ചെ​റു​കു​ന്നി​ല്‍ ബി.​ജെ.​പി നേ​താ​വി​ന്റെ വീ​ടി​നു നേ​രെ ബോം​ബേ​റ്

ക​ണ്ണ​പു​രം: ചെ​റു​കു​ന്നി​ല്‍ ബി.​ജെ.​പി നേ​താ​വി​ന്റെ വീ​ടി​ന് നേ​രെ ബോം​ബേ​റ്. ബി.​ജെ.​പി ക​ല്യാ​ശ്ശേ​രി മ​ണ്ഡ​ലം ജ​ന. സെ​ക്ര​ട്ട​റി കെ. ​ബി​ജു​വി​ന്റെ വീ​ടി​ന് നേ​രെ​യാ​ണ് വ്യാ​ഴാ​ഴ്ച പു​ല​ര്‍ച്ച 2.30ഓ​ടെ ബോം​ബേ​റു​ണ്ടാ​യ​ത്. വീ​ടി​ന്റെ കോ​ൺ​ക്രീ​റ്റ് സ്ലാ​ബ് ത​ക​രു​ക​യും മു​ന്‍വ​ശ​ത്തെ ജ​ന​ല്‍പാ​ളി​ക​ള്‍ക്ക് കേ​ടു​പാ​ട് സം​ഭ​വി​ക്കു​ക​യും ചെ​യ്തു. വാ​തി​ലി​നും ചു​വ​രി​നും ഫ​ര്‍ണി​ച്ച​റിനും ത​ക​രാ​ർ ഉ​ണ്ടാ​യി​ട്ടു​ണ്ട്.

ബൈ​ക്കി​ലെ​ത്തി​യ സം​ഘ​മാ​ണ് ബോം​ബെ​റി​ഞ്ഞ​തെ​ന്നാ​ണ് സൂ​ച​ന. സം​ഭ​വം ന​ട​ക്കു​മ്പോ​ള്‍ ബി​ജു​വും പി​താ​വ് നാ​രാ​യ​ണ​നും മാതാവ് മോ​ഹി​നി​യു​മാ​ണ് വീ​ട്ടി​ലു​ണ്ടാ​യി​രു​ന്ന​ത്. മൂ​ന്ന് ബോം​ബു​ക​ളാ​ണ് എ​റി​ഞ്ഞ​ത്. മൂ​ന്നും പൊ​ട്ടി​യി​രു​ന്നു. സ്‌​ഫോ​ട​ന​ശ​ബ്ദം കേ​ട്ട് വീ​ട്ടു​കാ​ര്‍ ഉ​ണ​രു​മ്പോ​ഴേ​ക്കും ആക്ര​മി​ക​ള്‍ ര​ക്ഷ​പ്പെ​ട്ടി​രു​ന്നു. ബോം​ബി​ന്റെ അ​വ​ശി​ഷ്ട​ങ്ങ​ള്‍ വീ​ട്ടു​വ​രാ​ന്ത​യി​ല്‍ ചി​ത​റി​ക്കി​ട​പ്പു​ണ്ട്.

ക​ണ്ണ​പു​രം പൊ​ലീ​സ് സ്ഥ​ല​ത്തെ​ത്തി പ​രി​ശോ​ധ​ന ന​ട​ത്തി. ക​ണ്ണൂ​രി​ല്‍നി​ന്ന് ബോം​ബ് സ്‌​ക്വാ​ഡും ഫോ​റ​ന്‍സി​ക് വി​ഭാ​ഗ​വും സ്ഥ​ല​ത്തെ​ത്തി​യി​രു​ന്നു. പ്ര​ദേ​ശ​ത്തെ സി.​സി.​ടി.​വി കാ​മ​റ​ക​ൾ പൊ​ലീ​സ് പ​രി​ശോ​ധി​ച്ചു​വ​രു​ക​യാ​ണ്. സി.​പി.​എ​മ്മു​കാ​രാ​ണ് ബോം​ബേ​റി​ന് പി​ന്നി​ലെ​ന്ന് ബി.​ജെ.​പി ആ​രോ​പി​ച്ചു.

ബി.​ജെ.​പി ക​ണ്ണൂ​ര്‍ നോ​ര്‍ത്ത് ജി​ല്ല പ്ര​സി​ഡ​ന്റ് കെ.​കെ. വി​നോ​ദ്കു​മാ​ര്‍, സെ​ക്ര​ട്ട​റി അ​ര്‍ജു​ന്‍ മാ​വി​ലാ​ക്ക​ണ്ടി, മ​ണ്ഡ​ലം പ്ര​സി​ഡ​ന്റ് പ്ര​കാ​ശ​ന്‍ കീ​ച്ചേ​രി, മ​ണ്ഡ​ലം സെ​ക്ര​ട്ട​റി വി​നോ​ദ് അ​ണ്ണാ​മ​ലൈ, ജി​ല്ല ക​മ്മി​റ്റി​യം​ഗം റ​ജീ​ബ് ക​ല്യാ​ശ്ശേ​രി തു​ട​ങ്ങി​യ​വ​ര്‍ സ്ഥ​ല​ത്തെ​ത്തി. ബോം​ബേ​റി​ല്‍ പ്ര​തി​ഷേ​ധി​ച്ച് ക​ണ്ണ​പു​രം റെ​യി​ല്‍വേ സ്റ്റേ​ഷ​ന്‍ പ​രി​സ​ര​ത്തു​നി​ന്ന് ടൗ​ണി​ലേ​ക്ക് ബി.​ജെ.​പി പ്ര​ക​ട​നം ന​ട​ത്തി.

ക​ഴി​ഞ്ഞ ദി​വ​സം ചെ​റു​കു​ന്നി​ല്‍ ഫ്ല​ക്‌​സ്‌​ബോ​ര്‍ഡ് ന​ശി​പ്പി​ച്ച​തു​മാ​യി ബ​ന്ധ​പ്പെ​ട്ട് ബി.​ജെ.​പി-​സി.​പി.​എം പ്ര​വ​ര്‍ത്ത​ക​ര്‍ ത​മ്മി​ല്‍ ത​ര്‍ക്ക​ങ്ങ​ളും കൈ​യാ​ങ്ക​ളി​യും ന​ട​ന്നി​രു​ന്നു. ഇ​തി​ന്റെ തു​ട​ര്‍ച്ച​യാ​ണ് ബോം​ബേ​റെ​ന്നാ​ണ് സൂ​ച​ന.

ഭീ​ഷ​ണി പ്ര​സം​ഗ​വു​മാ​യി ബി.​ജെ.​പി നേ​താ​വ്

ബോം​ബേ​റി​ൽ പ്ര​തി​ഷേ​ധി​ച്ച് നോ​ർ​ത്ത് ജി​ല്ല ക​മ്മി​റ്റി നേ​തൃ​ത്വ​ത്തി​ൽ ക​ണ്ണ​പു​രം ടൗ​ണി​ൽ ന​ട​ത്തി​യ പ്ര​ക​ട​ന​ത്തി​ൽ ഭീ​ഷ​ണി പ്ര​സം​ഗ​വു​മാ​യി ബി.​ജെ.​പി നേ​താ​വ്. നോ​ർ​ത്ത് ജി​ല്ല സെ​ക്ര​ട്ട​റി അ​ർ​ജു​ൻ മാ​വി​ലാ​ക്ക​ണ്ടി​യാ​ണ് സി.​പി.​എം നേ​താ​ക്ക​ൾ​ക്കെ​തി​രെ ഭീ​ഷ​ണി പ്ര​സം​ഗം ന​ട​ത്തി​യ​ത്.

സി.​പി.​എം നേ​താ​ക്ക​ളു​ടെ വീ​ടു​ക​ൾ എ​വി​ടെ​യാ​ണെ​ന്ന് അ​റി​യാ​മെ​ന്നും ബ്രാ​ഞ്ച്, ലോ​ക്ക​ൽ, ഏ​രി​യ സെ​ക്ര​ട്ട​റി​മാ​രു​ടെ വീ​ടു​ക​ളി​ലേ​ക്ക് ബോം​ബ് എ​റി​യു​മെ​ന്നും ഭീ​ഷ​ണി മു​ഴ​ക്കി. നേ​താ​ക്ക​ളു​ടെ മ​ക്ക​ൾ പ​ഠി​ക്കു​ന്ന​ത് എ​വി​ടെ​യാ​ണെ​ന്ന് അ​റി​യാം. നേ​താ​ക്ക​ളു​ടെ ക​ണ്ണി​ൽ​നി​ന്ന​ല്ല നെ​ഞ്ചി​ൽ​നി​ന്ന് ക​ണ്ണീ​ർ വീ​ഴ്ത്താ​ൻ അ​റി​യാം.

പൊ​ലീ​സി​ന്റെ ജോ​ലി കൃ​ത്യ​മാ​യി ചെ​യ്തി​ല്ലെ​ങ്കി​ൽ നി​യ​മം കൈ​യി​ലെ​ടു​ത്ത് ന​ട​പ്പാ​ക്കാ​ൻ ബി.​ജെ.​പി​യു​ടെ കോ​ട​തി​യു​ണ്ടാ​​കു​മെ​ന്നും ഭീ​ഷ​ണി​പ്ര​സം​ഗ​ത്തി​ൽ അ​ർ​ജു​ൻ മാ​വി​ലാ​ക്ക​ണ്ടി പ​റ​ഞ്ഞു.