കിടപ്പുരോഗികൾക്കുള്ള വാക്സിനേഷൻ തുടങ്ങിപടം -giri o1 -കോർപറേഷൻെറ വീട്ടിലെത്തി വാക്സിൻ നൽകുന്ന പദ്ധതിയുടെ ഭാഗമായി കസാനകോട്ട ഡിവിഷനിലെ 90കാരി ഉമ്മു തമീമക്ക് വാക്സിൻ നൽകുന്നുഇന്ന് താണ ഡിവിഷനിൽ വാക്സിനേഷൻ നടത്തുംകണ്ണൂർ: കോർപറേഷൻ പരിധിയിലെ കിടപ്പുരോഗികൾക്കും പ്രായമായവർക്കും വീട്ടിലെത്തി വാക്സിനേഷൻ നൽകുന്നതിനുള്ള പദ്ധതി ആരംഭിച്ചു. കസനക്കോട്ട ഡിവിഷനിലെ തായത്തെരുവിലെ മാങ്കടവ് തറവാട്ടിലെ 90 വയസ്സുകാരി ഉമ്മു തമീമയുടെ വീട്ടിലെത്തി ആദ്യ വാക്സിൻ നൽകിയാണ് പദ്ധതിക്ക് തുടക്കംകുറിച്ചത്. മേയർ അഡ്വ. ടി.ഒ. മോഹനൻ, ഡെപ്യൂട്ടി മേയർ കെ. ശബീന, സ്ഥിരംസമിതി അധ്യക്ഷൻമാർ, ഹെൽത്ത് ഇൻസ്പെക്ടർ പത്മരാജൻ എന്നിവർ പങ്കെടുത്തു.കിടപ്പുരോഗികളുള്ള ഓരോ വീടും കേന്ദ്രീകരിച്ച് 10 പേർക്ക് വീതമാണ് വാക്സിൻ നൽകിയത്. കിടപ്പുരോഗികളും ഭിന്നശേഷിക്കാരും പ്രായമായവരും ഉൾപ്പെടെ 100 പേർക്ക് ആദ്യദിവസം വാക്സിൻ നൽകി.വാക്സിൻ എടുത്തവരെ നിരീക്ഷിക്കുന്നതിനും അത്യാവശ്യഘട്ടത്തിൽ വൈദ്യസഹായം നൽകുന്നതിനും ആംബുലൻസ് ഉൾപ്പെടെയുള്ള സജ്ജീകരണങ്ങളും ഡോക്ടർമാരുടെയും ആരോഗ്യപ്രവർത്തകരുടെയും സേവനവും കോർപറേഷൻ ഏർപ്പെടുത്തിയിരുന്നു. ക്ഷേമകാര്യ സ്ഥിരംസമിതി അധ്യക്ഷ ഷമീമ ടീച്ചറുടെ നേതൃത്വത്തിൽ സന്നദ്ധ പ്രവർത്തകർ വാക്സിനെടുക്കാൻ എത്തുന്നവർക്ക് എല്ലാ സൗകര്യവും ഏർപ്പെടുത്തിയിരുന്നു. വ്യാഴാഴ്ച താണ ഡിവിഷനിൽ വാക്സിനേഷൻ നടത്തും. കിടപ്പുരോഗികള്ക്കായി ജില്ല പഞ്ചായത്തിൻെറ നേതൃത്വത്തിലും നേരത്തെ കോവിഡ് വാക്സിനേഷൻ ആരംഭിച്ചിരുന്നു. ഇതിന് പിന്നാലെയാണ് കോർപറേഷനും പദ്ധതിയുമായി രംഗത്തെത്തിയത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.