അത്ര സുന്ദരമല്ല ഈ കാഴ്ചകൾ

വർഷംതോറും ആയിരക്കണക്കിന് സഞ്ചാരികൾ ഇടുക്കിയിലെ വിനോദസഞ്ചാര കേന്ദ്രങ്ങളിൽ എത്തുന്നു. ഇതുവഴി ഖജനാവിലെത്തുന്നത് ലക്ഷങ്ങളുടെ വരുമാനം. പക്ഷേ, ജില്ലയിലെ പല വിനോദസഞ്ചാര കേന്ദ്രങ്ങളിലും മതിയായ അടിസ്ഥാന സൗകര്യമോ പഴുതടച്ച സുരക്ഷാ സംവിധാനമോ ഇല്ല. വിനോദസഞ്ചാര കേന്ദ്രങ്ങളിൽ സന്ദർശകർ അപകടത്തിൽപെടുന്ന സംഭവങ്ങൾ അടിക്കടി ആവർത്തിക്കുന്നു. വരുമാന കേന്ദ്രങ്ങളായി മാത്രം കാണാതെ ഇവിടങ്ങളിൽ സുരക്ഷയും മറ്റ് സൗകര്യങ്ങളുമൊരുക്കാൻ എന്നാണ് ഇനി അധികൃതർ മനസ്സുവെക്കുക? ജില്ലയിലെ വിനോദസഞ്ചാര കേന്ദ്രങ്ങളുടെ പരാധീനതകളിലേക്ക് ‘മാധ്യമം’ നടത്തുന്ന അന്വേഷണം.

ഫ​ണ്ട്​ വ​ന്നി​ട്ടും തൊ​മ്മ​ൻ​കു​ത്തി​ന്​ ദു​ർ​ഗ​തി​ത​ന്നെ

ജി​ല്ല​യു​ടെ വി​നോ​ദ സ​ഞ്ചാ​ര ഭൂ​പ​ട​ത്തി​ൽ ഒ​ഴി​വാ​ക്കാ​ൻ ക​ഴി​യാ​ത്ത ഒ​രി​ട​മാ​ണ്​ തൊ​മ്മ​ൻ​കു​ത്ത്. ആ​രേ​യും മോ​ഹി​പ്പി​ക്കു​ന്ന വെ​ള്ള​ച്ചാ​ട്ട​ത്തി​ന്‍റെ വ​ശ്യ​മ​നോ​ഹാ​രി​ത​യും സ്വാ​ഭാ​വി​ക പ്ര​കൃ​തി​ഭം​ഗി​യും പ്ര​ദേ​ശ​ത്തെ ഏ​റെ പ്ര​ശ​സ്ത​മാ​ക്കി​യെ​ങ്കി​ലും ഇ​വി​ടെ​യെ​ത്തു​ന്ന സ​ഞ്ചാ​രി​ക​ൾ​ക്ക്​ പ​ല​ർ​ക്കും നി​രാ​ശ​യാ​ണ്. അ​ടി​സ്ഥാ​ന സൗ​ക​ര്യ​ങ്ങ​ളു​ടെ പ​രി​മി​തി​യാ​ണ്​ കാ​ര​ണം.

സം​സ്ഥാ​ന ത​ല​ത്തി​ൽ ടൂ​റി​സം വ​കു​പ്പി​ന്റെ പ്ര​ധാ​ന പ്ര​കൃ​തി സൗ​ഹൃ​ദ വി​നോ​ദ​സ​ഞ്ചാ​ര കേ​ന്ദ്ര​മാ​ണി​ത്. നൂ​റു​ക​ണ​ക്കി​ന് സ​ഞ്ചാ​രി​ക​ളാ​ണ് ഇ​വി​ടേ​ക്ക് എ​ത്തു​ന്ന​ത്. മ​ല​ങ്ക​ര ടൂ​റി​സം ഹ​ബ്, വാ​ഗ​മ​ൺ, ഇ​ല​വീ​ഴാ​പൂ​ഞ്ചി​റ, ഇ​ല്ലി​ക്ക​ൽ​ക​ല്ല്, മൂ​ന്നാ​ർ, മാ​ട്ടു​പെ​ട്ടി എ​ന്നി​ങ്ങ​നെ​യു​ള്ള സ്ഥ​ല​ങ്ങ​ളി​ലേ​ക്ക് എ​ത്തു​ന്ന സ​ഞ്ചാ​രി​ക​ൾ തൊ​മ്മ​ൻ​കു​ത്തും സ​ന്ദ​ർ​ശി​ക്കു​ക പ​തി​വാ​ണ്. ടൂ​റി​സ്റ്റ് കേ​ന്ദ്രം ന​വീ​ക​രി​ക്കാ​ൻ ഫ​ണ്ട് അ​നു​വ​ദി​ച്ചി​ട്ടും പ​ണി ഇ​ഴ​യു​ക​യാ​ണെ​ന്നാ​ണ്​ ആ​ക്ഷേ​പം.

ന​വീ​ക​ര​ണ​ത്തി​ന്​ 65 ല​ക്ഷം അ​നു​വ​ദി​ച്ചി​ട്ടു​ണ്ട്. ടൂ​റി​സ്റ്റ് കേ​ന്ദ്ര​ത്തി​ലെ ടി​ക്ക​റ്റ് ക​വാ​ട​ത്തി​നു സ​മീ​പ​മു​ണ്ടാ​യി​രു​ന്ന സ്ത്രീ​ക​ളു​ടെ ശു​ചി​മു​റി പൊ​ളി​ച്ചി​രു​ന്നു. ഉ​ട​ൻ മ​റ്റൊ​ന്നു നി​ർ​മി​ക്കു​മെ​ന്ന് അ​ധി​കൃ​ത​ർ പ​റ​ഞ്ഞി​ട്ടും ജോ​ലി​ക​ൾ ഇ​ഴ​യു​ക​യാ​ണ്. എ​ഴു​നി​ല​കു​ത്തി​ന്റെ മു​ക​ളി​ലാ​യി വ്യൂ​പോ​യ​ന്റി​ന്റെ പ​ണി​യും ഉ​ട​ൻ ആ​രം​ഭി​ക്കു​മെ​ന്ന് പ​റ​ഞ്ഞെ​ങ്കി​ലും ഒ​ന്നും ന​ട​ക്കു​ന്നി​ല്ല. ഇ​ക്കാ​ര​ണ​ങ്ങ​ളാ​ൽ​ത​ന്നെ അ​ടു​ത്ത​കാ​ല​ത്താ​യി സ​ഞ്ചാ​രി​ക​ളു​ടെ വ​ര​വും കു​റ​ഞ്ഞി​ട്ടു​ണ്ട്.

അ​തേ​സ​മ​യം, ടൂ​റി​സ്റ്റ് കേ​ന്ദ്ര​ത്തി​ൽ ഒ​ന്നാം ഘ​ട്ട നി​ർ​മാ​ണ​ത്തി​ന്റെ ഭാ​ഗ​മാ​യി അ​പ​ക​ട മേ​ഖ​ല​യു​ള്ള സ്ഥ​ല​ങ്ങ​ളി​ൽ സം​ര​ക്ഷ​ണ വേ​ലി പൈ​പ്പു​ക​ൾ സ്ഥാ​പി​ച്ച​താ​യി അ​ധി​കൃ​ത​ർ പ​റ​ഞ്ഞു. ക​വാ​ട നി​ർ​മാ​ണം അ​വ​സാ​ന ഘ​ട്ട​ത്തി​ലാ​ണ്. ര​ണ്ടാം​ഘ​ട്ട നി​ർ​മാ​ണ​പ്ര​വ​ർ​ത്ത​ന​ത്തി​ന്റെ ക​രാ​ർ ഒ​പ്പി​ട്ടി​ട്ടു​ണ്ട്.

വ​ഴി​ക​ളി​ൽ ടൈ​ൽ പാ​ക​ൽ, ക​ല്ലു​കൊ​ണ്ടു​ള്ള ബെ​ഞ്ച്, ഇ​ക്കോ ഷോ​പ് നി​ർ​മാ​ണം, മ​ഴ​ക്കാ​ല​ത്ത് ത​ക​ർ​ന്ന ചെ​റു​പാ​ല​ത്തി​ന്റെ പു​ന​ർ​നി​ർ​മാ​ണം, ടി​ക്ക​റ്റ് കൗ​ണ്ട​റി​ന്‍റെ​യും ഇ​ന്റ​ർ​പ്ര​ഷ​ൻ സെ​ന്റ​റി​ന്റെ​യും ഏ​റു മാ​ട​ത്തി​ന്റെ​യും നി​ർ​മാ​ണം, അ​പ​ക​ട സൂ​ച​ന ഡി​സ്​​പ്ലേ ബോ​ർ​ഡു​ക​ൾ സ്ഥാ​പി​ക്ക​ൽ എ​ന്നി​വ​യാ​ണ് ര​ണ്ടാം​ഘ​ട്ടം. പ​ണി അ​ടി​യ​ന്ത​ര​മാ​യി പൂ​ർ​ത്തീ​ക​രി​ക്കാ​ൻ ന​ട​പ​ടി സ്വീ​ക​രി​ക്കു​മെ​ന്നും വ​നം വ​കു​പ്പ്​ അ​ധി​കൃ​ത​ർ പ​റ​ഞ്ഞു.

വ​ണ്ണ​പ്പു​റ​ത്ത്​ കാ​ണാ​നേ​റെ,പ​ക്ഷേ...

ഓ​രോ പ​ഞ്ചാ​യ​ത്തി​ലും ടൂ​റി​സ്റ്റ്​ കേ​ന്ദ്രം എ​ന്ന ല​ക്ഷ്യ​ത്തി​ലൂ​ന്നി​യു​ള്ള പ​ദ്ധ​തി​ക​ളു​മാ​യി മു​ന്നോ​ട്ട്​ പോ​കു​​മ്പോ​ൾ വ​ണ്ണ​പ്പു​റം പ​ഞ്ചാ​യ​ത്തി​ൽ വി​നോ​ദ​സ​ഞ്ചാ​രി​ക​ളു​ടെ പ്രി​യ​പ്ര​ദേ​ശ​ങ്ങ​ൾ അ​വ​ഗ​ണി​ക്ക​പ്പെ​ടു​ക​യാ​ണ്. പ​ഞ്ചാ​യ​ത്തി​ന്റെ സ​മ​ഗ്ര വി​ക​സ​ന​ത്തി​നും നി​ര​വ​ധി പേ​ർ​ക്ക് തൊ​ഴി​ൽ കി​ട്ടു​ന്ന​തി​നും സ​ഹാ​യ​ക​ര​മാ​കു​ന്ന ഏ​ഴ്​ പ്ര​ധാ​ന വി​നോ​ദ​സ​ഞ്ചാ​ര കേ​ന്ദ്ര​ങ്ങ​ളാ​ണ് പ​ഞ്ചാ​യ​ത്തി​ൽ ഉ​ള്ള​ത്. ഇ​വ​യൊ​ക്കെ വി​ക​സി​പ്പി​ച്ച് സു​ര​ക്ഷ ഒ​രു​ക്കി പ്ര​വേ​ശ​ന ഫീ​സ് ഏ​ർ​പ്പെ​ടു​ത്തി​യാ​ൽ പ്ര​ദേ​ശ​ത്തി​ന്‍റെ വി​ക​സ​ന​ത്തി​ന്​ ത​ന്നെ മു​ത​ൽ​ക്കൂ​ട്ടാ​കു​​മെ​ങ്കി​ലും വ​കു​പ്പു​ക​ളു​ടെ ക​ടും​പി​ടി​ത്തം പി​ന്നോ​ട്ട​ടി​ക്കു​ന്നു.

ആ​ന​ചാ​ടി​ക്കു​ത്ത്, കോ​ട്ട​പ്പാ​റ, മീ​നു​ളി​യാ​ൻ പാ​റ, പ​ണ്ടാ​ര​ക്കു​ത്ത്, ക​ള​ചാ​ടി​ക്കു​ത്ത്, നാ​ക്ക​യം, കാ​റ്റാ​ടി​ക്ക​ട​വ്, ഏ​ഴു​നി​ല​കു​ത്ത് ഇ​വ​യൊ​ക്കെ വ​ണ്ണ​പ്പു​റം പ​ഞ്ചാ​യ​ത്തി​ലെ മ​നോ​ഹ​ര വി​നോ​ദ​സ​ഞ്ചാ​ര കേ​ന്ദ്ര​ങ്ങ​ളാ​ണ്. എ​ന്നാ​ൽ, ഇ​വ​യി​ൽ ഒ​ന്നി​ൽ​പോ​ലും അ​ടി​സ്ഥാ​ന സൗ​ക​ര്യ​മോ സു​ര​ക്ഷാ ക്ര​മീ​ക​ര​ണ​മോ ഒ​രു​ക്കാ​ൻ ഒ​രു ന​ട​പ​ടി​യും ഉ​ണ്ടാ​കു​ന്നി​ല്ല. വ​നം വ​കു​പ്പി​ന്റെ ഭാ​ഗ​ത്തു​നി​ന്ന് അ​നു​കൂ​ല ന​ട​പ​ടി​ക​ൾ ഇ​ല്ലാ​ത്ത​താ​ണ്​ വെ​ല്ലു​വി​ളി.

മീ​നു​ളി​യാ​ൻ പാ​റ കാ​ണാ​ൻ ദി​വ​സ​വും നൂ​റു​ക​ണ​ക്കി​ന് സ​ഞ്ച​രി​ക​ൾ എ​ത്തി​യി​രു​ന്നു. ഒ​രു സു​പ്ര​ഭാ​ത​ത്തി​ൽ വ​നം വ​കു​പ്പ്​ ഇ​വി​ടേ​ക്ക്​ സ​ഞ്ചാ​രി​ക​ൾ എ​ത്തു​ന്ന​ത് അ​പ​ക​ട​ത്തി​നും പ​രി​സ്ഥി​തി പ്ര​ശ്ന​ങ്ങ​ൾ​ക്കും കാ​ര​ണ​മാ​കു​മെ​ന്ന്​ ചൂ​ണ്ടി​ക്കാ​ട്ടി അ​ട​ച്ചു. പ്ര​തി​ഷേ​ധി​ച്ച നാ​ട്ടു​കാ​ർ​ക്കെ​തി​രെ കേ​സെ​ടു​ത്തു. വ​നം സം​ര​ക്ഷ​ണ സ​മി​തി ഉ​ണ്ടാ​ക്കി അ​വ​രു​ടെ നി​യ​ന്ത്ര​ണ​ത്തി​ൽ മീ​നു​ളി​യാ​ൻ​പാ​റ​യി​ലേ​ക്ക്​ പ്ര​വേ​ശ​നം ന​ൽ​കു​മെ​ന്ന് പ​റ​ഞ്ഞി​ട്ട്​ ഒ​രു വ​ർ​ഷം ക​ഴി​ഞ്ഞു.

വി​നോ​ദ സ​ഞ്ചാ​ര​കേ​ന്ദ്രം ഇ​പ്പോ​ഴും അ​ട​ഞ്ഞു​ത​ന്നെ. ആ​ന​ചാ​ടി​ക്കു​ത്തും കോ​ട്ട​പ്പ​റ​യും ന​ക്ക​യ​വും കാ​റ്റാ​ടി​ക്ക​ട​വും കാ​ണാ​ൻ സ​ഞ്ചാ​രി​ക​ൾ എ​ത്തു​ന്നു​ണ്ട്. എ​ന്നാ​ൽ, അ​ടി​സ്ഥാ​ന സൗ​ക​ര്യ​മോ സു​ര​ക്ഷാ ക്ര​മീ​ക​ര​ണ​മോ ഒ​രു​ക്കാ​ൻ ഒ​രു ന​ട​പ​ടി​യും ഇ​ല്ല. താ​ഴെ​ത്ത​ട്ടി​ൽ​നി​ന്ന് വ​നം വ​കു​പ്പ് ഉ​ദ്യോ​ഗ​സ്ഥ​ർ ന​ൽ​കു​ന്ന പ​ദ്ധ​തി​ക​ൾ അം​ഗീ​ക​രി​ക്കാ​ൻ ഉ​ന്ന​ത ഉ​ദ്യോ​ഗ​സ്ഥ​ർ ത​യാ​റാ​കാ​ത്ത​താ​ണ്​ പ്ര​ശ്ന​മെ​ന്നും ചൂ​ണ്ടി​ക്കാ​ട്ടു​ന്നു.

(തു​ട​രും)