കൊട്ടിയം: വെൺപാലക്കര ശാരദാ വിലാസിനി വായനശാല പ്രവർത്തകർക്ക് കൃഷിയിലും മുന്നേറ്റം. വെൺപാലക്കര ഫാർമേഴ്സ് ക്ലബിലെ കൃഷിയിൽ താൽപരരായ 13 അംഗങ്ങൾ അടങ്ങുന്ന സംഘമാണ് കൃഷി നടത്തുന്നത്.
വിത്ത് ശേഖരണം മുതൽ കൃഷിവരെ ഈ സംഘത്തിെൻറ നേതൃത്വത്തിലാണ് നടത്തുന്നത്. സജിത്ത് പ്രസിഡൻറും ഷൈജു സെക്രട്ടറിയുമായ കമ്മിറ്റിയിൽ വനിത സാന്നിധ്യമായി ശെൽവിയും ജയശ്രീയുമുണ്ട്.
എല്ലാ ഞായറാഴ്ചകളിലും രാവിലെ ഏഴുമുതൽ ശാരദാവിലാസിനി വായനശാല അങ്കണത്തിൽ ഇവരുടെ പച്ചക്കറിച്ചന്ത നടക്കും. ആവശ്യക്കാർ ഏറിയതോടെ മയ്യനാട് പഞ്ചായത്തിെൻറയും കൊല്ലം കോർപറേഷെൻറയും വിവിധ പ്രദേശങ്ങളിൽ നിന്ന് കർഷകർക്ക് ന്യായവില നൽകി വിഷരഹിത പച്ചക്കറി വിപണന കേന്ദ്രത്തിൽ പ്രവർത്തകർ എത്തിക്കുന്നുണ്ട്.
ഉമയനല്ലൂർ ഏലായിൽ ഏക്കർകണക്കിന് നിലത്തിൽ കൃഷിയിറക്കാനും മരച്ചീനി കൃഷി കൂടുതൽ ഇടങ്ങളിലേക്ക് വ്യാപിപ്പിക്കാനുമുള്ള ദൗത്യത്തിലാണ് വി.എഫ്.സി പ്രവർത്തകർ.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.