വെരുകിന് കോഴിക്കൂട് തടവറയായി; വനപാലകർ മോചിപ്പിച്ചു

കേളകം: കോഴികളെ കൊന്നൊടുക്കിയ വെരുകിന് കോഴിക്കൂട് തടവറയായപ്പോൾ ഒടുവിൽ രക്ഷകരായത് വനപാലകർ. കൊട്ടിയൂർ അമ്പായത്തോട്ടിലാണ് കോഴികളെ പിടികൂടിയ വെരുക് കൂട്ടിൽ കുടുങ്ങിയത്. അമ്പായത്തോടിലെ പള്ളിക്കാമഠം ജോസി​െൻറ വീട്ടിലെ കോഴിക്കൂട്ടിലാണ് കോഴികളെ കൊന്നൊടുക്കിയ വെരുകിനെ വീട്ടുകാർ തടങ്കലിലാക്കി വനപാലകരെ അറിയിച്ചത്.

കൂട്ടിലുണ്ടായിരുന്ന അഞ്ചിലധികം കോഴികളെ കൊന്നതിനുശേഷം പുറത്തുകടക്കാൻ ശ്രമിച്ചെങ്കിലും കോഴിക്കൂട്ടിൽ അകപ്പെട്ടത് മനസ്സിലായതോടെ വെരുക് വിരണ്ടു ബഹളം വെച്ചു. തുടർന്ന് ജോസ് വനംവകുപ്പിനെ വിവരമറിയിക്കുകയും അവരെത്തി വെരുകിനെ തുറന്നുവിടുകയുമായിരുന്നു.