ഇരിട്ടി താലൂക്ക് ആശുപത്രി ഡയാലിസിസ് സെന്റർ സ്തംഭനാവസ്ഥയിലേക്ക്

ഇ​രി​ട്ടി: വൃ​ക്ക​രോ​ഗി​ക​ൾ​ക്ക് ആ​ശ്വാ​സ​മാ​യി മാ​റി​യ ഇ​രി​ട്ടി താ​ലൂ​ക്ക് ആ​ശു​പ​ത്രി ഡ​യാ​ലി​സി​സ് യൂ​നി​റ്റ് ഉ​ദാ​ര​മ​തി​ക​ളു​ടെ ക​നി​വ് തേ​ടു​ന്നു. സെ​ന്റ​റി​ന്റെ ന​ട​ത്തി​പ്പി​നാ​യി പ​ണം ക​ണ്ടെ​ത്താ​ൻ ക​ഴി​യാ​ത്ത​താ​ണ് യൂ​നി​റ്റി​ന്റെ പ്ര​വ​ർ​ത്ത​ന​ത്തെ പ്ര​തി​സ​ന്ധി​യി​ലാ​ക്കി​യ​ത്. ജീ​വ​ന​ക്കാ​ർ​ക്കു​ള്ള ശ​മ്പ​ളം നാ​ലു​മാ​സ​മാ​യി മു​ട​ങ്ങി​യെ​ങ്കി​ലും ഉ​ദാ​ര​മ​തി​ക​ളു​ടെ സ​ഹാ​യ​ത്താ​ൽ ര​ണ്ടു മാ​സ​ത്തേ​ത് ന​ൽ​കാ​ൻ ക​ഴി​ഞ്ഞു. ര​ണ്ടു മാ​സ​ത്തെ വേ​ത​നം കു​ടി​ശ്ശി​ക​യാ​യി കി​ട​ക്കു​ക​യാ​ണ്.

ക​നി​വ് കി​ഡ്‌​നി പേ​ഷ്യ​ന്റ് വെ​ൽ​ഫെ​യ​ർ സൊ​സൈ​റ്റി​യു​ടെ കീ​ഴി​ൽ പ്ര​വ​ർ​ത്തി​ക്കു​ന്ന യൂ​നി​റ്റി​ന്റെ ന​ട​ത്തി​പ്പി​നു​ള്ള പ​ണം സൊ​സൈ​റ്റി​യാ​യി​രു​ന്നു ക​ണ്ടെ​ത്തി​യി​രു​ന്ന​ത്. ഉ​ദാ​ര​മ​തി​ക​ളി​ൽ നി​ന്നും സ​ഹാ​യം സ്വീ​ക​രി​ച്ച് ഏ​ഴു വ​ർ​ഷ​മാ​യി ന​ല്ല​നി​ല​യി​ലാ​യി​രു​ന്നു പ്ര​വ​ർ​ത്തി​ച്ചു​വ​ന്ന​ത്. ഈ ​കാ​ല​ത്തി​നി​ട​യി​ൽ 21087 ഡ​യാ​ലി​സി​സാ​ണ് ചെ​യ്ത​ത്. ആ​ദ്യം ഒ​രു ഷി​ഫ്റ്റും പി​ന്നീ​ട് ര​ണ്ടു ഷി​ഫ്റ്റി​ലേ​ക്കും മാ​റി.

മൂ​ന്നാ​മ​തൊ​രു ഷി​ഫ്റ്റ് കൂ​ടി ആ​രം​ഭി​ക്കാ​നു​ള്ള ഭൗ​തി​ക സാ​ഹ​ച​ര്യ​ങ്ങ​ളും രോ​ഗി​ക​ളും ഉ​ണ്ടെ​ങ്കി​ലും നി​ല​വി​ലു​ള്ള ര​ണ്ടു ഷി​ഫ്റ്റ് ജീ​വ​ന​ക്കാ​ർ​ക്ക് പോ​ലും മാ​സാ​മാ​സം വേ​ത​നം ന​ൽ​കാ​ൻ ക​ഴി​യു​ന്നി​ല്ല. ആ​ശു​പ​ത്രി മാ​നേ​ജ്‌​മെ​ന്റി​ൽ നി​ന്നു​ള്ള ഫ​ണ്ടും ന​ഗ​ര​സ​ഭ ഗ്രാ​ന്റും യൂ​നി​റ്റി​ലേ​ക്ക് മ​രു​ന്നു​ക​ളും മ​റ്റുസൗ​ക​ര്യ​ങ്ങ​ളും ഒ​രു​ക്കു​ന്ന​തി​നാ​ണ് ഉ​പ​യോ​ഗി​ക്കു​ന്ന​ത്. ര​ണ്ടു ഷി​ഫ്റ്റു​ക​ളി​ലാ​യി 34 പേ​രാ​ണ് ഇ​പ്പോ​ൾ ഡ​യാ​ലി​സി​സ് ചെ​യ്യു​ന്ന​ത്.

256 പേ​ർ ഡ​യാ​ലി​സി​സി​നാ​യി അ​പേ​ക്ഷ ന​ൽ​കി കാ​ത്തി​രി​പ്പു​ണ്ട്. മൂ​ന്നാം ഷി​ഫ്റ്റ് കൂ​ടി പ്ര​വ​ർ​ത്ത​ന ക്ഷ​മ​മാ​ക്ക​ണ​മെ​ന്നാ​വ​ശ്യം ശ​ക്ത​മാ​കു​ന്ന​തി​നി​ട​യി​ലാ​ണ് ര​ണ്ടു ഷി​ഫ്റ്റ് പോ​ലും ന​ട​ത്താ​ൻ ക​ഴി​യാ​ത്ത വി​ധം പ്ര​തി​സ​ന്ധി രൂ​ക്ഷ​മാ​യി​രി​ക്കു​ന്ന​ത്.

ഇ​രി​ട്ടി ന​ഗ​ര​സ​ഭ​യും ആ​റ​ളം, അ​യ്യ​ൻ​കു​ന്ന്, പാ​യം, മു​ഴ​ക്കു​ന്ന്, ഉ​ളി​ക്ക​ൽ, പ​ടി​യൂ​ർ പ​ഞ്ചാ​യ​ത്തു​ക​ളു​മാ​ണ് ഇ​രി​ട്ടി ഡ​യാ​ലി​സി​സ് സെ​ന്റ​റി​ന്റെ പ​രി​ധി​യി​ൽ വ​രു​ന്ന​ത്. ഒ​രേ സ​മ​യം 10 പേ​ർ​ക്ക് ഡ​യാ​ലി​സി​സ് ന​ട​ത്താ​നാ​കു​ന്ന വി​ധം 10 യൂ​നി​റ്റു​ക​ളാ​ണ് സെ​ന്റ​റി​ൽ ഉ​ള്ള​ത്.

മൂ​ന്നു ഷി​ഫ്റ്റു​ക​ളാ​ക്കി​യാ​ൽ 100 വൃ​ക്ക രോ​ഗി​ക​ൾ​ക്ക് ഡ​യാ​ലി​സി​സ് ന​ൽ​കാ​നാ​കും. സം​സ്ഥാ​ന സ​ർ​ക്കാ​ർ ആ​ർ​ദ്രം പ​ദ്ധ​തി​യി​ൽ ഉ​ൾ​പ്പെ​ടു​ത്തി 2019ലാ​ണ് താ​ലൂ​ക്ക് ആ​ശു​പ​ത്രി​യി​ൽ ഡ​യാ​ലി​സി​സ് യൂ​നി​റ്റ് ആ​രം​ഭി​ച്ച​ത്. ഡ​യാ​ലി​സീ​സ് യൂ​നി​റ്റി​ന്റെ പ​രി​ധി​യി​ൽ വ​രു​ന്ന ഇ​രി​ട്ടി ന​ഗ​ര​സ​ഭ​ക്കൊ​പ്പം മ​റ്റ് ത​ദ്ദേ​ശ സ്വ​യം ഭ​ര​ണ സ്ഥാ​പ​ന​ങ്ങ​ളും പ​ദ്ധ​തി വി​ഹി​ത​മാ​യി ഡ​യാ​ലി​സി​സ് രോ​ഗി​ക​ൾ​ക്ക് ഡ​യാ​ലി​സി​സി​നു​ള്ള പ​ണം അ​നു​വ​ദി​ച്ചാ​ൽ മാ​ത്ര​മെ ഇ​പ്പോ​ഴ​ത്തെ പ്ര​തി​സ​ന്ധി​യി​ൽ നി​ന്നും ക​ര​ക​യ​റാ​നാ​വൂ.