ചീറി പാഞ്ഞ് ബസുകൾ; ജീവനും കൈയിൽ പിടിച്ച് ജനങ്ങൾ; നടപടിയെടുക്കാതെ അധികൃതർ

തൊ​ടു​പു​ഴ: ​തൊ​ടു​പു​ഴ ന​ഗ​ര​ത്തി​ലൂ​ടെ ചീ​റി​പ്പാ​ഞ്ഞ്​ വ​രു​ന്ന ബ​സു​ക​ളെ പേ​ടി​ച്ച്​ യാ​ത്ര​ക്കാ​ർ​ക്കും ചെ​റു​​വാ​ഹ​ന​ങ്ങ​ൾ​ക്കും റോഡി​ലി​റ​ങ്ങാ​ൻ ക​ഴി​യാ​ത്ത സ്ഥി​തി​യാ​ണ്. തി​ര​ക്കേ​റി​യ ന​​ഗ​ര​വീ​ഥി​ക​ളി​ലൂ​ടെ ഇ​ത​ര വാ​ഹ​ന യാ​ത്ര​ക്കാ​രെ ഭ​യ​പ്പെ​ടു​ത്തു​ന്ന രീ​തി​യി​ൽ ഹോ​ൺ മു​ഴ​ക്കു​ക, ഹെ​ഡ് ലൈ​റ്റു​ക​ൾ തെ​ളി​യി​ക്കു​ക, തു​ട​ങ്ങി​യ​വ ഏ​താ​നും സ്വ​കാ​ര്യ ബ​സ് ഡ്രൈ​വ​ർ​മാ​രു​ടെ സ്ഥി​രം ക​ലാ​പ​രി​പാ​ടി​യാ​യി മാ​റു​ക​യാ​ണ്. പി​ന്നി​ൽ നി​ന്നു​മു​ള്ള ബ​ഹ​ള​വും ലൈ​റ്റും മൂ​ലം ചി​ല ചെ​റു വാ​ഹ​ന ഡ്രൈ​വ​ർ​മാ​ർ ആ​ശ​ങ്ക​യി​ലാ​വു​ക​യും അ​പ​ക​ടം ഉ​ണ്ടാ​വു​ക​യും ചെ​യ്യു​ന്നു​ണ്ട്.

ക​ട​ന്ന് പോ​കു​വാ​ൻ സ്ഥ​ലം ഇ​ല്ലെ​ങ്കി​ലും ചി​ല സ്വ​കാ​ര്യ ബ​സ് ഡ്രൈ​വ​ർ​മാ​ർ നി​യ​മം കാ​റ്റി​ൽ​പ​റ​ത്തി മ​റി​ക​ട​ക്കാ​ൻ ശ്ര​മി​ക്കു​ക​യും അ​പ​ക​ടം ഉ​ണ്ടാ​വു​ക​യും ചെ​യ്യു​ന്നു. ശ​നി​യാ​ഴ്ച ഉ​ച്ച​യോ​ടെ തൊ​ടു​പു​ഴ കാ​ഞ്ഞി​ര​മ​റ്റം ബൈ​പ്പാ​സ് ജം​​ഗ്ഷ​നി​ൽ ട്രാ​ഫി​ക് റൗ​ണ്ടി​ൽ കാ​റി​ന് പി​ന്നി​ൽ സ്വ​കാ​ര്യ ബ​സ് ഇ​ടി​ച്ചു. റൗ​ണ്ടി​ന് സ​മീ​പ​മു​ള്ള ഡി​വൈ​ഡ​ർ ശ്ര​ദ്ധി​ക്കാ​തെ ബ​സ് മു​ന്നോ​ട്ട് എ​ടു​ത്ത​താ​ണ് അ​പ​ക​ട കാ​ര​ണം. കാ​റി​ന്റെ ഒ​രു വ​ശ​ത്ത് ത​ക​രാ​ർ സം​ഭ​വി​ച്ചു. എ​ന്നാ​ൽ, കു​റ്റം കാ​ർ ഡ്രൈ​വ​റു​ടെ മേ​ൽ ആ​രോ​പി​ച്ച് സം​ഘ​ടി​ത​രാ​യ സ്വ​കാ​ര്യ ബ​സ് ജീ​വ​ന​ക്കാ​ർ കാ​ർ ഡ്രൈ​വ​റെ ഭീ​ഷ​ണി​പ്പെ​ടു​ത്തി​യെ​ന്നും ആ​ക്ഷേ​പ​മു​ണ്ട്. അ​പ​ക​ടം സം​ഭ​വി​ച്ചി​ട്ടും പൊ​ലീ​സി​ൽ അ​റി​യി​ക്കാ​തെ സ്വ​കാ​ര്യ ബ​സ് അ​വി​ടെ നി​ന്നും മാ​റ്റു​ക​യും ചെ​യ്തു.

നി​യ​മ​പാ​ല​കർ​ക്ക്​ ‘നോ ​ടൈം’

ഇ​ത്ത​രം സം​ഭ​വ​ങ്ങ​ളി​ൽ പൊ​ലീ​സ്​ സം​വി​ധാ​നം വേ​ണ്ട ന​ട​പ​ടി എ​ടു​ക്കാ​ത്ത​താ​ണ് വീ​ണ്ടും നി​യ​മം ലം​ഘി​ക്കു​വാ​ൻ ചി​ല സ്വ​കാ​ര്യ ബ​സ് ഡ്രൈ​വ​ർ​മാ​ർ ധൈ​ര്യ​പ്പെ​ടു​ന്ന​ത്. ട്രാ​ഫി​ക് റൗ​ണ്ടി​ൽ പാ​ലി​ക്കേ​ണ്ട മ​ര്യാ​ദ​ക​ൾ ഇ​വ​രി​ൽ പ​ല​രും പാ​ലി​ക്കാ​റി​ല്ല. ട്രാ​ഫി​ക് റൗ​ണ്ടി​ന് സ​മീ​പം ഇ​ട​ത് വ​ശ​ത്ത് കൂ​ടി സ്വ​കാ​ര്യ ബ​സു​ക​ൾ ഇ​ത​ര വാ​ഹ​ന​ങ്ങ​ളെ മ​റി​ക​ട​ക്കു​ന്ന​ത് പ​തി​വ് കാ​ഴ്ച​യാ​ണ്. തൊ​ടു​പു​ഴ ന​​ഗ​ര​ത്തി​ലെ അ​മി​ത വേ​​ഗ​ത​യും അ​ശ്ര​ദ്ധ​മാ​യ ഡ്രൈ​വി​​ങ്ങും നി​യ​ന്ത്രി​ക്കു​വാ​ൻ പൊ​ലീ​സ്​ - മോ​ട്ടോ​ർ വാ​ഹ​ന വ​കു​പ്പ് അ​ധി​കൃ​ത​ർ ത​യ്യാ​റാ​ക​ണ​മെ​ന്ന് ജ​നം ആ​വ​ശ്യ​പ്പെ​ടു​ന്നു.

പ​ല​പ്പോ​ഴും വെ​ങ്ങ​ല്ലൂ​ർ സി​ഗ്​​ന​ലി​ൽ റോ​ഡി​ലെ മി​ഡി​ൽ വെ​ള്ള​വ​ര ക്രോ​സ്​ ചെ​യ്​​താ​ണ്​ ബ​സു​ക​ൾ നി​ർ​ത്തി​യി​ടു​ന്ന​ത്. ഇ​ത്​ എ​തി​ർ​വ​ശ​ത്ത്​ സി​ഗ്​​ന​ൽ ക്ലി​യ​ർ കി​ട്ടി വ​രു​ന്ന വാ​ഹ​ന​ങ്ങ​ൾ​ക്ക്​ പ്ര​യാ​സം സൃ​ഷ്ടി​ക്കു​ന്നു​ണ്ട്. ചെ​റി​യ റോ​ഡു​ക​ളി​ൽ ലൈ​റ്റി​ട്ട്​ അ​മി​ത വേ​ഗ​ത​യി​ൽ ഫ്​​ളാ​ഷ്​ മി​ന്നി​ച്ച്​ ഭ​യ​​പ്പെ​ടു​ത്തി​യു​ള്ള ഓ​വ​ർ​ടേ​ക്കി​ങ്ങും പ​തി​വാ​ണ്. കെ.​എ​സ്.​ആ​ർ.​ടി.​സി ആ​ക​ട്ടെ സ്വ​കാ​ര്യ ബ​സു​ക​ളാ​ക​ട്ടെ സി​ഗ്​​ന​ലി​ട്ട് വാ​ഹ​നം തി​രി​ക്കാ​നൊ​ന്നും മി​ന​ക്കെ​ടാ​റു​മി​ല്ല.