ക​ട്ട​ച്ചൂ​ള​ക​ൾ പ്ര​വ​ർ​ത്തി​ച്ചി​രു​ന്ന​താ​യാ​ണ് വി​വ​രം.

ക​ല്ല​ട​യാ​റി​ന്റെ തീ​ര​ങ്ങ​ളും പാ​ട​ശേ​ഖ​ര​ങ്ങ​ളും കേ​ന്ദ്രീ​ക​രി​ച്ച് കു​ന്ന​ത്തൂ​ർ,പ​ടി​ഞ്ഞാ​റെ ക​ല്ല​ട പ​ഞ്ചാ​യ​ത്തു​ക​ളി​ലാ​ണ് കൂ​ടു​ത​ൽ ഫാ​ക്ട​റി​ക​ൾ ഉ​ണ്ടാ​യി​രു​ന്ന​ത്. ശൂ​ര​നാ​ട് തെ​ക്ക്, ശൂ​ര​നാ​ട് വ​ട​ക്ക്, പോ​രു​വ​ഴി, മൈ​നാ​ഗ​പ്പ​ള്ളി എ​ന്നി​വി​ട​ങ്ങ​ളി​ലും ചൂ​ള​ക​ൾ കു​റ​വാ​യി​രു​ന്നി​ല്ല.

10 വ​ർ​ഷം മു​മ്പ് മു​ത​ലാ​ണ് ഫാ​ക്ട​റി​ക​ളു​ടെ പ്ര​വ​ർ​ത്ത​നം പൂ​ർ​ണ​മാ​യും നി​ല​ച്ച​ത്. ഭാ​ഗി​ക​മാ​യി പ്ര​വ​ർ​ത്തി​ച്ചു വ​ന്ന​വ പോ​ലും മു​ന്നോ​ട്ട് പോ​കാ​ൻ ക​ഴി​യാ​തെ കു​പ്പു​കു​ത്തി. ത​ദ്ദേ​ശീ​യ​ർ ഇ​ഷ്ടി​ക ക​ള​ങ്ങ​ളി​ൽ പ​ണി​യെ​ടു​ക്കാ​ൻ വി​മു​ഖ​ത കാ​ട്ടി​യ​തി​നെ തു​ട​ർ​ന്ന് വ​ൻ​തോ​തി​ൽ അ​ന്ത​ർ​സം​സ്ഥാ​ന തൊ​ഴി​ലാ​ളി​ക​ളെ കൊ​ണ്ടു വ​ന്ന് വ്യ​വ​സാ​യം നി​ല​നി​ർ​ത്താ​ൻ ഉ​ട​മ​ക​ൾ പ​ര​മാ​വ​ധി ശ്ര​മി​ച്ചു.

ഇ​ഷ്ടി​ക നി​ർ​മി​ക്കാ​ൻ വേ​ണ്ടു​ന്ന അ​സം​സ്കൃ​ത വ​സ്തു​ക്ക​ളാ​യ നീ​ല​ച്ചെ​ളി​യു​ടെ​യും പ​ശ​പ്പു​ള്ള ചു​വ​ന്ന മ​ണ്ണി​ന്റെ​യും (പു​ട്ട് മ​ണ്ണ്) ല​ഭ്യ​ത​ക്കു​റ​വും തി​രി​ച്ച​ടി​യാ​യി. ഇ​തി​ന് പ​രി​ഹാ​ര​മാ​യി ത​മി​ഴ്നാ​ട്ടി​ൽ നി​ന്ന​ട​ക്കം കൂ​ടി​യ വി​ല​യ്ക്ക് ച​ളി ഇ​റ​ക്കേ​ണ്ട​താ​യി വ​ന്നു. ഇ​തി​നൊ​പ്പം ചൂ​ള ക​ത്തി​ക്കാ​നു​ള്ള വി​റ​കി​ന്റെ വി​ല​യും തൊ​ഴി​ലാ​ളി​ക​ളു​ടെ ശ​മ്പ​ള​വും കു​തി​ച്ചു​യ​ർ​ന്നു.

പി​ടി​ച്ചു നി​ൽ​ക്കാ​ൻ ഇ​ഷ്ടി​ക​യു​ടെ വി​ല വ​ർ​ധ​ന​വാ​യി​രു​ന്നു ഏ​ക ആ​ശ്വാ​സം. ഇ​തി​നി​ട​യി​ലാ​ണ് ഹോ​ളോ ബ്രി​ക്സു​ക​ളു​ടെ ക​ട​ന്നു​വ​ര​വ്. ഇ​തോ​ടെ നാ​ട്ടി​ൻ​പു​റ​ങ്ങ​ളി​ൽ പോ​ലും മ​ൺ​ക​ട്ട​യോ​ട് ജ​നം മു​ഖം തി​രി​ച്ചു.

ചൂ​ള ക​ത്തി​ക്കു​മ്പോ​ൾ ഉ​ണ്ടാ​കു​ന്ന പു​ക​യ്ക്കും ഗ​ന്ധ​ത്തി​നു​മെ​തി​രെ പ​രി​സ​ര​വാ​സി​ക​ളു​ടെ പ്ര​തി​ഷേ​ധ​വും അ​ധി​കൃ​ത​രു​ടെ ന​ട​പ​ടി​ക​ളും കൂ​ടി ആ​യ​തോ​ടെ ഭൂ​രി​പ​ക്ഷം പേ​രും ഈ ​മേ​ഖ​ല​യെ കൈ ​ഒ​ഴി​യു​ക​യാ​യി​രു​ന്നു. ഒ​രു കാ​ല​ഘ​ട്ട​ത്തി​ൽ ഗ്രാ​മീ​ണ സ​മ്പ​ത്ത് വ്യ​വ​സ്ഥി​യു​ടെ അ​ടി​ത്ത​റ ആ​യി​രു​ന്നു ഇ​ഷ്ടി​ക ഫാ​ക്ട​റി​ക​ൾ. ഇ​ന്ന് ഇ​ഷ്ടി​ക ഫാ​ക്ട​റി ന​ട​ത്തി വ​ന്നി​രു​ന്ന പ​ല​രും ഇ​ന്ന് ക​ട​ക്കെ​ണി​യി​ലാ​ണ്. ആ​ത്മ​ഹ​ത്യ​യു​ടെ പാ​ത പി​ന്തു​ട​ർ​ന്ന​വ​രും നി​ര​വ​ധി​യാ​ണ്.

ഇ​ഷ്ടി​ക ക​ള​ങ്ങ​ളി​ലെ​ത്തി​യ മ​റു​നാ​ട്ടു​കാ​ർ മ​റ്റ് ജോ​ലി​ക​ളി​ലേ​ക്ക് മാ​റി. കു​ന്ന​ത്തൂ​ർ തോ​ട്ട​ത്തും​മു​റി​യി​ല​ട​ക്കം പ​ല​യി​ട​ത്തും നോ​ക്കു കു​ത്തി​യാ​യി ഇ​ഷ്ടി​ക ഫാ​ക്ട​റി​ക​ളു​ടെ ശേ​ഷി​പ്പു​ക​ൾ ച​രി​ത്ര​സ്മാ​ര​കം പോ​ലെ കാ​ണാം.