കണ്ണൂർ: കോളജുകളിൽ പുതുതായി അനുവദിച്ച കോഴ്‌സുകളിലെ അശാസ്ത്രീയത ഒഴിവാക്കുക, കോഴ്‌സുകൾ അനുവദിക്കുമ്പോൾ ഗവ. കോളജുകളോടും അറബിക് കോളജുകളോടും ഉള്ള വിവേചനം അവസാനിപ്പിക്കുക, ഗെസ്റ്റ് അധ്യാപക നിരോധനം ഉടൻ പിൻവലിക്കുക തുടങ്ങിയ ആവശ്യങ്ങൾ ഉന്നയിച്ച് കോൺഫെഡറേഷൻ ഓഫ് കേരള കോളജ് ടീച്ചേഴ്സ് (സി.കെ.സി.ടി) ജില്ല കമ്മിറ്റിയുടെ ആഭിമുഖ്യത്തിൽ കലക്ടറേറ്റിന് മുന്നിൽ പ്രതിഷേധ ധർണ നടത്തി. മുസ്ലിം ലീഗ് സംസ്ഥാന ഉപാധ്യക്ഷൻ വി.കെ. അബ്ദുൽ ഖാദർ മൗലവി ഉദ്ഘാടനം ചെയ്തു. പ്രഫ. ജലീൽ ഒതായി മുഖ്യപ്രഭാഷണം നടത്തി. പ്രഫ. ഷബീറലി അധ്യക്ഷതവഹിച്ചു.പ്രഫ. മുഹമ്മദ് സാലിഹ് സ്വാഗതവും പ്രഫ. ഷഫീക് മമ്പറം നന്ദിയും പറഞ്ഞു. ഡോ. അബ്ദുസ്സലാം, പ്രഫ. മുഹമ്മദ് സലീം, സെനറ്റ് അംഗം ഷാനവാസ് തുടങ്ങിയവർ സംബന്ധിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.