കാസർകോട് ജില്ലക്കാർക്ക് കണ്ണൂർ ജില്ലയുടെ സെലക്ഷൻ ട്രയലിൽ പങ്കെടുക്കാം കാസർകോട്: ഓൾ ഇന്ത്യ ക്രിക്കറ്റ് അസോസിയേഷൻ ഫോർ ഫിസിക്കലി ചലഞ്ചിൽനിന്ന് അഫിലിയേഷൻ നേടി കഴിഞ്ഞ നാല് വർഷമായി കേരളത്തിൽ പ്രവർത്തിക്കുന്ന ഫിസിക്കലി ചലഞ്ച്ഡ് ഓൾ സ്പോർട്സ് അസോസിയേഷൻ കേരള, ജനുവരിയിൽ നടത്താൻ പോകുന്ന ശാരീരിക വൈകല്യമുള്ളവരുടെ സംസ്ഥാന ടി-20 ക്രിക്കറ്റ് ചാമ്പ്യൻഷിപ്പിനുള്ള കണ്ണൂർ ജില്ല ടീമിൻെറ സെലക്ഷൻ ട്രയലിൽ പങ്കെടുക്കുന്നതിന് രജിസ്ട്രേഷൻ ആരംഭിച്ചു. കാസർകോട് ജില്ലക്കാർക്ക് കണ്ണൂർ ജില്ലയുടെ സെലക്ഷൻ ട്രയലിൽ പങ്കെടുക്കാം. അസ്ഥി സംബന്ധമായ വൈകല്യമുള്ള ഏത് പ്രായക്കാർക്കും രജിസ്റ്റർ ചെയ്യാം. സെലക്ഷൻ ട്രയലിൽ പങ്കെടുന്നതിന് വൈകല്യത്തിൻെറ പരിധി നിശ്ചയിച്ചിട്ടില്ലാത്തതിനാൽ 40 ശതമാനത്തിൽ കുറവ് വൈകല്യമുള്ളവർക്കും പങ്കെടുക്കാം. സംസ്ഥാന ചാമ്പ്യൻഷിപ്പിൽ മികച്ച പ്രകടനം കാഴ്ചവെക്കുന്ന കായിക താരങ്ങളെ ഫെബ്രുവരി മാസത്തിൽ ആന്ധ്രയിൽ നടക്കുന്ന സൗത്ത് സോൺ ക്രിക്കറ്റ് ചാമ്പ്യൻഷിപ്പിനുള്ള കേരള സ്റ്റേറ്റ് ടീമിലേക്കും ആദ്യമായി 2022ൽ നടക്കുന്ന പാരാ മാസ്റ്റേഴ്സ് ക്രിക്കറ്റ് വേൾഡ് കപ്പിനുള്ള ഇന്ത്യൻ ടീമിൻെറ സെലക്ഷൻ ട്രയലിലേക്കും തിരെഞ്ഞടുക്കും. നിശ്ചിത മാതൃകയിലുള്ള അപേക്ഷയോടൊപ്പം വൈകല്യം തെളിയിക്കുന്നതിനുള്ള സർട്ടിഫിക്കറ്റിൻെറ കോപ്പിയും ജനുവരി എട്ടിന് വൈകീട്ട് അഞ്ചിനുമുമ്പ് സംസ്ഥാന അസോസിയേഷൻെറ ഇ-മെയിലിൽ അയക്കണം. അപേക്ഷാ ഫോറത്തിനും കൂടുതൽ വിവരങ്ങൾക്കും: https://pcasak.weebly.com. ഫോൺ: ജില്ല സെക്രട്ടറി കെ. അനീസ്: 7736100316.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.