പയ്യന്നൂർ: കുഞ്ഞിമംഗലം ഗ്രാമപഞ്ചായത്ത് പരിധിയിൽ സമ്പൂർണ മാനസികാരോഗ്യ പരിപാടി നടപ്പാക്കുന്നതിന്റെ ഭാഗമായി ജനപ്രതിനിധികൾ, ആരോഗ്യ പ്രവർത്തകർ, ആശ വർക്കർമാർ എന്നിവർക്ക് പരിശീലനം നൽകി. ആശ വർക്കർമാരുടെ സേവനം ഉപയോഗിച്ച് മാനസിക പ്രശ്നങ്ങളും വൈകല്യവുമുള്ളവരെ കണ്ടെത്തി ചികിത്സയും മറ്റു സേവനങ്ങളും ലഭ്യമാക്കുക, ചികിത്സ മുടക്കിയവരെ കണ്ടെത്തി തുടർചികിത്സ ഉറപ്പാക്കുക, ജനങ്ങൾക്കിടയിൽ മാനസികാരോഗ്യ അവബോധം നൽകുക, കുടുംബാരോഗ്യ കേന്ദ്രത്തിൽ മാനസികാരോഗ്യ മെഡിക്കൽ ക്യാമ്പ് സംഘടിപ്പിക്കുക എന്നിവയാണ് പഞ്ചായത്ത് പരിധിയിൽ നടപ്പാക്കുക. പഞ്ചായത്ത് പ്രസിഡന്റ് എ. പ്രാർഥന ഉദ്ഘാടനം ചെയ്തു. ആരോഗ്യ സ്ഥിരം സമിതി അധ്യക്ഷ കെ. ശോഭ അധ്യക്ഷത വഹിച്ചു. റിൻസി മരിയ, കെ.വി. നിഖിത വിനോദ്, ജി. അഖില, കെ.വി. ഗിരീഷ്, എ.വി. സന്തോഷ് കുമാർ എന്നിവർ ക്ലാസെ ടുത്തു. എം. ബിന്ദു സ്വാഗതവും സി.പി.കെ. ജയന്തി നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.