ഇരിട്ടി: ജൂൺ 21 അന്താരാഷ്ട്ര യോഗ ദിനത്തിനു മുന്നോടിയായി കേന്ദ്ര വാർത്ത വിതരണ പ്രക്ഷേപണ മന്ത്രാലയത്തിന്റെ നേതൃത്വത്തിൽ യോഗോത്സവ് പ്രചാരണ പരിപാടിക്ക് തുടക്കമായി. കണ്ണൂരിലെ ഫീൽഡ് ഔട്ട് റീച് ബ്യൂറോ ഇരിട്ടി ബ്ലോക്ക് ഐ.സി.ഡി.എസുമായി ചേർന്ന് പെരുമ്പറമ്പ് യു.പി സ്കൂളിൽ നടത്തിയ യോഗോത്സവ് പരിപാടി ബ്ലോക്ക് പഞ്ചായത്ത് പ്രസിഡൻറ് കെ. വേലായുധൻ ഉദ്ഘാടനം ചെയ്തു. ശാരീരിക, ബൗദ്ധിക, മാനസികാരോഗ്യമുള്ള സമൂഹ നിർമിതിക്ക് യോഗ വലിയതോതിൽ സഹായിക്കുമെന്ന് അദ്ദേഹം പറഞ്ഞു. കണ്ണൂർ ആയുഷ് ഗ്രാമം യോഗ ഇൻസ്ട്രക്ടർ ഷീല ജനാർദനൻ യോഗ സംബന്ധിച്ച് പ്രഭാഷണവും യോഗ പ്രദർശനവും നടത്തി. ഇരിട്ടി ബ്ലോക്ക് വനിത ശിശുവികസന പദ്ധതി ഓഫിസർ ബിജി തങ്കപ്പൻ അധ്യക്ഷത വഹിച്ചു. ജില്ല ഫീൽഡ് പബ്ലിസിറ്റി ഓഫിസർ ബിജു കെ. മാത്യു, സ്കൂൾ പ്രധാനാധ്യാപകൻ കൃഷ്ണക്കുറുപ്പ്, ഫീൽഡ് പബ്ലിസിറ്റി അസിസ്റ്റൻറ് കെ.എസ് ബാബുരാജൻ, ഐ.സി.ഡി.എസ് സൂപ്പർ വൈസർ കെ. ഗീതഎന്നിവർ സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.