സദാനന്ദന്റെ നെൽ കൃഷിക്കുണ്ട് സംസ്കൃതിയുടെ കൈയൊപ്പ്

പ​യ്യ​ന്നൂ​ർ: വ​രാ​നി​രി​ക്കു​ന്ന ഐ​ശ്വ​ര്യ​ത്തി​ന്റെ​യും കാ​ർ​ഷി​ക സ​മൃ​ദ്ധി​യു​ടെ​യും പ്ര​തീ​ക​മാ​ണ് നി​റ മ​ഹോ​ത്സ​വം. ആ​ദ്യം വി​രി​യു​ന്ന ക​തി​രാ​ണ് ഇ​തി​ന് ഉ​പ​യോ​ഗി​ക്കു​ന്ന​ത്. ഇ​തി​നാ​വ​ശ്യ​മാ​യ ക​തി​രു​ക​ൾ ഉ​ൽപാ​ദി​പ്പി​ച്ച് സൗ​ജ​ന്യ​മാ​യി വി​ത​ര​ണം ചെ​യ്യു​ന്ന ഒ​രു ക​ർ​ഷ​ക​നു​ണ്ടി​വി​ടെ. ഏ​ഴി​ലോ​ട് പു​റ​ച്ചേ​രി കോ​ട്ട​ക്കു​ന്നി​ലെ ടി.​വി. സ​ദാ​ന​ന്ദ​നാ​ണ് സം​സ്കൃ​തി​യു​ടെ കൃ​ഷി​യി​റ​ക്കു​ന്ന ക​ർ​ഷ​ക​ൻ.

ഇ​ല്ലം​നി​റ​ക്കു വേ​ണ്ട ക​തി​രു​ക​ൾ വി​രി​യി​ച്ചെ​ടു​ത്ത് ഇ​ത്ത​വ​ണ​യും കാ​ത്തി​രി​ക്കു​ക​യാ​ണ് ഇ​ദ്ദേ​ഹം. വ​ർ​ഷ​ങ്ങ​ളോ​ള​മാ​യി ഈ ​സേ​വ​നം ഒ​രു നി​യോ​ഗ​മെ​ന്നോ​ണം ചെ​യ്തു​വ​രി​ക​യാ​ണ്. സൗ​ജ​ന്യ​മാ​യാ​ണ് നെ​ൽ​ക​തി​ർ വി​രി​യി​ച്ച് ക്ഷേ​ത്ര​ങ്ങ​ൾ​ക്ക് കൊ​ടു​ക്കു​ന്ന​ത്. ഇ​ത്ത​വ​ണ 75 കി​ലോ നെ​ൽ​വി​ത്താ​ണ് നി​റ​ക്കു​വേ​ണ്ടി കൃ​ഷി ചെ​യ്ത​ത്. പെ​ര​ള​ശ്ശേ​രി, ക​രി​പ്പാ​ൽ നാ​ഗം, മാ​ടാ​യി​ക്കാ​വ്, അ​റ​ത്തി​ൽ അ​മ്പ​ലം, രാ​മ​ന്ത​ളി ശ​ങ്ക​ര​നാ​രാ​യ​ണ ക്ഷേ​ത്രം തു​ട​ങ്ങി ജി​ല്ല​യി​ലെ മി​ക്ക ക്ഷേ​ത്ര​ങ്ങ​ളി​ലേ​ക്കും സ​ദാ​ന​ന്ദ​ന്റെ നെ​ൽ​ക​തി​രാ​ണ് ഇ​ല്ലം​നി​റ​ക്കാ​യി കൊ​ണ്ടു​പോ​കു​ന്ന​ത്.

കൃ​ഷി​യി​ട​ത്ത് ന​ല്ല വി​ള​വി​നും നാ​ടി​ന്റെ സ​മൃ​ദ്ധി​ക്കും വേ​ണ്ടി​യു​ള്ള പ്രാ​ർ​ഥ​ന കൂ​ടി​യാ​ണി​തെ​ന്നാ​ണ് വി​ശ്വാ​സം. എ​ന്നാ​ൽ, നി​റ, പു​ത്ത​രി തു​ട​ങ്ങി​യ അ​നു​ഷ്ഠാ​ന​ങ്ങ​ൾ നെ​ൽ​കൃ​ഷി​യെ നി​ല​നി​ർ​ത്തു​ന്ന​തി​നു കൂ​ടി​യാ​ണ് പ​ഴ​യ ത​ല​മു​റ അ​നു​ഷ്ഠി​ച്ച​തെ​ന്ന് പ​റ​യ​പ്പെ​ടു​ന്നു. പ​ര​മ്പ​രാ​ഗ​ത ക​ർ​ഷ​ക കു​ടും​ബ​മാ​ണ് സ​ദാ​ന​ന്ദ​ന്റെ​ത്. 2017 ലെ ​സം​സ്ഥാ​ന സ​ർ​ക്കാ​റി​ന്റെ ക​ർ​ഷ​ക ശ്ര​മ​ശ​ക്തി അ​വാ​ർ​ഡും ബ്ലോ​ക്ക് പ​ഞ്ചാ​യ​ത്തി​ന്റെ മി​ക​ച്ച നെ​ൽ​ക​ർ​ഷ​ക​നു​ള്ള അ​വാ​ർ​ഡും ഇ​ദ്ദേ​ഹ​ത്തേ തേ​ടി​യെ​ത്തി​യി​ട്ടു​ണ്ട്.