ഓച്ചിറ: മത്സ്യബന്ധനത്തിനിടെ വലയിൽ കുരുങ്ങി കടലിൽ വീണ മത്സ്യത്തൊഴിലാളി മരിച്ചു. ആലപ്പാട് അഴീക്കൽ തലസ്ഥാനത്ത് ദിനേശ് ഭവനത്ത് ശങ്കരന്‍റെ മകൻ ഭാസി (68) ആണ് മരിച്ചത്.
ബുധനാഴ്ച രാവിലെ ഏഴോടെ നീണ്ടകരക്ക് പടിഞ്ഞാറ് ഭാഗത്താണ് അപകടം. അഴീക്കൽ സ്വദേശിയുടെ ഓംകാരം വള്ളത്തിലെ തൊഴിലാളിയായിരുന്നു. വലയുടെ ഒരറ്റവുമായി തൊഴിലാളികൾ കടലിലേക്ക് ചാടുന്നതിനിടയിൽ വള്ളത്തിന്‍റെ വശത്ത് നിന്ന് വല ഒതുക്കി വിട്ടു കൊണ്ടിരുന്ന ഭാസിയുടെ കാലിൽ വല കുരുങ്ങി കടലിലേക്ക് വീഴുകയായിരുന്നു.
സംഭവം കണ്ടു നിന്ന തൊഴിലാളികൾ കടലിലേക്ക് ചാടി പൊക്കിയെടുത്തെങ്കിലും മരിച്ചിരുന്നു. മൃതദേഹം ജില്ല ആശുപത്രിയിൽ എത്തിച്ച്‌ പോസ്റ്റ് മോർട്ടം നടത്തി. ഭാര്യ: പത്മ. മക്കൾ: ദീപ്തി, ദിനേഷ് ദീപ, ദിനു . മരുമക്കൾ. അനിൽകുമാർ, രഞ്ജിത്, ജയൻ. കോസ്റ്റൽ പൊലീസ് തുടർനടപടികൾ സ്വീകരിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.