അറയ്ക്കൽ കുറ്ററ ഏലാ റോഡ് തകർന്നു

അഞ്ചൽ: അറയ്ക്കൽ സൊസൈറ്റി മുക്ക്​ - കുറ്ററ ഏലാ റോഡ് തകർന്നു. നിരന്തരമായി ചെയ്യുന്ന മഴയെത്തുടർന്നുണ്ടായ ഊറ്റ് കാരണം ഇതുവഴി കാൽനട പോലും പ്രയാസകരമായി മാറി.

റോഡിന്‍റെ ഒരു ഭാഗത്ത് മധ്യഭാഗം വരെ മണ്ണിടിഞ്ഞ് സമീപത്തെ ചെറുതോട്ടിലേക്ക് വീണിരിക്കുകയാണ്. ഏകദേശം ഒരു കിലോമീറ്റർ ദൂരമുള്ളതാണ് ഈ പാത.

നിരവധി കുടുംബങ്ങൾ ഈ പാതയുടെ വശങ്ങളിൽ താമസമുണ്ട്. വാഹനങ്ങളൊന്നും കടന്നു പോകാൻ പറ്റാത്ത സ്ഥിതിയാണ് നിലവിലുള്ളത്. വർഷങ്ങളുടെ പഴക്കവും പ്രാധാന്യവുമുള്ള പാതയാണെങ്കല്ലം സൈഡ് കെട്ട്, ടാറിംഗ്, കോൺക്രീറ്റ് മുതലായ യാതൊരു നവീകരണ പ്രവർത്തനവും ഈ പാതയിൽ നടന്നിട്ടില്ല. ത്രിതല പഞ്ചായത്തിൽ നിന്നോ എം.എൽ.എ ഫണ്ടിൽ നിന്നോ തുക അനുവദിച്ച് റോഡ് നവീകരിക്കാൻ നടപടിയുണ്ടാകണമെന്ന് നാട്ടുകാർ ആവശ്യപ്പെടുന്നു.