ഉപ്പുകുന്നിൽ പട്ടയ നടപടികൾ വൈകുന്നു; പ്രതീക്ഷ നഷ്ടപ്പെട്ട്​ കർഷകർ

ഉ​പ്പു​കു​ന്ന്: പ​തി​റ്റാ​ണ്ടു​ക​ളാ​യി കൈ​വ​ശം വെ​ച്ച്​ കൃ​ഷി ചെ​യ്യു​ന്ന കൃ​ഷി​യി​ടം ഇ​ന്നും സ്വ​ന്ത​മെ​ന്ന്​ കാ​ണി​ക്കാ​ന്‍ വേ​ണ്ട പ​ട്ട​യം ല​ഭി​ക്കാ​തെ ഉ​പ്പു​കു​ന്ന്​ നി​വാ​സി​ക​ൾ. പ​ട്ട​യ​മി​ല്ലാ​ത്ത​തി​നാ​ല്‍ ഇ​വ​ര്‍ എ​ല്ലാ സ​ര്‍ക്കാ​ര്‍ ആ​നു​കൂ​ല്യ​ങ്ങ​ള്‍ക്കും പു​റ​ത്താ​ണ്.

അ​ഞ്ഞൂ​റി​ല്‍പ​രം കു​ടും​ബ​ങ്ങ​ളാ​ണ് ഉ​പ്പു​കു​ന്നി​ലു​ള്ള​ത്. ഇ​വ​രി​ൽ 50 കു​ടും​ബ​ങ്ങ​ള്‍ക്കു​മാ​ത്ര​മാ​ണ് ഇ​തു​വ​രെ പ​ട്ട​യം കി​ട്ടി​യി​ട്ടു​ള്ള​ത്. ഇ​വ​രി​ൽ പ​ല​രു​ടെ​യും സ്ഥ​ല​ത്തി​ന്‍റെ ഫെ​യ​ർ വാ​ല്യൂ നി​ശ്ച​യി​ച്ചി​ട്ടു​മി​ല്ല. ക​ർ​ഷ​ക​രും ആ​ദി​വാ​സി​ക​ളും ഉ​ള്‍പ്പെ​ടെ കു​ടും​ബ​ങ്ങ​ള്‍ ഉ​പ്പു​കു​ന്നി​ൽ​ലു​ണ്ട്. ഇ​വ​രു​ടെ സ്ഥ​ല​ത്തി​ന് പ​ട്ട​യം കി​ട്ടാ​നു​ള്ള സ​ര്‍വേ ന​ട​പ​ടി​ക​ളാ​ണ് അ​ന​ന്ത​മാ​യി വൈ​കു​ന്ന​ത്. സ​ർ​വേ ഉ​ദ്യോ​ഗ​സ്ഥ​ര്‍ വ​ല്ല​പ്പോ​ഴും എ​ത്തി കു​റ​ച്ച്​ സ്ഥ​ലം അ​ള​ക്കും. പി​ന്നീ​ട്​ കു​റ​ച്ച്​ നാ​ൾ ഇ​വ​രെ കാ​ണാ​നേ​യു​ണ്ടാ​കി​ല്ല. ഓ​ഫി​സി​ൽ അ​ന്വേ​ഷി​ച്ചാ​ൽ തി​ര​ക്കാ​ണ്, ജീ​വ​ന​ക്കാ​രി​ല്ല എ​ന്നൊ​ക്കെ​യാ​കും മ​റു​പ​ടി.

ഓ​രോ കു​ടും​ബ​ത്തി​ന്‍റെ​യും സ്ഥ​ലം അ​ള​ന്ന് സ്കെ​ച്ചും പ്ലാ​നും ത​യാ​റാ​ക്കി സ​ർ​വേ വി​ഭാ​ഗം റ​വ​ന്യു പ​ട്ട​യ വി​ത​ര​ണ​വി​ഭാ​ഗ​ത്തി​ന് കൈ​മാ​റി ന​ട​പ​ടി​ക്ര​മ​ങ്ങ​ൾ പൂ​ർ​ത്തി​യാ​ക്കാ​ൻ വ​ർ​ഷ​ങ്ങ​ളാ​ണ് എ​ടു​ക്കു​ന്ന​ത്. ക​ഴി​ഞ്ഞ ദി​വ​സം ഉ​പ്പു​കു​ന്നി​ൽ സ​ർ​വേ ഉ​ദ്യോ​ഗ​സ്ഥ​ര്‍ എ​ത്തി​യെ​ങ്കി​ലും ജോ​ലി തു​ട​ങ്ങാ​തെ തി​രി​കെ​പ്പോ​യി. ഇ​തി​ന് പി​ന്നി​ൽ ചി​ല രാ​ഷ്ട്രീ​യ ഇ​ട​പെ​ട​ലും ത​ർ​ക്ക​ങ്ങ​ളും ആ​ണെ​ന്ന് ക​ർ​ഷ​ക​ർ ആ​രോ​പി​ക്കു​ന്നു.

സ​ർ​വേ ന​ട​പ​ടി​ക​ൾ വേ​ഗ​ത്തി​ൽ പൂ​ർ​ത്തി​യാ​ക്കി പ​ട്ട​യം ന​ൽ​കാ​ൻ ന​ട​പ​ടി വേ​ണ​മെ​ന്ന് ക​ർ​ഷ​ക കു​ടും​ബ​ങ്ങ​ൾ ആ​വ​ശ്യ​പ്പെ​ടു​ന്നു. ക​ഴി​ഞ്ഞ ദി​വ​സം ഉ​പ്പു​കു​ന്നി​ൽ സ​ർ​വേ ജോ​ലി​ക​ൾ​ക്ക് എ​ത്തി​യെ​ങ്കി​ലും ചി​ല പ​രാ​തി​ക​ളും ആ​ക്ഷേ​പ​ങ്ങ​ളും ഉ​ണ്ടാ​യ​തി​നാ​ൽ തു​ട​രാ​ൻ ക​ഴി​ഞ്ഞി​ല്ലെ​ന്നും പ​രാ​തി​ക​ൾ പ​രി​ഹ​രി​ച്ച് സ​ർ​വേ വൈ​കാ​തെ തു​ട​ങ്ങു​മെ​ന്നും ക​രി​മ​ണ്ണൂ​ർ ലാ​ൻ​ഡ്‌ അ​സൈ​ൻ​മെ​ന്‍റ്​ ഡെ​പ്യൂ​ട്ടി താ​ഹ​സി​ൽ​ദാ​ർ ബി​നു പ​റ​ഞ്ഞു.