ഇരിട്ടി: ഇണയെ തേടിയലഞ്ഞ പെൺമയിലിനടുത്ത് ആൺമയിലിനെ എത്തിച്ച് വനംവകുപ്പ് അധികൃതർ. നാലുദിവസം മുമ്പാണ് ഇരിട്ടിക്കടുത്ത മുക്കട്ടിയിൽ പരിക്കേറ്റ നിലയിൽ ആൺമയിലിനെ നാട്ടുകാർ കാണുന്നത്. ഉടൻ വനംവകുപ്പ് ഉദ്യോഗസ്ഥരെ വിവരമറിയിക്കുകയും നാട്ടുകാരുടെ സഹായത്തോടെ മയിലിനെ പിടികൂടി ഇരിട്ടിയിലെ ആശുപത്രിയിൽ എത്തിക്കുകയുമായിരുന്നു. കാലിന് പരിക്കേറ്റ മയിലിനെ ഇരിട്ടി വനം ഓഫിസിലെത്തിച്ച് തുടർ പരിചരണങ്ങൾ നൽകുകയും ചെയ്തിരുന്നു. ഇതിനിടയിലാണ് ഇരിട്ടി ചാവറ മേഖലയിൽ ഇണയെ തേടി പെൺമയിൽ അലയുന്നത് നാട്ടുകാരുടെ ശ്രദ്ധയിൽപെട്ടത്. പ്രത്യേക ശബ്ദമുണ്ടാക്കി പലയിടത്തും സഞ്ചരിച്ച പെൺമയിലിന്റെ കരച്ചിൽ വനം വകുപ്പ് അധികൃതരുടെ ശ്രദ്ധയിൽപെടുകയും, ഇതേത്തുടർന്ന് പരിക്ക് ഭേദമായ ആൺമയിലിനെ ചാവറയിൽ പെൺമയിലിന്റെ അടുത്ത് എത്തിക്കുകയുമായിരുന്നു. ഇരിട്ടി ഫോറസ്റ്റ് ഓഫിസർ കെ. ജിജിലിന്റെ നേതൃത്വത്തിൽ ഉദ്യോഗസ്ഥർ ഓട്ടോറിക്ഷയിലാണ് ആൺമയിലിനെ ഇവിടെ എത്തിച്ചത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.