കാറും ട്രാവലറും ബസും ഇടിച്ച് അപകടം

ന്യൂമാഹി: പരിമഠത്ത് കാറും ട്രാവലറും കെ.എസ്.ആർ.ടി.സി ബസും കൂട്ടിയിടിച്ചു. കണ്ണൂരിൽനിന്ന് മാഹി ഭാഗത്തേക്കു പോവുകയായിരുന്ന കാർ എതിരെ വരുകയായിരുന്ന ടെമ്പോ ട്രാവലറിൽ ഇടിക്കുകയായിരുന്നു. തുടർന്ന് നിയന്ത്രണംവിട്ട കാർ കോഴിക്കോടുനിന്ന് കണ്ണൂരിലേക്കു പോവുകയായിരുന്ന കെ.എസ്.ആർ.ടി.സി ബസിനും ഇടിച്ചു. ഞായറാഴ്ച രാവിലെ 11.15ഓടെയാണ് സംഭവം. കാറിലുണ്ടായിരുന്ന രണ്ടുപേർക്ക് നിസ്സാര പരിക്കേറ്റു. മുൻഭാഗം ഇടിയുടെ ആഘാതത്തിൽ തകർന്നു. ട്രാവലറിന്റെ പിൻവശത്തെ ടയറുകൾക്ക് കേടുപറ്റി. പാലക്കാട്ടുനിന്ന് പയ്യന്നൂരിലേക്കു പോവുകയായിരുന്ന ട്രാവലറിൽ ഡ്രൈവർ മാത്രമാണുണ്ടായിരുന്നത്. അപകടത്തെ തുടർന്ന് ഒരു മണിക്കൂറോളം ദേശീയപാതയിൽ വാഹനഗതാഗതം തടസ്സപ്പെട്ടു. Caption പരിമഠത്ത് ഞായറാഴ്ച അപകടത്തിൽപെട്ട വാഹനങ്ങൾ