വെളിച്ചക്കുറവ് രക്ഷാപ്രവർത്തനം ദുഷ്കരമാക്കി

കടയ്ക്കൽ: കെ.എസ്.ആർ.ടി.സി ബസിലടക്കമാണ് മടത്തറ അപകടത്തിൽ പരിക്കേറ്റവരെ ആശുപത്രിയിൽ എത്തിച്ചത്. ജനവാസം കുറഞ്ഞ മലയോര മേഖലയിലായിരുന്നു അപകടം നടന്നത്. അപകട വിവരമറിഞ്ഞ് സമീപ ജങ്ഷനുകളിൽനിന്ന് ആളുകൾ ഓടിയെത്തിയാണ് രക്ഷാപ്രവർത്തനത്തിൽ പങ്കുചേർന്നത്. വെളിച്ചം തീരെയില്ലാത്തതിനാൽ രക്ഷാപ്രവർത്തനം ദുഷ്കരമായിരുന്നു. കിട്ടിയ വാഹനങ്ങളിലെല്ലാം പരിക്കേറ്റവരെ ആശുപത്രിയിലെത്തിച്ചു. വാഹനത്തിൽ കുടുങ്ങിയവരെ അഗ്​നിരക്ഷസേന എത്തി വെട്ടിപ്പൊളിച്ചാണ് പുറത്തെടുത്തത്.