ഗുഡ്സ് ട്രെയിൻ നിർത്തിയിട്ട് ലോക്കോ പൈലറ്റ് ഇറങ്ങിപ്പോയി

കാ​ഞ്ഞ​ങ്ങാ​ട്: ഗു​ഡ്സ് ട്രെ​യി​ൻ തെ​റ്റാ​യ ട്രാ​ക്കി​ൽ നി​ർ​ത്തി​യി​ട്ട് ലോ​കോ പൈ​ല​റ്റ് ഇ​റ​ങ്ങി​പ്പോ​യി. കാ​ഞ്ഞ​ങ്ങാ​ട് റെ​യി​ൽ​വേ സ്റ്റേ​ഷ​നി​ൽ ഞാ​യ​റാ​ഴ്ച രാ​വി​ലെ​യാ​ണ് സം​ഭ​വം. പാ​സ​ഞ്ച​ർ ട്രെ​യി​നു​ക​ൾ വ​രു​ന്ന ഒ​ന്നാം പ്ലാ​റ്റ് ഫോ​മി​ൽ ഗു​ഡ്സ് ട്രെ​യി​ൻ നി​ർ​ത്തി​യി​ടു​ക​യാ​യി​രു​ന്നു. ലോ​കോ പൈ​ല​റ്റ് ഡ്യൂ​ട്ടി സ​മ​യം ക​ഴി​ഞ്ഞ​തോ​ടെ ഒ​ന്നാം പ്ലാ​റ്റ് ഫോ​മി​ൽ ട്രെ​യി​ന്‍ നി​ർ​ത്തി​യി​ട്ട് ഇ​റ​ങ്ങി​പ്പോ​വു​ക​യാ​യി​രു​ന്നു​വെ​ന്നാ​ണ് വി​വ​രം.

ഷൊ​ർ​ണൂ​ർ ഭാ​ഗ​ത്തേ​ക്ക് പോ​കേ​ണ്ട ട്രെ​യി​നു​ക​ൾ നി​ർ​ത്തു​ന്ന സ്ഥ​ല​മാ​ണ് പ്ലാ​റ്റ് ഫോം ​ഒ​ന്ന്. സം​ഭ​വ​ത്തി​ൽ ഗു​രു​ത​ര സു​ര​ക്ഷാ​വീ​ഴ്ച ഉ​ണ്ടാ​യ​താ​യാ​ണ് സൂ​ച​ന. ഇ​തോ​ടെ ഷൊ​ർ​ണൂ​ർ ഭാ​ഗ​ത്തേ​ക്ക് പോ​കേ​ണ്ട ട്രെ​യി​നു​ക​ൾ​ക്ക് പോ​കാ​നാ​കോ​തെ​വ​ന്നു.

തു​ട​ർ​ന്ന് മ​റ്റൊ​രു ട്രാ​ക്കി​ലൂ​ടെ യാ​ത്ര ട്രെ​യി​നു​ക​ളെ ക​ട​ത്തി​വി​ടു​ക​യാ​യി​രു​ന്നു. പു​ല​ർ​ച്ച അ​ഞ്ചി​നാ​യി​രു​ന്നു ഗു​ഡ്സ് ട്രെ​യി​ൻ നി​ർ​ത്തി​യി​ട്ട​ത്. നാ​ലു മ​ണി​ക്കൂ​റി​നു​ശേ​ഷം 10ഓ​ടെ മം​ഗ​ളൂ​രു​വി​ൽ​നി​ന്ന് ലോ​കോ പൈ​ല​റ്റ് എ​ത്തി​യാ​ണ് ഗു​ഡ്സ് ട്രെ​യി​ൻ യാ​ത്ര​തു​ട​ർ​ന്ന​ത്.

രാ​വി​ലെ നി​ര​വ​ധി ട്രെ​യി​നു​ക​ൾ​ക്ക് ട്രാ​ക്ക് മാ​റി ഓ​ടേ​ണ്ടി​വ​ന്നു. വ​ന്ദേ​ഭാ​ര​ത് അ​ട​ക്കം സ​മ​യം വൈ​കി​യാ​ണ് ഓ​ടി​യ​ത്. എ​ട​ക്കാ​ട് വ​രെ എ​ത്തേ​ണ്ട ഗു​ഡ്സ് ട്രെ​യി​നാ​ണ് കാ​ഞ്ഞ​ങ്ങാ​ട് ഒ​ന്നാം ട്രാ​ക്കി​ൽ നി​ർ​ത്തി​യി​ട്ട​ത്. എ​ന്നാ​ൽ, സു​ര​ക്ഷാ വീ​ഴ്ച​യി​ല്ലെ​ന്ന ന്യാ​യീ​ക​ര​ണ​മാ​ണ് റെ​യി​ൽ​വേ​യു​ടേ​ത്.

വീ​ഴ്ച​യി​ല്ല -റെ​യി​ൽ​വേ

കാ​ഞ്ഞ​ങ്ങാ​ട്: റെ​യി​ൽ​വേ സ്റ്റേ​ഷ​നി​ൽ ഒ​ന്നാം പ്ലാ​റ്റ്‌​ഫോ​മി​ൽ ഗു​ഡ്‌​സ് ട്രെ​യി​ൻ നി​ർ​ത്തി​യി​ട്ട​തി​ൽ സു​ര​ക്ഷാ​വീ​ഴ്ച​യി​ല്ലെ​ന്ന് പാ​ല​ക്കാ​ട് ഡി​വി​ഷ​ൻ റെ​യി​ൽ​വേ. ട്രാ​ക്ക് ര​ണ്ടി​ലും മൂ​ന്നി​ലും അ​റ്റ​കു​റ്റ​പ്പ​ണി​ക​ൾ ന​ട​ക്കു​ന്ന​തി​നാ​ലാ​ണ് ഗു​ഡ്സ് ട്രെ​യി​ൻ പ്ലാ​റ്റ് ഫോം ​ഒ​ന്നി​ൽ നി​ർ​ത്തി​യി​ട്ട​ത്. അ​റ്റ​കു​റ്റ​പ്പ​ണി​ക​ൾ ന​ട​ക്കു​മ്പോ​ൾ താ​ൽ​ക്കാ​ലി​ക​മാ​യി വ​ഴി​തി​രി​ച്ചു​വി​ട്ട് ഗു​ഡ്‌​സ് ട്രെ​യി​ൻ സ​ർ​വി​സ് ത​ട​സ്സ​മി​ല്ലാ​തെ ഉ​റ​പ്പു​വ​രു​ത്തു​ക​യാ​യി​രു​ന്നു. ലോ​കോ പൈ​ല​റ്റ് ഡ്യൂ​ട്ടി സ​മ​യം ക​ഴി​ഞ്ഞ​തി​നാ​ൽ ട്രെ​യി​ൻ നി​ർ​ത്തി​യി​ട്ട് പോ​യ​ത​ല്ല. നി​ർ​ദേ​ശം ല​ഭി​ച്ച​തി​നെ തു​ട​ർ​ന്നാ​ണ് ഒ​ന്നാം ന​മ്പ​ർ പ്ലാ​റ്റ് ഫോ​മി​ൽ ലോ​കോ പൈ​ല​റ്റ് ട്രെ​യി​ൻ നി​ർ​ത്തി​യി​ട്ട​ത്. മൂ​ന്നാം ന​മ്പ​ർ പ്ലാ​റ്റ്‌​ഫോം ട്രെ​യി​നു​ക​ൾ സ്വീ​ക​രി​ക്കു​ന്ന​തി​ന് പൂ​ർ​ണ​മാ​യും പ്ര​വ​ർ​ത്ത​ന​ക്ഷ​മ​മാ​ണെ​ന്ന് റെ​യി​ൽ​വേ അ​ധി​കൃ​ത​ർ പ്ര​സ്താ​വ​ന​യി​ൽ പ​റ​ഞ്ഞു.