ദേശീയപാത പുനർനിർമാണം നാട്ടുകാരെ വലയ്​ക്കുന്നു

കൊ​ട്ടി​യം: ദേ​ശീ​യ​പാ​ത​യു​ടെ പു​ന​ർ​നി​ർ​മാ​ണം നാ​ട്ടു​കാ​രെ വ​ല​യ്​​ക്കു​ന്നു. വി​ക​സ​ന​ത്തി​നു​ള്ള നി​ർ​മാ​ണ പ്ര​വ​ർ​ത്ത​ന​ങ്ങ​ൾ​ക്കാ​യി കു​ഴി​യെ​ടു​ക്കു​ന്ന​ത് പ്ര​ദേ​ശ​വാ​സി​ക​ളു​ടെ കു​ടി​വെ​ള്ളം, വൈ​ദ്യു​തി, ഫോ​ൺ ക​ണ​ക്ഷ​ൻ എ​ന്നി​വ ത​ക​രാ​റി​ലാ​ക്കി​യാ​ണ്. കു​ഴി​യെ​ടു​ത്ത പ​ല സ്ഥ​ല​ങ്ങ​ളി​ലും കു​ടി​വെ​ള്ള പൈ​പ്പു​ക​ൾ പൊ​ട്ടി വെ​ള്ളം റോ​ഡി​ലേ​ക്ക് ഒ​ഴു​കി​ക്കൊ​ണ്ടി​രി​ക്കു​ന്നു.

ഇ​തു​മൂ​ലം പ​ല വീ​ടു​ക​ളി​ലും കു​ടി​വെ​ള്ളം ദി​വ​സ​ങ്ങ​ളോ​ളം മു​ട്ടി​യ സ്ഥി​തി​യു​ണ്ടാ​യി. ക​ഴി​ഞ്ഞ ര​ണ്ടു​ദി​വ​സം മു​മ്പ് വാ​ഴ​പ്പ​ള്ളി​ക്ക​ടു​ത്ത് വൈ​ദ്യു​തി​ക്കാ​ൽ ത​ള്ളി​യി​ട്ട​തി​നെ തു​ട​ർ​ന്ന് ര​ണ്ടു ദി​വ​സ​മാ​ണ് വൈ​ദ്യു​തി മു​ട​ങ്ങി​യ​ത്. ബി.​എ​സ്.​എ​ൻ.​എ​ല്ലും സ്വ​കാ​ര്യ ക​മ്പ​നി​ക​ളും സ്ഥാ​പി​ച്ചി​രു​ന്ന കേ​ബി​ളു​ക​ളെ​ല്ലാം മു​റി​ച്ചി​ട്ട​തി​നാ​ൽ പ​ല​യി​ട​ത്തും ലാ​ൻ​ഡ്​ ഫോ​ൺ ക​ണ​ക്ഷ​ൻ ക​ട്ടാ​യി.

മ​റ്റ് വ​കു​പ്പു​ക​ളെ അ​റി​യി​ക്കാ​തെ​യും അ​വ​രു​ടെ സാ​ന്നി​ധ്യ​മി​ല്ലാ​തെ​യും മ​ണ്ണു​മാ​ന്തി​യ​ന്ത്രം ഉ​പ​യോ​ഗി​ച്ച് കു​ഴി​യെ​ടു​ക്കു​ന്ന​തി​നാ​ലാ​ണ് പൈ​പ്പ് പൊ​ട്ട​ലും വൈ​ദ്യു​തി ത​ട​സ്സ​വും ഉ​ണ്ടാ​കു​ന്ന​ത്. ഇ​തോ​ടൊ​പ്പം ദേ​ശീ​യ​പാ​ത വി​ക​സ​ന​ത്തി​ന്റെ മ​റ​വി​ൽ ത​ണ്ണീ​ർ​ത്ത​ട​ങ്ങ​ളും നി​ല​ങ്ങ​ളും നി​ക​ത്തു​ന്നു​ണ്ട്. ഇ​ത്തി​ക്ക​ര​യി​ൽ നി​ർ​മാ​ണ സാ​മ​ഗ്രി​ക​ൾ ഇ​റ​ക്കാ​നെ​ന്ന പേ​രി​ൽ ത​ണ്ണീ​ർ​ത്ത​ടം നി​ക​ത്തി​യ​താ​യും പ​രാ​തി ഉ​യ​രു​ന്നു​ണ്ട്.