ലുക്മാന്
കണ്ണൂര്: ബംഗളൂരുവില്നിന്നെത്തിച്ച് ജില്ലയില് വന്തോതില് മയക്കുമരുന്ന് വിൽപന നടത്തുന്ന യുവാവിനെ എം.ഡി.എം.എ സഹിതം കണ്ണൂര് സര്ക്കിള് എക്സൈസ് സംഘം പിടികൂടി. തില്ലേരിയിലെ സി.എച്ച്. ലുക്മാന് മസ്റൂറിനെയാണ് (24) സര്ക്കിള് ഇന്സ്പെക്ടര് കെ. ഷാജിയുടെ നേതൃത്വത്തില് അറസ്റ്റ് ചെയ്തത്. യുവാവിന്റെ പക്കല്നിന്ന് 42 ഗ്രാം എം.ഡി.എം.എ പിടിച്ചെടുത്തു.
രഹസ്യവിവരത്തിന്റെ അടിസ്ഥാനത്തില് കണ്ണൂര് ടൗണ് പ്രഭാത് ജങ്ഷന്, പയ്യാമ്പലം, കാനത്തൂര്, തില്ലേരി ഭാഗങ്ങളില് എക്സൈസ് സംഘം വ്യാപക പരിശോധന നടത്തിയിരുന്നു. തില്ലേരിയില്വെച്ചാണ് യുവാവ് വലയിലായത്. ബംഗളൂരുവില്നിന്ന് വന്തോതില് കടത്തിക്കൊണ്ടുവന്ന് ജില്ലയില് ചില്ലറയായി വിൽപന നടത്തുകയായിരുന്നു ലക്ഷ്യം.
മെത്താംഫിറ്റമിന് ചില്ലറയാക്കി തൂക്കി വിൽപന നടത്തുന്നതിനായി ഉപയോഗിക്കുന്ന ഇലക്ട്രോണിക് ത്രാസും ഇയാളില്നിന്ന് കണ്ടെടുത്തു. ഗ്രേഡ് അസി. ഇന്സ്പെക്ടര്മാരായ കെ. ഷജിത്ത്, പി.സി. പ്രഭുനാഥ്, ഗ്രേഡ് പ്രിവന്റിവ് ഓഫിസര് വി.വി. സനൂപ്, സിവില് ഓഫിസര്മാരായ പി.ടി. ശരത്ത്, വി.വി. ശ്രീജിന്, അശ്വതി എന്നിവരടങ്ങിയ സംഘമാണ് യുവാവിനെ പിടികൂടിയത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.