തലശ്ശേരി: ഗവ. ബ്രണ്ണൻ ഹയർസെക്കൻഡറി സ്കൂളിൽ കുട്ടികളുടെ പ്രവേശനത്തിന് രക്ഷിതാക്കളിൽനിന്ന് പണം പിരിക്കുന്നതിനെതിരെ പരാതി. എം.എസ്.എഫ് മണ്ഡലം കമ്മിറ്റിയാണ് ഡി.ഇ.ഒവിന് പരാതി നൽകിയത്. കേരള സർക്കാർ പൊതുവിദ്യാഭ്യാസ വകുപ്പ് ഇറക്കിയ സ്കൂൾ മാന്വലിൽ ഒന്നാം ക്ലാസ് മുതൽ എട്ടാം ക്ലാസ് വരെയുള്ള പ്രവേശനത്തിന് വിദ്യാർഥികളിൽനിന്ന് പണം പിരിക്കരുതെന്ന് നിഷ്കർഷിച്ചിട്ടുണ്ട്. അഞ്ചാം ക്ലാസിലേക്ക് അഡ്മിഷൻ നേടുന്നതിന് സ്കൂളിലേക്ക് എത്തുന്ന വിദ്യാർഥികളുടെ മാതാപിതാക്കളിൽനിന്ന് 10,000 രൂപ മുതൽ 15,000 രൂപ വരെ പി.ടി.എ ഫണ്ട് എന്ന പേരിൽ അനധികൃതമായി പണം ഈടാക്കുന്നതിന് എതിരെയാണ് പരാതി നൽകിയത്. ഡി.ഇ.ഒ ഓഫിസ് സൂപ്രണ്ട് കെ.കെ. സനിൽ കുമാർ എം.എസ്.എഫ് ഭാരവാഹികളിൽ നിന്ന് പരാതി സ്വീകരിച്ചു. എം.എസ്.എഫ് ജില്ല സെക്രട്ടറി ഷഹബാസ് കായ്യത്ത്, മണ്ഡലം പ്രസിഡന്റ് മുഹമ്മദ് സാഹിദ്, മുനിസിപ്പൽ പ്രസിഡൻറ് മാസിൻ, ട്രഷറർ സഹൽ എന്നിവരാണ് നിവേദക സംഘത്തിലുണ്ടായത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.