വൈവിധ്യങ്ങളുമായി വ്യവസായിക പ്രദർശനം

ത​ല​ശ്ശേ​രി: ല​ണ്ട​ൻ ക്ലോ​ക്ക്‌ മു​ത​ൽ കൈ​ത്ത​റി വ​സ്‌​ത്ര​ങ്ങ​ൾ വ​രെ​യു​ള്ള വൈ​വി​ധ്യ​മാ​ർ​ന്ന ഉ​ൽപ​ന്ന​ങ്ങ​ൾ. സ്ക്വാ​ഷ്‌, ജ്യൂ​സ്‌, ഐ​സ്‌​ക്രീം, അ​ച്ചാ​ർ, ഹെ​ൽ​ത്ത്‌-​ന്യൂ​ട്രി​മി​ക്‌​സു​ക​ൾ തു​ട​ങ്ങി​യ ആ​ഹാ​ര​പ​ദാ​ർ​ഥ​ങ്ങ​ൾ, ഇ​തി​നെ​ല്ലാം പു​റ​മെ മൂ​ല്യ​വ​ർ​ധി​ത ഉ​ൽപ​ന്ന​ങ്ങ​ളും. ത​ല​ശ്ശേ​രി കാ​ർ​ണി​വ​ലി​ന്റെ ഭാ​ഗ​മാ​യി വീ​ന​സ് ക​വ​ല​യി​ലെ സി​റ്റി സെ​ന്റ​ർ ഗ്രൗ​ണ്ടി​ൽ സം​ഘ​ടി​പ്പി​ച്ച വ്യ​വ​സാ​യി​ക പ്ര​ദ​ർ​ശ​നം വൈ​വി​ധ്യ​ങ്ങ​ളാ​ൽ ഏ​റെ ആ​ക​ർ​ഷ​കം.

പാ​ല​യാ​ട്‌ സ്വ​ദേ​ശി​യാ​യ ശി​ൽ​പി പി. ​രാ​ജ​ൻ മ​ര​ത്തി​ൽ നി​ർ​മി​ച്ച പ​ത്ത​ര​യ​ടി ഉ​യ​ര​മു​ള്ള ല​ണ്ട​ൻ ക്ലോ​ക്കും, കൂ​റ്റ​ൻ ന​ട​രാ​ജ ഭ​ദ്ര​കാ​ളി ശി​ൽ​പ​വു​മൊ​ക്കെ മേ​ള​യി​ലെ വി​സ്‌​മ​യ​ങ്ങ​ളാ​ണ്‌. കോ​പ്പാ​ലം സ്വ​ദേ​ശി​യാ​യ അ​ഫ്‌​സ​ത്ത്‌ വൂ​ള​ൻ നൂ​ൽ ഉ​പ​യോ​ഗി​ച്ച്‌ നി​ർ​മി​ച്ച ആ​ക​ർ​ഷ​ക​മാ​യ അ​ല​ങ്കാ​ര വ​സ്‌​തു​ക്ക​ളും ആ​ഭ​ര​ണ​ങ്ങ​ളും ആ​രു​ടെ​യും മ​നം​ക​വ​രും.

അ​ല​ങ്കാ​ർ ഗ്രൂ​പ്പി​ന്റെ ത​നൂ​ജ നി​ർ​മി​ച്ച മു​ത്തി​ലും ക​ല്ലി​ലും തീ​ർ​ത്ത ആ​ഭ​ര​ണ​ങ്ങ​ൾ, തേ​ൻ, കൈ​ത്ത​റി ഉ​ത്‌​പ​ന്ന​ങ്ങ​ൾ, ആ​യു​ർ​വേ​ദ പ​ച്ച​മ​രു​ന്നു​ക​ൾ, സോ​ഫ​ക​ൾ, ശി​ൽ​പ​ങ്ങ​ൾ, ഫ​ർ​ണി​ച്ച​ർക​ൾ എ​ന്നി​ങ്ങ​നെ നീ​ളു​ന്നു ഉ​ൽപന്ന​ങ്ങ​ളു​ടെ നി​ര. വ്യ​വ​സാ​യ വാ​ണി​ജ്യ വ​കു​പ്പും ജി​ല്ല വ്യ​വ​സാ​യ കേ​ന്ദ്ര​വും ചേ​ർ​ന്നാ​ണ്‌ വ്യ​വ​സാ​യി​ക പ്ര​ദ​ർ​ശ​ന വി​ൽ​പ​ന മേ​ള സം​ഘ​ടി​പ്പി​ച്ചി​രി​ക്കു​ന്ന​ത്‌. നി​യ​മ​സ​ഭ സ്പീ​ക്ക​ർ എ.​എ​ൻ. ഷം​സീ​ർ പ്ര​ദ​ർ​ശ​നം ഉ​ദ്‌​ഘാ​ട​നം ചെ​യ്‌​തു.

തലശ്ശേരിക്ക് ആവേശമായി ട്യൂ​ൺ​സ് ഓ​ഫ് ഹാ​പ്പി​ന​സ്

ത​ല​ശ്ശേ​രി: കാ​ർ​ണി​വ​ലി​ൽ പാ​ട്ടി​ന്റെ പാ​ലാ​ഴി തീ​ർ​ത്ത് വി​ധു പ്ര​താ​പും ക്രി​സ്റ്റ​ക​ല​യും. പ​ഴ​യ ബ​സ് സ്റ്റാ​ൻ​ഡി​ലെ പ്ര​ധാ​ന വേ​ദി​യി​ൽ ശ​നി​യാ​ഴ്ച രാ​ത്രി അ​ര​ങ്ങേ​റി​യ മ​ല​യാ​ളി​ക​ളു​ടെ പ്രി​യ ഗാ​യ​ക​ൻ വി​ധു പ്ര​താ​പി​ന്റെ​യും റി​യാ​ലി​റ്റി​ഷോ​യി​ലു​ടെ പ്ര​ശ​സ്ത​യാ​യ ഗാ​യി​ക ക്രി​സ്റ്റ​ക​ല​യു​ടെ​യും സം​ഗീ​ത വി​രു​ന്ന് നി​റ​ഞ്ഞ കൈ​യ​ടി​യും ഹ​ർ​ഷാ​ര​വ​ങ്ങ​ളു​മാ​യാ​ണ് തി​ങ്ങി​നി​റ​ഞ്ഞ ജ​നം വ​ര​വേ​റ്റ​ത്.

കാ​ർ​ണി​വ​ലി​ന്റെ ര​ണ്ടാം ദി​ന​ത്തി​ൽ 'മാ​ധ്യ​മം' സം​ഘ​ടി​പ്പി​ച്ച ട്യൂ​ൺ​സ് ഓ​ഫ് ഹാ​പ്പി​ന​സ് സം​ഗീ​ത​നി​ശ ച​രി​ത്ര പ​ട്ട​ണ​ത്തി​ന് ന​വ്യാ​നു​ഭ​വ​മാ​യി. വി​ധു പ്ര​താ​പും ക്രി​സ്റ്റ​ക​ല​യും സ്റ്റേ​ജി​ൽ പാ​ടു​മ്പോ​ൾ സ​ദ​സ്സ് ആ​കെ ഇ​ള​കി മ​റി​ഞ്ഞു. നി​റ​ഞ്ഞ കൈയടികളോടെയും ചു​വ​ടു​ക​ൾ വെ​ച്ചും സം​ഗീ​ത​വി​രു​ന്ന് ആ​ളു​ക​ൾ വ​ൻ ആ​ഘോ​ഷ​മാ​ക്കി മാ​റ്റി. ത​ല​ശ്ശേ​രി​ക്ക് മ​റ​ക്കാ​നാ​വാ​ത്ത നി​മി​ഷ​ങ്ങ​ളാ​യി​രു​ന്നു ശ​നി​യാ​ഴ്ച​യി​ലെ സാ​യം​സ​ന്ധ്യ.

വനസുന്ദരി ഹെർബൽ ചിക്കൻ മുതൽ തരിബിരി വരെ

ത​ല​ശ്ശേ​രി: ത​ല​ശ്ശേ​രി കാ​ർ​ണി​വ​ലി​ന്റെ ഭാ​ഗ​മാ​യി ക​ട​ൽ പാ​ലം പ​രി​സ​ര​ത്ത് ഒ​രു​ക്കി​യ ഫു​ഡ് കോ​ർ​ട്ട് വ്യ​ത്യ​സ്ത വി​ഭ​വ​ങ്ങ​ളാ​ൽ ശ്ര​ദ്ധേ​യം. പ​ച്ച​നി​റ​ത്തി​ൽ ആ​വി​പ​റ​ക്കു​ന്ന വ​ന​സു​ന്ദ​രി ഹെ​ർ​ബ​ൽ ചി​ക്ക​നാ​ണ് രു​ചി​യി​ൽ കേ​മം. അ​ട്ട​പ്പാ​ടി ആ​ദി​വാ​സി ഊ​രി​ലെ കു​ടും​ബ​ശ്രീ അം​ഗ​ങ്ങ​ളാ​ണ്‌ വ​ന​സു​ന്ദ​രി ചി​ക്ക​ൻ ത​യാ​റാ​ക്കു​ന്ന​ത്‌.

പ​ച്ച​ക്കു​രു​മു​ള​കും കാ​ന്താ​രി​യും മ​ല്ലി​യി​ല​യും പു​തി​ന​യി​ല​യും കാ​ട്ടു​ജീ​ര​ക​വും ചി​ല പ​ച്ചി​ല​ക​ളും ഊ​രി​ലെ പ്ര​ത്യേ​ക ര​ഹ​സ്യ​ക്കൂ​ട്ടു​ക​ളും ചേ​ർ​ത്തു​ണ്ടാ​ക്കു​ന്ന വ​ന​സു​ന്ദ​രി കേ​ര​ളീ​യം പ​രി​പാ​ടി​യി​ലൂ​ടെ​യാ​ണ്‌ വൈ​റ​ലാ​യ​ത്‌. അ​ട്ട​പ്പാ​ടി ആ​ദി​വാ​സി ഊ​രു​ക​ളി​ലെ ത​ന​ത്‌ വി​ഭ​വ​മാ​യ ഇ​തി​ൽ മ​റ്റ്‌ മ​സാ​ല​പ്പൊ​ടി​ക​ളൊ​ന്നും ത​ന്നെ ചേ​ർ​ക്കാ​ത്ത​തി​നാ​ൽ ആ​രോ​ഗ്യ​പ്ര​ദ​മാ​ണെ​ന്ന്‌ ഇ​വ​ർ പ​റ​യു​ന്നു.

ദോ​ശ, ച​ട്‌​നി, സാ​ല​ഡ്‌ എ​ന്നിവ അ​ട​ങ്ങു​ന്ന ഒ​രു പ്ലേ​റ്റി​ന്‌ 180 രൂ​പ​യാ​ണ്‌ വി​ല. റ​സ്‌​റ്റോ​റ​ന്റു​ക​ളി​ൽ ല​ഭി​ക്കാ​ത്ത ഈ ​വി​ഭ​വ​ത്തി​ന്‌ തി​ര​ക്കേ​റെ​യാ​ണ്‌. രു​ചി​യി​ടം കു​ട്ട​നാ​ട​ൻ ഷാ​പ്പി​ന്റെ വി​ഭ​വ​ങ്ങ​ളാ​യ താ​റാ​വ് മ​പ്പാ​സ്, ക​രി​മീ​ൻ പൊ​ള്ളി​ച്ച​ത്, കൂ​ടാ​തെ പേ​ര് കേ​ട്ടാ​ൽ ത​ന്നെ വ​ണ്ട​റ​ടി​ച്ചു പോ​വു​ന്ന വി​ഭ​വ​ങ്ങ​ളും ഇ​വി​ടെ​യു​ണ്ട്.

ത​രി​ബി​രി, ക​മീ​റ, യൂ​റോ ബ​ൺ, സി​സ് ബ​ൺ തു​ട​ങ്ങി​യ ഇ​റ​ച്ചി വി​ഭ​വ​ങ്ങ​ളും കോ​ഴി​യി​റ​ച്ചി​യും ചീ​സും നി​റ​ച്ച ലാ​വ, ചി​ക്ക​ൻ വൈ​റ്റ് സോ​സ് എ​ന്നി​ങ്ങ​നെ പോ​വു​ന്നു വി​ഭ​വ​ങ്ങ​ൾ. നാ​ട​ൻ ഉ​ണ്ണി​യ​പ്പ​ത്തി​ന്റെ മോ​ഡേ​ൺ വേ​ർ​ഷ​ൻ ആ​യ ഉ​ണ്ണി മ​ധു​രം വി​വി​ധ രു​ചി​ക​ളി​ൽ ല​ഭ്യ​മാ​ണ്. കൂ​ടാ​തെ അ​റേ​ബ്യ​ൻ വി​ഭ​വ​മാ​യ ലു​ക്കാ​മ​ത്ത്, ഷ​വ​ർ​മ​യു​ടെ വൈ​വി​ധ്യ​ങ്ങ​ളാ​യ ഷ​വ​ർ​മ ഷോ​ർ​ട്, പോ​ക്ക​റ്റ് ഷ​വ​ർ​മ എ​ന്നി​വ​ക്കും ആ​വ​ശ്യ​ക്കാ​രേ​റെ.

ക​പ്പ ജ്യൂ​സും മു​ട്ടാ​പ്പ​വും ബീ​ഫും വി​വി​ധ​ത​രം ജൂ​സു​ക​ളു​മാ​യി ഭ​ക്ഷ​ണ​പ്രേ​മി​ക​ളു​ടെ ഇ​ഷ്ട​യി​ട​മാ​യി മാ​റി​യി​രി​ക്കു​ക​യാ​ണ് ക​ട​ൽ​പാ​ലം പ​രി​സ​രം. ലൈ​റ്റു​ക​ളാ​ൽ അ​തി​മ​നോ​ഹ​ര​മാ​യി അ​ല​ങ്ക​രി​ച്ച വ​ഴി​ക​ളും ഫോ​ട്ടോ കോ​ർ​ണ​റു​ക​ളും ആ​ക​ർ​ഷ​ക​മാ​യ മോ​ഡേ​ൺ ആ​ർ​ട് ക​വാ​ട​ങ്ങ​ളു​മാ​യി ക​ട​ൽ​പാ​ലം പ​രി​സ​രം ആ​ളു​ക​ളെ ഏ​റെ ആ​ക​ർ​ഷി​ക്കു​ക​യാ​ണ്.