സർക്കാർ ഭൂമി കൈയേറി റോഡ് നിർമാണം; തടഞ്ഞ് റവന്യൂ വകുപ്പ്

അ​ടി​മാ​ലി: റ​വ​ന്യൂ ഭൂ​മി​യും ആ​ദി​വാ​സി ക്ഷേ​ത്ര​ഭൂ​മി​യും കൈ​യേ​റി നി​ർ​മി​ച്ച റോ​ഡ് റ​വ​ന്യൂ സം​ഘം ബോ​ർ​ഡ് സ്ഥാ​പി​ച്ച് അ​ട​ച്ചു. ടൂ​റി​സം ല​ക്ഷ്യം​വെ​ച്ച് റി​സോ​ർ​ട്ട് ന​ട​ത്തി​പ്പു​കാ​ർ ക്ഷേ​ത്ര​ഭൂ​മി കൈ​യേ​റി എ​ന്ന ആ​ദി​വാ​സി​ക​ളു​ടെ പ​രാ​തി​യെ തു​ട​ർ​ന്നാ​ണ് റ​വ​ന്യൂ വ​കു​പ്പി​ന്റെ ന​ട​പ​ടി.

ജൂ​ൺ നാ​ലി​നാ​ണ്​ വി​നോ​ദ​സ​ഞ്ചാ​രി​ക​ളെ ല​ക്ഷ്യം​വെ​ച്ച് ഓ​ഫ് റോ​ഡ്​ ട്ര​ക്കി​ങ്ങി​ന്​ ബൈ​സ​ൺ​വാ​ലി വി​ല്ലേ​ജി​ലെ പൊ​ട്ട​ൻ​കാ​ട് താ​വ​ള​ത്തി​ൽ സ​ർ​വേ ന​മ്പ​ർ 27/1ൽ​പ്പെ​ട്ട 2510 ഏ​ക്ക​ർ വ​രു​ന്ന റ​വ​ന്യൂ ഭൂ​മി​യി​ലൂ​ടെ ജെ.​സി.​ബി ഉ​പ​യോ​ഗി​ച്ച് റോ​ഡ് നി​ർ​മാ​ണം ന​ട​ത്തി​യ​ത്. ചൊ​ക്ര മു​ടി​കു​ടി​യി​ലെ ആ​ദി​വാ​സി​ക​ൾ നൂ​റ്റാ​ണ്ടു​ക​ളാ​യി ആ​രാ​ധ​ന ന​ട​ത്തി​യി​രു​ന്ന ക്ഷേ​ത്ര​ത്തി‍െൻറ ഭൂ​മി​യും കൈ​യേ​റി​യാ​ണ് റോ​ഡ് നി​ർ​മാ​ണം. ഇ​തി​നെ​തി​രെ ആ​ദി​വാ​സി​ക​ൾ പ​രാ​തി​യു​മാ​യി രം​ഗ​ത്തെ​ത്തി. റ​വ​ന്യൂ മ​ന്ത്രി​യ​ട​ക്കം നേ​രി​ട്ട് പ​രാ​തി​ന​ൽ​കി. തു​ട​ർ​ന്നാ​ണ് റ​വ​ന്യൂ വ​കു​പ്പി​ന്റെ ഇ​ട​പെ​ട​ൽ. അ​ന​ധി​കൃ​ത​മാ​യി നി​ർ​മി​ച്ച റോ​ഡി​ന് ന​ടു​വി​ൽ സ​ർ​ക്കാ​ർ​വ​ക ഭൂ​മി എ​ന്ന ബോ​ർ​ഡ് സ്ഥാ​പി​ച്ച റ​വ​ന്യൂ വ​കു​പ്പ് റോ​ഡ് അ​ട​ച്ചു. ബോ​ർ​ഡ് സ്ഥാ​പി​ച്ച്​ ഏ​റ്റെ​ടു​ത്ത സ​ർ​ക്കാ​ർ ഭൂ​മി​യി​ലേ​ക്ക് വീ​ണ്ടും കൈ​യേ​റ്റം ന​ട​ത്തു​ന്നു​ണ്ടോ എ​ന്ന് നി​രീ​ക്ഷി​ക്കാ​ൻ ബൈ​സ​ൺ​വാ​ലി വി​ല്ലേ​ജ് ഓ​ഫി​സ​ർ​ക്ക് നി​ർ​ദേ​ശം ന​ൽ​കി​യി​ട്ടു​ണ്ട്.

എ​ൽ.​ആ​ർ. ത​ഹ​സി​ൽ​ദാ​ർ സീ​മ ജോ​സ​ഫ്, ഡെ​പ്യൂ​ട്ടി ത​ഹ​സി​ൽ​ദാ​ർ ഹാ​രി​സ് ഇ​ബ്രാ​ഹീം എ​ന്നി​വ​രു​ടെ നേ​തൃ​ത്വ​ത്തി​ലു​ള്ള റ​വ​ന്യൂ സം​ഘ​മാ​ണ് കൈ​യേ​റ്റം ഒ​ഴു​പ്പി​ച്ച​ത്.

വ​രും ദി​വ​സ​ങ്ങ​ളി​ലും കൈ​യേ​റ്റ​ങ്ങ​ൾ​ക്കെ​തി​രെ ക​ർ​ശ​ന ന​ട​പ​ടി​യു​മാ​യി മു​ന്നോ​ട്ടു​പോ​കാ​നാ​ണ് റ​വ​ന്യൂ വ​കു​പ്പി​ന്റെ തീ​രു​മാ​നം.