ഒപ്പനയിൽ പിടിച്ച് തിരുവനന്തപുരം മൊഞ്ച് കൊല്ലം: ടി.കെ.എം ആർട്സ് കോളജ് കാമ്പസിനെ ഇശലുകൾകൊണ്ട് നിറഞ്ഞ ആറു മണിക്കൂറുകൾക്കൊടുവിൽ യുവജനോത്സവങ്ങളിലെ ജനപ്രിയ ഇനമായ ഒപ്പനയിൽ ഒന്നാം സ്ഥാനത്തിന് മൂന്ന് കോളജുകൾ അവകാശികൾ. വാശിയേറിയ മത്സരത്തിൽ തിരുവനന്തപുരത്തുനിന്നെത്തിയ മാർ ഇവാനിയോസ് കോളജ്, വഴുതക്കാട് ഗവ. വിമൻസ് കോളജ്, ഓൾ സെയിന്റ്സ് കോളജ് എന്നിവിടങ്ങളിലെ മൊഞ്ചത്തിമാരാണ് ഒന്നാം സ്ഥാനം പങ്കിട്ടത്. രണ്ടാം സ്ഥാനം അഞ്ച് കോളജുകളും നേടി. തിരുവനന്തപുരം എം.ജി കോളജ്, കൊല്ലം എസ്.എൻ കോളജ്, സി.എസ്.എസ് കാര്യവട്ടം, കെ.ടി.സി.ടി കല്ലമ്പലം, തിരുവനന്തപുരം ഗവ. ആർട്സ് കോളജ് എന്നിവരാണ് രണ്ടാം സ്ഥാനം നേടിയത്. മൂന്നാം സ്ഥാനം ആതിഥേയരായ ടി.കെ.എം കോളജ് കരസ്ഥമാക്കി. മികച്ച നിലവാരം പുലർത്തിയതെന്ന് വിധികർത്താക്കൾ പറഞ്ഞ മത്സരത്തിൽ 28 കോളജുകളാണ് മാറ്റുരച്ചത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.