കലക്ടറേറ്റ് സ്ഫോടന കേസ്:എല്ലാ പ്രതികളെയും ഹാജരാക്കി കുറ്റപത്രം വായിച്ചു

കൊ​ല്ലം: ക​ല​ക്ട​റേ​റ്റി​ൽ 2016 ജൂ​ൺ 15നു​ണ്ടാ​യ സ്ഫോ​ട​ന​വു​മാ​യി ബ​ന്ധ​പ്പെ​ട്ട കേ​സി​ൽ ജി​ല്ല പ്രി​ൻ​സി​പ്പ​ൽ സെ​ഷ​ൻ​സ് കോ​ട​തി​യി​ൽ പ്ര​തി​ക​ളെ ഹാ​ജ​രാ​ക്കി കു​റ്റ​പ​ത്രം വാ​യി​ച്ചു. വി​ചാ​ര​ണ തു​ട​ങ്ങു​ന്ന​തി​ന് മു​ന്നോ​ടി​യാ​യാ​ണ് കേ​സി​ലെ നാ​ല് പ്ര​തി​ക​ളെ​യും ഹാ​ജ​രാ​ക്കി കു​റ്റ​പ​ത്രം വാ​യി​ച്ച് കേ​ൾ​പ്പി​ച്ച​ത്.

ബേ​സ് മൂ​വ്മെ​ന്‍റ് പ്ര​വ​ർ​ത്ത​ക​രും ത​മി​ഴ്നാ​ട് മ​ധു​ര സ്വ​ദേ​ശി​ക​ളു​മാ​യ അ​ബ്ബാ​സ് അ​ലി(32), ദാ​വൂ​ദ് സു​ലൈ​മാ​ൻ (27), ക​രിം രാ​ജ (27), ഷം​സു​ദ്ദീ​ൻ (28) എ​ന്നി​വ​രാ​ണ് കേ​സി​ലെ പ്ര​തി​ക​ൾ. 11ന് ​ര​ണ്ട് പ്ര​തി​ക​ളെ മാ​ത്രം എ​ത്തി​ച്ച​തി​നാ​ലാ​ണ് കു​റ്റ​പ​ത്രം വാ​യി​ക്കു​ന്ന​ത് വ്യാ​ഴാ​ഴ്ച​ത്തേ​ക്ക് മാ​റ്റി​യ​ത്.

ക​ന​ത്ത സു​ര​ക്ഷ​യി​ലാ​ണ് പ്ര​തി​ക​ളെ കൊ​ല്ലം കോ​ട​തി​യി​ലെ​ത്തി​ച്ച​ത്. ത​മി​ഴ് ഭാ​ഷ​യി​ലേ​ക്ക് പ​രി​ഭാ​ഷ​പ്പെ​ടു​ത്തി​യാ​ണ് കു​റ്റ​പ​ത്രം പ്ര​തി​ക​ളെ വാ​യി​ച്ചു കേ​ൾ​പ്പി​ച്ച​ത്. പ്ര​തി​ക​ൾ കു​റ്റം നി​ഷേ​ധി​ച്ചു. അ​ഗ്ര​ഹാ​ര ജ​യി​ലി​ലേ​ക്ക് മാ​റ്റ​ണ​മെ​ന്ന് പ്ര​തി​ക​ൾ ആ​വ​ശ്യ​പ്പെ​ട്ടെ​ങ്കി​ലും കോ​ട​തി നി​ഷേ​ധി​ച്ചു.

2016 ജൂ​ൺ 15ന് ​രാ​വി​ലെ 10.50 ഓ​ടെ​യാ​ണ് കൊ​ല്ലം ക​ല​ക്ട​റേ​റ്റ് വ​ള​പ്പി​ൽ സ്ഫോ​ട​നം ന​ട​ന്ന​ത്. തൊ​ഴി​ൽ വ​കു​പ്പി​ന്റെ ഉ​പ​യോ​ഗ​ശൂ​ന്യ​മാ​യ ജീ​പ്പി​ൽ ചോ​റ്റ് പാ​ത്ര​ത്തി​ൽ സ്ഥാ​പി​ച്ച ബോം​ബ് പൊ​ട്ടി​ത്തെ​റി​ക്കു​ക​യാ​യി​രു​ന്നു. 2017 സെ​പ്റ്റം​ബ​ർ എ​ട്ടി​ന് കേ​സി​ൽ കു​റ്റ​പ​ത്രം സ​മ​ർ​പ്പി​ച്ചി​രു​ന്നു.

കൊ​ല്ല​ത്തി​നു പു​റ​മേ മ​ല​പ്പു​റം, ആ​ന്ധ്ര​യി​ലെ ചി​റ്റൂ​രി​ലു​ണ്ടാ​യ ബോം​ബ് സ്ഫോ​ട​ന​ത്തി​ലും ഇ​വ​ർ പ്ര​തി​ക​ളാ​ണ്. ആ​ന്ധ്ര​യി​ലെ സ്ഫോ​ട​ന​ത്തി​ൽ പി​ടി​യി​ലാ​യ​തോ​ടെ​യാ​ണ് കൊ​ല്ലം ക​ല​ക്ട​റേ​റ്റ് സ്ഫോ​ട​ന കേ​സി​ൽ തു​മ്പു​ണ്ടാ​കു​ന്ന​ത്. ആ​ന്ധ്രാ​പ്ര​ദേ​ശി​ലെ ക​ട​പ്പാ ജി​ല്ലാ ജ​യി​ലി​ൽ നി​ന്ന് സാ​യു​ധ പൊ​ലീ​സി​ന്‍റെ ക​ന​ത്ത സു​ര​ക്ഷ​യി​ലാ​ണ് പ്ര​തി​ക​ളെ കൊ​ല്ല​ത്തെ​ത്തി​ച്ച​ത്. പ​ബ്ലി​ക് പ്രോ​സി​ക്യൂ​ട്ട​ർ ബി. ​സേ​തു​നാ​ഥ് പ്രോ​സി​ക്യൂ​ഷ​ന് വേ​ണ്ടി ഹാ​ജ​രാ​യി.