ശാ​സ്ത്ര മേ​ള: അച്ഛന്റെ പാത പിൻപറ്റി ഉഗ്രൻ മേശ നിർമിച്ച് ഗൗതം

കാ​ഞ്ഞ​ങ്ങാ​ട്: അ​ച്ഛ​ന്റെ പാ​ത പി​ൻ​പ​റ്റി മൂ​ന്ന് മ​ണി​ക്കൂ​റി​നു​ള്ളി​ൽ ഉ​ഗ്ര​ൻ മേ​ശ നി​ർ​മി​ച്ച് പ്ല​സ് വ​ൺ വി​ദ്യാ​ർ​ഥി. മ​ഞ്ചേ​ശ്വ​രം മി​യാ പ​ദ​വ് ഹ​യ​ർ സെ​ക്ക​ൻ​ഡ​റി സ്കൂ​ളി​ലെ ജി.​എ. ഗൗ​ത​മാ​ണ് ശാ​സ്ത്ര മേ​ള​യി​ൽ മേ​ശ നി​ർ​മി​ച്ച​ത്. പി​താ​വ് ബാ​ബു ചാ​ലി​യ​ൻ മ​ര​പ്പ​ണി​ക്കാ​ര​നാ​ണ്. പി​താ​വി​ൽ​നി​ന്ന് പ​ഠി​ച്ച കു​ല​ത്തൊ​ഴി​ൽ ഗൗ​ത​ത്തി​ന് മ​ത്സ​ര​ത്തി​ന് ഏ​റെ സ​ഹാ​യ​ക​മാ​യി.

കുട്ടികളുടെ കരവിരുതിൽ ചെരിപ്പ് മുതൽ അലങ്കാര വസ്തുക്കൾ വരെ

കാ​ഞ്ഞ​ങ്ങാ​ട്: ജി​ല്ല ശാ​സ്ത്രോ​ൽ​സ​വ​ത്തി​ൽ കു​ട്ടി​ക​ളു​ടെ ക​ര​വി​രു​തി​ൽ രൂ​പം​കൊ​ണ്ട​ത് വി​വി​ധ​ത​രം വ​സ്തു​ക്ക​ൾ. ചെ​രി​പ്പ് മു​ത​ൽ അ​ല​ങ്കാ​ര വ​സ്തു​ക്ക​ൾ വ​രെ ഡ​സ​ൻ ക​ണ​ക്കി​ന് വ​സ്തു​ക്ക​ളാ​ണ് കു​ട്ടി​ക​ൾ നി​ർ​മി​ച്ച​ത്. വി​വി​ധ വ​ർ​ണ​ത്തി​ലും രൂ​പ​ത്തി​ലു​മു​ള്ള കു​ട്ട​ക​ളും ഊ​ഞ്ഞാ​ലും പു​ഷ്പ​ങ്ങ​ളും ബാ​ഗു​ക​ളും ക​ളി​ക്കോ​പ്പു​ക​ളും കൊ​ച്ചു കൂ​ട്ടു​കാ​രു​ടെ ക​ര​വി​രു​തി​ൽ രൂ​പ​പ്പെ​ട്ടു. ക്ലാ​സ് നി​റ​യെ കു​ട്ടി​ക​ൾ നി​ർ​മി​ച്ച ക​ര​കൗ​ശ​ല വ​സ്തു​ക്ക​ൾ കൊ​ണ്ട് നി​റ​ഞ്ഞ​പ്പോ​ള​ത് പു​തു​മ​യു​ള്ള കാ​ഴ്ച​യു​മാ​യി.

വെളുത്തുള്ളിത്തോടും മഞ്ചാടിക്കുരുവും ഭൂപടമാക്കി; ശിവഗംഗക്ക് ഒന്നാംസ്ഥാനം

കാ​ഞ്ഞ​ങ്ങാ​ട്: വെ​ളു​ത്തു​ള്ളി​ത്തോ​ടി​ലും മ​ഞ്ചാ​ടി​ക്കു​രു​വി​ലും കേ​ര​ള ഭൂ​പ​ടം തീ​ർ​ത്ത ചാ​യ്യോ​ത്ത് ഗ​വ.​ഹ​യ​ർ സെ​ക്ക​ൻ​ഡ​റി സ്കൂ​ളി​ലെ ആ​ർ.​എം. ശി​വ​ഗം​ഗ​ക്ക് ഒ​ന്നാം സ്ഥാ​നം. പാ​ഴ്വ​സ്തു നി​ർ​മാ​ണ പ​രി​പാ​ടി​യി​ലാ​ണ് ശി​വ​ഗം​ഗ ഒ​ന്നാ​മ​തെ​ത്തി​യ​ത്.

പ​ഠ​ന പ്ര​ക്രി​യ​യാ​ണ് മ​ത്സ​ര വി​ഷ​യ​മെ​ന്ന​തി​നാ​ൽ കേ​ര​ള​ത്തി​ൽ റെ​യി​ൽ​പാ​ത ഇ​ല്ലാ​ത്ത ജി​ല്ല​ക​ളെ ചൂ​ണ്ടി​ക്കാ​ട്ടി​യാ​യി​രു​ന്നു വെ​ളു​ത്തു​ള്ളി തോ​ടും മ​ഞ്ചാ​ടി​ക്കു​രു​വി​ലും കേ​ര​ള ഭൂ​പ​ടമു​ണ്ടാ​ക്കി​യ​ത്. സ​മാ​ന​മാ​യ എ​ട്ട് നി​ർ​മാ​ണ പ്ര​വൃത്തി​ക​ൾ കൂ​ടി ഹൈ​സ്കൂ​ൾ വി​ഭാ​ഗം നി​ർ​മാ​ണ പ്ര​വ​ർ​ത്തി​യി​ൽ ശി​വ​ഗം​ഗ ചെ​യ്തു. ക​ലാ​കാ​ര​ൻ സു​ധാ​ക​ര​ൻ പ​ട​ന്ന​യു​ടെ പ​രി​ശീ​ല​നം ല​ഭി​ച്ചി​ട്ടു​ണ്ട്.

ചലിക്കുന്ന പാവകൾ വേറിട്ടതായി

കാ​ഞ്ഞ​ങ്ങാ​ട്: ശാസ്ത്രോൽസവത്തിലെ ച​ലി​ക്കു​ന്ന പാ​വ​ക​ൾ വേ​റി​ട്ട​താ​യി. മ​ത്സ​രം ന​ട​ന്ന ക്ലാ​സ് മു​റി നി​റ​യെ പാ​വ​ക​ൾ ച​ലി​ച്ച​പ്പോ​ൾ അ​ത് കാ​ഴ്ച​ക്കാ​ർ​ക്ക് കൗ​തു​കം കൂ​ടി​യാ​യി. വി​വി​ധ വ​ർ​ണ​ത്തി​ലും രൂ​പ​ത്തി​ലു​മു​ള്ള പാ​വ​ക​ളാ​ണ്​ കു​ട്ടി​ക​ളു​ടെ ക​ര​വി​രു​തി​ൽ പി​റ​ന്ന​ത്.

സൂ​ചി, നൂ​ൽ, തു​ണി, പ​ല​ക, സോ​ക്സ് ഉ​ൾ​പ്പെ​ടെ ഉ​പ​യോ​ഗി​ച്ചാ​ണ് പാ​വ നി​ർ​മി​ച്ച​ത്. മു​ഴു​വ​ൻ പ്ര​വൃ​ത്തി​യും മൂ​ന്ന് മ​ണി​ക്കൂ​ർ സ​മ​യ​ത്തി​നു​ള​ളി​ൽ​ത​ന്നെ സൂ​ചി​യി​ൽ കോ​ർ​ത്തെ​ടു​ത്ത് പൂ​ർ​ത്തി​യാ​ക്കി. ഹൈ​സ്കൂ​ൾ വി​ഭാ​ഗ​ത്തി​ന്റേ​താ​ണ് പാ​വ നി​ർ​മാ​ണം. പ​ല​ക​യി​ൽ കെ​ട്ടി​യ സ്പ്രി​ങ് പാ​വ​യി​ൽ ഘ​ടി​പ്പി​ക്കു​ന്ന​തോ​ടെ പാ​വ​ക​ൾ ച​ലി​ക്കു​ക​യാ​യി​രു​ന്നു.