തലശ്ശേരി: മലബാറിലെ യാത്രാദുരിതത്തിന് പരിഹാരമെന്നോണം, കണ്ണൂരിൽ യാത്ര അവസാനിപ്പിക്കുന്ന 16511/16512 ബംഗളൂരു-കണ്ണൂർ എക്സ്പ്രസിന് തലശ്ശേരിയിൽ സ്റ്റോപ് അനുവദിച്ച് ട്രെയിൻ കോഴിക്കോടുവരെ നീട്ടി റെയിൽവേ മന്ത്രാലയം ഉത്തരവിറക്കി വർഷം ഒന്നുകഴിഞ്ഞെങ്കിലും നടപ്പായില്ല.
ഷൊർണൂർ ജങ്ഷനിലെ എൻ.എസ് ഗ്രേഡ് 3 ക്ലാസ് വൺ സ്റ്റേഷനായ തലശ്ശേരി യാത്രക്കാരുടെ എണ്ണത്തിലും വരുമാനത്തിലും മുൻനിരയിലുള്ള സ്റ്റേഷനായിട്ടും വന്ദേഭാരത് ഉൾപ്പെടെ പല ട്രെയിനുകൾക്കും ഇവിടെ സ്റ്റോപ്പില്ല.
പ്രസ്തുത ട്രെയിനുകൾ ഓടിത്തുടങ്ങിയാൽ പ്രദേശവാസികൾക്ക് വലിയ അനുഗ്രഹമാകും. ബാംഗളൂരൂ-കണ്ണൂർ എക്സ്പ്രസിന്റെ സർവിസ് ഉടൻ ആരംഭിക്കണമെന്ന് തലശ്ശേരി റെയിൽവേ പാസഞ്ചേഴ്സ് അസോസിയേഷൻ ആവശ്യപ്പെട്ടു. ഇതുസംബന്ധിച്ച് ദക്ഷിണ റെയിൽവേ മാനേജർ മധുകർ റൗട്ടിന് അസോസിയേഷൻ നിവേദനം നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.