ബൈപാസ് റോഡിൽ മാലിന്യനിക്ഷേപം വർധിക്കുന്നു

കൊ​ട്ടി​യം: ബൈ​പാ​സ് റോ​ഡി​ന്‍റെ വ​ശ​ങ്ങ​ളി​ൽ മാ​ലി​ന്യ നി​ക്ഷേ​പം വ​ർ​ധി​ച്ച​തോ​ടെ ദു​ർ​ഗ​ന്ധ​വും തെ​രു​വ് നാ​യ്ക​ളു​ടെ ശ​ല്യ​വും വ​ർ​ധി​ച്ചു. പാ​ല​ത്ത​റ​ക്കും മെ​ഡി​സി​റ്റി​ക്കും ഇ​ട​യി​ൽ പു​തു​താ​യി നി​ർ​മി​ച്ച സ​ർ​വീ​സ് റോ​ഡി​ന്‍റെ വ​ശ​ത്താ​ണ് മാ​ലി​ന്യ​ങ്ങ​ൾ കു​ന്നു​കൂ​ടി​യ​ത്.

അ​റ​വു​ശാ​ല​ക​ൾ, വീ​ടു​ക​ൾ, ആ​ഘോ​ഷ​ങ്ങ​ൾ ന​ട​ക്കു​ന്ന സ്ഥ​ല​ങ്ങ​ൾ എ​ന്നി​വി​ട​ങ്ങ​ളി​ൽ നി​ന്നാ​ണ് ചാ​ക്കു​കെ​ട്ടു​ക​ളി​ലാ​ക്കി മാ​ലി​ന്യ​ങ്ങ​ൾ ത​ള്ളു​ന്ന​ത്. പു​ല​ർ​ച്ചെ മാ​ലി​ന്യം ഭ​ക്ഷി​ക്കാ​നാ​യി കൂ​ട്ട​മാ​യെ​ത്തു​ന്ന തെ​രു​വു​നാ​യ്ക​ൾ വ​ഴി​യാ​ത്ര​ക്കാ​ർ​ക്ക് ഭീ​ഷ​ണി​യാ​യി.

പ​രു​ന്തു​ക​ൾ, കാ​ക്ക​ക​ൾ, കൊ​ക്കു​ക​ൾ എ​ന്നി​വ​യും മാ​ലി​ന്യ​ങ്ങ​ൾ ഭ​ക്ഷി​ക്കു​വാ​ൻ എ​ത്തു​ന്നു​ണ്ട്. കൊ​ക്കു​ക​ളും കാ​ക്ക​ക​ളും പ​രു​ന്തു​ക​ളും എ​ടു​ത്തു കൊ​ണ്ടു​പോ​കു​ന്ന മാ​ലി​ന്യ​ങ്ങ​ൾ അ​ടു​ത്തു​ള്ള കി​ണ​റു​ക​ളി​ൽ കൊ​ണ്ടി​ടു​ന്ന​തും വെ​ള്ളം മ​ലി​ന​മാ​കു​ന്ന​തും പ​തി​വാ​കു​ന്നു.

രൂ​ക്ഷ​മാ​യ ദു​ർ​ഗ​ന്ധം മൂ​ലം ഇ​തു​വ​ഴി മൂ​ക്കു​പൊ​ത്താ​തെ പോ​കാ​ൻ ക​ഴി​യാ​ത്ത സ്ഥി​തി​യാ​ണ്. മ​ഴ ആ​രം​ഭി​ച്ച​തോ​ടെ മാ​ലി​ന്യ​ങ്ങ​ൾ അ​ഴു​കി തു​ട​ങ്ങി​യി​ട്ടു​ണ്ട്. കോ​ർ​പ​റേ​ഷ​ൻ പ​രി​ധി​യി​ലാ​യ​തി​നാ​ൽ അ​ധി​കൃ​ത​രു​ടെ ഭാ​ഗ​ത്തു​നി​ന്ന് അ​ടി​യ​ന്തി​ര ന​ട​പ​ടി ഉ​ണ്ടാ​ക​ണ​മെ​ന്നാ​ണ് ആ​വ​ശ്യം.