പേ വിഷബാധക്കെതിരെ ജാഗ്രത

കൊ​ല്ലം: പേ ​വി​ഷ​ബാ​ധ​യു​ണ്ടാ​കാ​നു​ള്ള സാ​ഹ​ച​ര്യ​ങ്ങ​ള്‍ മ​ന​സി​ലാ​ക്കി പൊ​തു​ജ​ന​ങ്ങ​ള്‍ ജാ​ഗ്ര​ത പു​ല​ര്‍ത്ത​ണ​മെ​ന്ന് ജി​ല്ല മെ​ഡി​ക്ക​ല്‍ ഓ​ഫി​സ​ര്‍ ഡോ. ​എം.​എ​സ്. അ​നു പ​റ​ഞ്ഞു. പേ ​വി​ഷ​ബാ​ധ​യു​ടെ കാ​ര​ണ​ങ്ങ​ളും രോ​ഗ​ത്തി​ന്റെ ഗു​രു​ത​രാ​വ​സ്ഥ​യും ചി​കി​ത്സ​യും സം​ബ​ന്ധി​ച്ച ബോ​ധം ഉ​ണ്ടാ​യാ​ലേ പ്ര​തി​രോ​ധം സാ​ധ്യ​മാ​കു​വെ​ന്നും മെ​ഡി​ക്ക​ല്‍ ഓ​ഫി​സ​ര്‍ പ​റ​ഞ്ഞു.

ശ്ര​ദ്ധി​ക്കാം, പ്ര​തി​രോ​ധി​ക്കാം...

അ​ണു​ബാ​ധ​യു​ള്ള മൃ​ഗ​ങ്ങ​ളു​ടെ ഉ​മി​നീ​രി​ല്‍ നി​ന്നാ​ണ് രോ​ഗം മ​നു​ഷ്യ​രി​ലേ​ക്കെ​ത്തു​ക. പ്ര​തി​രോ​ധ​മാ​ണ് പേ ​വി​ഷ​ബാ​ധ​യ്‌​ക്കെ​തി​രെ​യു​ള്ള ഫ​ല​പ്ര​ദ​മാ​യ പ​രി​ഹാ​ര മാ​ര്‍ഗം. മൃ​ഗ​ങ്ങ​ളു​ടെ ക​ടി, മാ​ന്ത​ല്‍, പോ​റ​ല്‍ എ​ന്നി​വ​യു​ണ്ടാ​യാ​ല്‍ ഏ​ല്‍ക്കു​ന്ന ഭാ​ഗം 15 മി​നി​ട്ടെ​ങ്കി​ലും സോ​പ്പും വെ​ള്ള​വും ഉ​പ​യോ​ഗി​ച്ച് ക​ഴു​ക​ണം. ര​ക്തം പൊ​ടി​ഞ്ഞ മു​റി​വു​ക​ള്‍, മു​റി​വു​ള്ള തൊ​ലി​പ്പു​റ​ത്ത് ന​ക്ക​ല്‍, മൃ​ഗ​ങ്ങ​ളു​ടെ ക​ടി എ​ന്നി​വ ഉ​ണ്ടാ​യാ​ല്‍ ആ​ന്റി റാ​ബി​സ് ഇ​മ്യൂ​ണോ ഗ്ലോ​ബു​ലി​ന്‍ കൂ​ടി എ​ടു​ക്ക​ണം. ഇ​ത് എ​ല്ലാ സ​ര്‍ക്കാ​ര്‍ മെ​ഡി​ക്ക​ല്‍ കോ​ള​ജു​ക​ളി​ലും തെ​ര​ഞ്ഞെ​ടു​ത്ത ജി​ല്ല, ജ​ന​റ​ല്‍ ആ​ശു​പ​ത്രി​ക​ളി​ലും സൗ​ജ​ന്യ​മാ​യി ല​ഭി​ക്കും.

• മൃ​ഗ​ങ്ങ​ളു​മാ​യി നി​ര​ന്ത​രം ഇ​ട​പെ​ടു​ന്ന വ്യ​ക്തി​യാ​ണെ​ങ്കി​ല്‍ മു​ന്‍കൂ​ട്ടി വാ​ക്‌​സി​ന്‍ എ​ടു​ക്ക​ണം.
• കു​ട്ടി​ക​ള്‍ മൃ​ഗ​ങ്ങ​ളോ​ട് ക​ളി​ക്കു​മ്പോ​ഴും അ​വ​രെ ഓ​മ​നി​ക്കു​മ്പോ​ഴും ശ്ര​ദ്ധ പു​ല​ര്‍ത്താ​ന്‍ ശീ​ലി​പ്പി​ക്ക​ണം. ക​ടി​യോ മാ​ന്തോ കി​ട്ടി​യാ​ല്‍ മാ​താ​പി​താ​ക്ക​ളെ യ​ഥാ​സ​മ​യം അ​റി​യി​ക്കാ​നും നി​ർ​ദേ​ശി​ക്ക​ണം.
• വ​ള​ര്‍ത്തു​മൃ​ഗ​ങ്ങ​ള്‍ക്ക് യ​ഥാ​സ​മ​യം കു​ത്തി​വെ​പ്പ് എ​ടു​ക്കു​ക​യും മൃ​ഗ​ങ്ങ​ളെ സം​ര​ക്ഷി​ക്കു​ക​യും ചെ​യ്യ​ണം.
• മൃ​ഗ​ങ്ങ​ളെ ഭ​യ​പ്പെ​ടു​ത്തു​ക​യോ ഉ​പ​ദ്ര​വി​ക്കു​ക​യോ ചെ​യ്യു​ന്ന​ത് പ​രി​ഹാ​ര​മ​ല്ല. പേ ​വി​ഷ​ബാ​ധ​ക്കെ​തി​രേ​യു​ള്ള വാ​ക്‌​സി​ന്‍ എ​ല്ലാ സ​ര്‍ക്കാ​ര്‍ മെ​ഡി​ക്ക​ല്‍ കോ​ള​ജി​ലും ജി​ല്ല, ജ​ന​റ​ല്‍ ആ​ശു​പ​ത്രി​യി​ലും താ​ലൂ​ക്ക് ആ​ശു​പ​ത്രി​യി​ലും സാ​മൂ​ഹി​കാ​രോ​ഗ്യ കേ​ന്ദ്ര​ങ്ങ​ളി​ലും തെ​ര​ഞ്ഞെ​ടു​ത്ത പ്രാ​ഥ​മി​ക ആ​രോ​ഗ്യ കേ​ന്ദ്ര​ങ്ങ​ളി​ലും ല​ഭി​ക്കും

കുറയാതെ തെരുവുനായ് ശല്യം

കൊ​ല്ലം: പേ ​വി​ഷ​ബാ​ധ​ക്കെ​തി​രെ ജാ​ഗ്ര​ത പാ​ലി​ക്ക​ണ​മെ​ന്ന്​ അ​ധി​കൃ​ത​ർ മു​ന്ന​റി​യി​പ്പ്​ ന​ൽ​കു​മ്പോ​ഴും തെ​രു​വ്​ നാ​യ്ക്ക​ളെ നി​യ​ന്ത്രി​ക്കാ​ൻ ന​ട​പ​ടി​യെ​ടു​ക്കാ​തെ ത​ദ്ദേ​ശ​വ​കു​പ്പും ആ​രോ​ഗ്യ​വ​കു​പ്പും. കൊ​ല്ലം ന​ഗ​ര​ത്തി​ല​ട​ക്കം ജി​ല്ല​യി​ലെ​മ്പാ​ടും തെ​രു​വ്​ നാ​യ് ശ​ല്യം വ​ർ​ധി​ക്കു​ക​യാ​ണ്.

റെ​യി​ൽ​വേ സ്​​റ്റേ​ഷ​നും ബ​സ്​ സ്റ്റാ​ൻ​ഡും മാ​ർ​ക്ക​റ്റും തെ​രു​വു​നാ​യ്ക്ക​ക​ളു​ടെ വി​ഹാ​ര കേ​ന്ദ്ര​ങ്ങ​ളാ​യി മാ​റി. കൊ​ല്ലം ​റെ​യി​ൽ​വേ സ്​​റ്റേ​ഷ​ന്‍റെ ഇ​രു​ക​വാ​ട​ങ്ങ​ളി​ലൂ​ടെ​യും നാ​യ്ക്ക​ളെ ഭ​യ​ന്നു​വേ​ണം സ​ഞ്ച​രി​ക്കാ​ൻ. സ​ന്ധ്യ​ക​ഴി​ഞ്ഞാ​ൽ ഇ​വ​യു​ടെ ശ​ല്യം വ​ർ​ധി​ക്കും. ട്രെ​യി​ൻ ക​യ​റാ​ൻ ധൃ​തി​യി​ൽ ഓ​ടി​യെ​ത്തു​ന്ന​വ​ർ പ്ലാ​റ്റ്ഫോ​മി​ൽ കി​ട​ക്കു​ന്ന നാ​യ്ക്ക​ളെ കാ​ണാ​തെ ച​വി​ട്ടു​ക​യും ക​ടി​യേ​ൽ​ക്കു​ക​യും ചെ​യ്യു​ന്ന സം​ഭ​വ​ങ്ങ​ളു​മു​ണ്ടാ​കു​ന്നു. ​ന​ഗ​ര​ത്തി​ലെ തെ​രു​വു​ക​ളി​ലും നാ​യ​ക​ളു​ടെ വി​ഹാ​ര​മാ​ണ്.

രാ​ത്രി​യി​ൽ ഇ​രു​ച​ക്ര വാ​ഹ​ന യാ​ത്ര​ക്കാ​രാ​യ നി​ര​വ​ധി പേ​രാ​ണ്​ നാ​യ്ക്ക​ൾ കാ​ര​ണം അ​പ​ക​ട​ത്തി​ൽ​പെ​ടു​ന്ന​ത്. മാ​ലി​ന്യ​നി​ക്ഷേ​പ​കേ​ന്ദ്ര​ങ്ങ​ൾ പ​ല​ഭാ​ഗ​ത്തും പെ​രു​കി​യ​തോ​ടെ അ​വി​ട​ങ്ങ​ൾ കേ​ന്ദ്രീ​ക​രി​ച്ച്​ നാ​യ്ക്ക​ൾ പെ​രു​കു​ന്നു. ക്രൂ​ര​സ്വ​ഭാ​വ​ത്തി​ലു​ള്ള വ​ർ​ത്തു​നാ​യ്ക്ക​ളെ തെ​രു​വി​ൽ ഉ​പേ​ക്ഷി​ക്കു​ന്ന സം​ഭ​വ​ങ്ങ​ളു​മു​ണ്ടാ​കു​ന്നു​ണ്ട്.